Luonmtieb 2:4 - Yiesu Lɑbɑmɑnn Muɑl Ni

⁴ Ami ɑ sɑlkt lonciɑɔnŋ nɑn suklu bonciɑnn nbɑ k Yennu mɔk nɑn’t nɑ ɑmi nlee? A k mi nɑn Yennu mɔk bulcint nɑn’ɑ ɑ wun te k ɑ mɔ kuɑŋɑɑn k lebt binbenŋ ee?

Luonmtieb 2:4 Iomraidhean Croise

Luonmtieb 10:12

Bɔktu kɑɑ Suifnbɑ nɑn bin nbɑ k tie Suifnbɑ sinsuuk ni, Yennu kuukuɑ nɑ e tie b kul Yonmdɑɑnɔ, k bin nbɑ kul mei’ɔ, u sonmt’b nɑn bulcintuk.

Luonmtieb 11:22

Gotl Yennu nbɑ mɔk bulcint ŋɑɑn biɑ mɔk ninkuoni biɑnŋ nbɑ. U mɔk ninkuoni k tul bin nbɑ bɑɑ nɑ, ŋɑɑn u wɑnn’ɑ u bulcint. Ŋɑɑn l kpɑɑ tɑlɑs k ɑ biɑl u bulcint ni. Nnɑ i kɑɑ, u sɑɑ kɔnn’ɑ nɑn yiinu nɑ e.

Luonmtieb 11:33

Yennu mɔktuk set k mɔk gbennu! K u yɑn nɑn u bɑnnu sumi hɑli! Ŋmee sɑɑ fit bɑnn Yennu nbɑ lol lin nbɑ? Ŋmee sɑɑ fit bɑnn u sɔni?

Luonmtieb 3:25

Yennu e din luon k Yiesu n muɑn u sɔn k lii tie *mɑlunŋ, k mɑlunŋ pɑɑk, k Yiesu n gɑɑl biit nyikcɑbu k tul bin nbɑ kul tien’ɔ yɑdɑ. Nnɑ e k Yennu din luon wun wɑnn bɑnnu nbɑ k u tie bɑlmɔni dɑɑnɔ: siɑn yuo u din mɔk suklu. U din k dɑt nisɑɑli tubɑ b biit pɑɑk.

Luonmtieb 6:1

L pɑɑk, t sɑɑ yet nlee? T biɑ sii be t biit tumu ni e k Yennu ninkpɑbɑɔnŋ nɑ n pukn ɑmi ii?

Luonmtieb 6:15

Tɔn, senni nɑ nbɑ k yen’t nɑ, i ŋɑɑn k Yennu ninkpɑbɑɔnŋ nɑ e i yen’t, t sɑɑ biɑl biit tumu ni ɑmi ii? Aɑi, t kɑn tien nnɑ kɑɑ.

2 Kuolent-tieb 8:2

B din lɑ fɑlɑ bonciɑnn b biknu ni, b pɑlpienn din yɑb hɑli nɑn bin wɑnn b bulcint nɑn bɑɑ lek tie tɑlɑs-dɑnm nɑ wɑɑ.

Efestieb 1:18

N biɑ mei’ɔ mɑɑ wun yent i pɑlɑ ni ɑ yin bɑnn dindɑnn nbɑ pɑɑk k u yiin’i nɑ, k biɑ bɑnn nɑn bonɑ nbɑ k u tɑn sɑɑ tul u niib nɑ nbɑ yɑb k biɑ ŋɑn bonciɑnn biɑnŋ nbɑ,

Efestieb 1:7

Yennu nyinn’t biit dɑɑbs ni u Bilonkɑk mɑnŋ sɔn pɑɑk e, k nyik cɑb t biit u ninkpɑbɑɔnŋ nbɑ yɑb nɑ pɑɑk.

Efestieb 2:4

Ŋɑɑn Yennu luon’t bonciɑnn, k biɑ tin’t ninbɑɑɔk.

Efestieb 2:7

U din tun lin nbɑ nɑ, ɑ yuo nbɑ bɑɑt wun fit wɑnn suɑ kul u ninkpɑbɑɔnŋ nbɑ yɑb biɑnŋ nbɑ e, wɑɑ din tun bulcint k tul’t Yiesu Klistu ni nɑ pɑɑk.

