Luonmtieb 2:25 - Yiesu Lɑbɑmɑnn Muɑl Ni

²⁵ L i tie k ɑ sɑk Yennu senni, ɑ *punpotu mɔk nyuɑt, ŋɑɑn l i tie k ɑ k sɑk senni nɑ, l nɑɑn nɑn ɑ k pot nɑ e.

Luonmtieb 2:25 Iomraidhean Croise

Tuonɑ 7:51

Etiɑnn biɑ piɑk k yɑɑ ɑ: «I mɑntk tie nigbɑbɑ hei, k i dudukt biɑ fɔk nɑn Yennu bonciɑnn, k i tubɑ k gbiɑ Yennu mɑɑn i k i yet Foŋɑnm tuonɑ. I nɑɑn nɑn i yejɑnm nɑ e.

Luonmtieb 2:13

K mɑɑn l k tie ɑ bin nbɑ gbiɑ senni nɑ kɑɑ tie niŋɑnm Yennu buol, ŋɑɑn bin nbɑ set tuun biɑnŋ nbɑ k senni nɑ wɑnn nɑ, ŋɑnm e tie niŋɑnm u buol.

Luonmtieb 2:23

Fin nbɑ fuɑ bɑlɑ senni mɑnŋ pɑɑk nɑ, ɑ yien senni mɑnŋ k dint Yennu fei,

Luonmtieb 2:26

L pɑɑk, l i tie k wun nbɑ k pot nɑ sɑk senni e, Yennu kɑn gɑɑl’ɔ nɑn wun nbɑ pot nɑ ɑɑ?

Luonmtieb 2:27

Wun nbɑ *k pot punn, ŋɑɑn wɑɑ senni nɑ, ŋuɑ e tɑn sɑɑ bu fin nbɑ k sɑɑk senni ŋɑɑn biɑ mɔk senni k l diɑn senni kɑdɑɑɔk ni k biɑ pot punn nɑ buut.

Luonmtieb 2:28

Nilɔ nbɑ tie Suif pɑɑnu ni kuukuɑ, u k tie Suif nɑn mɔni. Punpotu nɑn mɔni mun k tie punpotu nbɑ niib goli nɑ kɑɑ.

1 Kuolent-tieb 7:19

Wun nbɑ pot nɑn wun nbɑ k pot, l k tie lin nbɑ siɑn. Lin nbɑ mɑntk tie bɑlkpɑnn tie i diɑ Yennu senni.

Gɑɑlɑɑt-tieb 6:13

Bin nbɑ poli b punɑ nɑ mɔnŋ k wɑɑ Yennu *senni, ŋɑɑn b luon k yin pot e k bii fɑɑ jɑpɑɑt i *punpotu mɑnŋ pɑɑk.

Gɑɑlɑɑt-tieb 6:15

Suɑ i pot u punn kuo wuu kii pot u punn, l k tie siɑl. Lin nbɑ siɑn tie bii tie nipɑɑnm e.