Luonmtieb 2:16 - Yiesu Lɑbɑmɑnn Muɑl Ni

¹⁶ Tɔn, l tɑn sii tie nnɑ e dɑɑl mɑnŋ dɑɑl nbɑ k Yennu tɑn sɑɑ te k Yiesu *Klistu n bu nisɑɑli wuol ni dudukt buut, nɑn mɑɑ muɑntl lɑbɑmɑnn mɑnŋ biɑnŋ nbɑ nɑ.

Luonmtieb 2:16 Iomraidhean Croise

Mɑɑtieo 16:27

K mɑɑn Nisɑɑlk Bijɑ tɑn sɑɑ jen nɑn u Bɑɑ yiikuo, nɑn u *mɑlɑkɑɑnbɑ, k l yuo mɑnŋ u tɑn sɑɑ pɑ suɑ kul nɑn u tuonɑ nbɑ tie biɑnŋ nbɑ.

Lɑbɑmɑnn nbɑ k Luk diɑn 8:17

Bɑli nbɑ kul wuo, sie k l tɑn wuot nyii pɑɑnu ni, k lin nbɑ mun liik, sie k l tɑn likt k nyii.

Lɑbɑmɑnn nbɑ k Sɑn diɑn 12:48

K wun nbɑ yien’n k k sɑɑk n mɑɑn nɑ, lenŋ e k u sɑɑ lɑ lin nbɑ sɑɑ bu k biil’ɔ. Mɑɑn nbɑ k n pɑk nɑ tɑn sɑɑ bu nɑn’ɔ dulnyɑ cincɑɑtdɑɑl.

Tuonɑ 10:42

K u tul’t mɔb ɑ tii muɑntl kii tien niib ɑ Yiesu e tie dɑɑnɔ nbɑ k Yennu nyinn senn’ɔ ɑ u tie fuotb nɑn kpienm bɑlbuulɔ.

Tuonɑ 17:31

k mɑɑn ŋuɑ Yennu ponŋ senn dɑɑl nbɑ k u sɑɑ bu tingbounŋ nɑ ŋɑɑtieb kul buut cib cib. U sɑɑ te k suɑ nbɑ k u lukt’ɔ nɑ n bu buut mɑnŋ, k u set fiin’ɔ kuun ni, k l tie nyinn k tul suɑ kul, ɑ u set sɑɑ tun wɑɑ senn lin nbɑ nɑ.»

Luonmtieb 16:25

Ŋɑɑnt mɑn k tin dont Yennu sɑnn. Ŋuɑ e te k i set wɑɑ’u fɑnu nɑn mɑɑ muɑnt lɑbɑmɑnn k jiin Yiesu Klistu po nɑ pɑɑk. Ŋuɑ e fiit wuol ni mɑɑn nbɑ din bɔl binɑ binɑ nɑ.

Luonmtieb 2:5

Ŋɑɑn ɑ pɑl wɑki k ɑ lek k sɑk nɑn fɑn mɔ kuɑŋɑɑn k lebt binbenŋ nɑ, l pɑɑk, ɑ puki ɑ mɔnŋ fɑlɑ nbɑ k ɑ tɑn sɑɑ lɑ dɑɑl nbɑ k Yennu wutuol nɑ tɑn sɑɑ nyi pɑɑnu, k u tɑn sɑɑ bu niib buut nɑn bɑlmɔni,

Luonmtieb 3:6

Aɑi, n kɑn yet nnɑ kɑɑ. Yennu i kii mɔk mɔni, u bo kɑn fit kii bu tingbounŋ nɑ niib buut.

1 Kuolent-tieb 15:1

N nɑɑ wɑɑs, n luon k n tiɑl’i lɑbɑmɑnn nbɑ k n din muɑnt k tul’i, k i din gɑɑl k diɑ’l fɑnu nɑ po e.

1 Kuolent-tieb 4:5

L pɑɑk, i dɑɑ bu suɑ buut, k suɑ yuo nbɑ k Yennu senn nɑ dɑɑ k bɑɑl. Ii guu mɑn Yonmdɑɑnɔ bɑɑlu, k ŋuɑ e tɑn sɑɑ jii lin nbɑ be bunbɔnn ni k fiit wɑnn’l pɑɑnu ni, k tɑn sɑɑ fiit pɑlɑ ni mɑɑn k wɑnn pɑɑnu ni, k l yuo nɑ k suɑ kul tɑn sɑɑ lɑ u pɑku nbɑ tie biɑnŋ nbɑ Yennu buol.

2 Kuolent-tieb 5:10

K mɑɑn t kul binbenŋ tɑn sɑɑ nyi pɑɑnu *Klistu tuɑnn po bɑlbudɑɑl, k suɑ kul tɑn sɑɑ gɑɑl lin nbɑ tie u yɑl e, nɑn u tuonɑ nbɑ din tie biɑnŋ nbɑ, yuo nbɑ k u din be u tingbounŋ nɑ gbɑnɑnt ni nɑ.

Gɑɑlɑɑt-tieb 1:11

N nɑɑ wɑɑs, n yɑɑ n tiɑl’i nɑn lɑbɑmɑnn nbɑ k n muɑnt nɑ k nyii nisɑɑlk buol ni kɑɑ,

1 Tiimuote 1:11

Bɑlmɔni wɑnnu mɑnŋ nyii Klistu lɑbɑmɑnn nbɑ k Yennu din tul’n ɑ n muɑnt nɑ ni e, lɑbɑmɑnn mɑnŋ piɑk Yennu nbɑ ŋɑn nɑn dontl kul, k tie wun nbɑ tul’t bonŋɑnɑ kul nɑ po.

2 Tiimuote 2:8

Ii tiɑn Yiesu Klistu po. U din fiil kuun ni, k din tie * Dɑɑfiid yɑɑbuonn, nɑn mɑɑ muɑnt lɑbɑmɑnn nɑ.

2 Tiimuote 4:1

Yiesu *Klistu nbɑ tɑn sɑɑ bu fuont’b nɑn kpienm buut, wun nbɑ tɑn sɑɑ jen k di nɑɑn nɑ, ŋuɑ nɑn Yennu tuɑnn po, k n yien’ɑ nɑn ninmɔnn,

2 Tiimuote 4:8

Yuo nbɑ bɑɑt, n tɑn sɑɑ gɑɑl nyɑnnu nyuɑt ɑ. L nyuɑt tie fielu nɑɑn foklk nbɑ k Yonmdɑɑnɔ nbɑ tie bɑlbuŋɑnɔ nɑ tɑn sɑɑ tul’n bɑlbudɑɑl, k u kɑn tul min kuukuɑ, ŋɑɑn u tɑn sɑɑ tul bin nbɑ kul nbɑ luon bin lɑ u jennu nɑ.

Hebluonbɑ 9:27

Yennu senn ɑ sie k nilɔ kul n kpo yonm kuɑ, k l puolpo Yennu n bu u buut.

1 Piɑl 4:5

Ŋɑɑn b sɑɑ nyinn b tuonɑ pɑɑnu ni k tul Yennu nbɑ tien siil k sɑɑ bu fuotb nɑn kpienm buut nɑ.

2 Piɑl 2:9

Ŋɑnn e k Yonmdɑɑnɔ Yennu mi biɑnŋ nbɑ k u sɑɑ fɑt niib nbɑ tiin’ɔ, k nyinn’b muksuk ni, ŋɑɑn dɑt biitdɑnm tubɑ mɔkmɔk nɑn dɑɑl nbɑ k u tɑn sɑɑ bu b buut nɑ.