Efestieb 3:16

N mei’ɔ ɑ u dontl nbɑ yɑb bonciɑnn nɑ, ɑ wun nuɑb u yiikuo Foŋɑnm ni k pukn’i pɑnŋ i pɑlɑ ni,

Efestieb 3:8

Yennu niib sinsuuk ni, min e tɑn juont wun nbɑ k be kɑnn ni, ŋɑɑn u ninkpɑbɑɔnŋ pɑɑk, k Yennu cɑb’n ɑ n muɑnt muɑnti k tul bin nbɑ k tie Suifnbɑ k wɑnn’b bɑnnu nbɑ k Klistu luon wun tul’t bonŋɑnɑ nbɑ kɑɑ pɑɑk,

Fiiliiptieb 4:19

N Yennu mɔktuk nbɑ nyuɑn Yiesu Klistu ni sɑɑ tul’i lin nbɑ kul k i luon

Kuoluostieb 1:27

Yennu din tun nnɑ, k mɑɑn u lol, ɑ wun wɑnn u niib nɑ, bɑnnu nbɑ k l wuol ni mɑɑn nɑ mɔktuk nbɑ yɑb bonciɑnn k tul niib kul ɑ. L wuol ni mɑɑn tie ɑ Klistu be i ni k i mun mɔk dindɑnn nɑn i sɑɑ lɑ Yennu *yudɑnt nɑ.

Kuoluostieb 2:2

N yɑɑ i pɑlɑ n cie e, k yin lɑkn tɑɑn lieb nɑn lonm, kii mɔk dindɑnn kul nbɑ bɑɑt nɑn bɑlmɔni minu. Nnɑ e kii sii mi Yennu wuol ni lɑbɑɑl nbɑ tie *Klistu tiɑɔnŋ nɑ.

1 Tiimuote 1:16

Ŋɑɑn lin nbɑ nɑ pɑɑk k Yennu din tin’n ninbɑɑɔk, ɑ min nbɑ tie biitdɑnm yudɑɑnɔ nɑ ni, Yiesu Klistu n fit wɑnn u suklu nbɑ kɑɑ pɑɑk k tul bin nbɑ sii tie’u yɑdɑ bii mɔk mɑnfuol nbɑ kɑɑ gbennu.

1 Tiimuote 6:17

A kpɑɑn tingbounŋ nɑ mɔktɑ nɑ, ɑ b dɑɑ mɔk dont-n-mɔnŋ ɑmi bin tien b dindɑnn mɔktuk nbɑ tie wounŋ nɑ ni, ŋɑɑn bin tien b dindɑnn kul Yennu ni, wun nbɑ tul’t bonsiɑl kul, ɑ t gɑɑl kii mɔk pɑlpienn.

1 Piɑl 3:20

Ŋɑnm e din tie niib nbɑ din k sɑk Yennu mɔb yuo nbɑ k u din guu nɑn suklu k Noe ŋɑnmt ŋɑlngbenŋl nɑ. Niib bɑnniin kuukuɑ din tɑn kuɑ ŋɑlunŋ mɑnŋ ni, k nyun te k b lɑ fielu.

2 Piɑl 1:11

Nnɑ e k Yennu tɑn sɑɑ gɑɑl’i nɑn pɑlpienn t Yonmdɑɑnɔ Yiesu Klistu jiɑɔnŋ nbɑ kɑɑ gbennu nɑ ni.

2 Piɑl 3:15

T Yonmdɑɑnɔ nbɑ di suklu nɑ, u tien niib e yɑɑk, ɑ bin lɑ fielu, nɑn t nɑɑ bilonkɑk Pɔul nbɑ mun dɑɑn diɑn kɑdɑsiɑɔk k tul’i k yet’i nɑn Yennu nbɑ tul’ɔ yɑn biɑnŋ nbɑ.

2 Piɑl 3:3

Sinsinn, n luon k yii mi nɑn nisiɑb nbɑ wɑɑ b pɑlɑ lonbiit tɑn sii be dɑɑjuonti ni, k tɑn sii sɑlkt’i,

2 Piɑl 3:9

L kɑn wei, k Yonmdɑɑnɔ sɑɑ tun k gbien u mɔsonn nɑ. Ŋɑɑn nisiɑb duki nɑn u tɑɑntl e. Ŋɑɑn u mɔk suklu nɑn’i e. U k luon k nisiɑb n kpo kuun nbɑ kɑɑ gbennu, ŋɑɑn u luon k suɑ kul n mɔ kuɑŋɑɑn k lebt binbenŋ e.

Fiitu 2:21

N tul’ɔ yuo ɑ wun mɔ kuɑŋɑɑn k lebt binbenŋ k nyik u cunconsn, ŋɑɑn u k sɑɑk.

Fiitu 3:20

Nnɑlɑ, n sie tɑnmɔb nɑ ni k kpɑɑn gɑnn. Wun nbɑ gbɑt n kunkɔl k luot gɑnn mɑnŋ, n sɑɑ kuɑ, k min nɑn ŋuɑ sɑɑ lɑkn di.