Luonmtieb 2:12 - Yiesu Lɑbɑmɑnn Muɑl Ni

¹² Bin nbɑ kul k mi Yennu *senni k tuun biit, b lek sɑɑ kpo b biit tumu nɑ pɑɑk ɑ, ŋɑɑn l k tie bɑɑ k diɑ senni nɑ pɑɑk nɑ kɑɑ. Bin nbɑ kul mɔk Yennu senni nɑ, ŋɑɑn tuun biit, Yennu tɑn sɑɑ jii senni mɑnŋ e k bu nɑn’m.

Luonmtieb 2:12 Iomraidhean Croise

Mɑɑtieo 11:22

Ŋɑɑn n yien’i e, dɑɑl nbɑ k Yennu tɑn sɑɑ bu niib buut nɑ, i tubdɑtu tɑn sɑɑ gɑl Tiil nɑn Siidɔn tieb yɑl ɑ.

Mɑɑtieo 11:24

Ŋɑɑn n yien’i e, Yennu bɑlbunu dɑɑl mɑnŋ, i tubdɑtu tɑn sɑɑ gɑl Suodonm tieb yɑl ɑ.»

Lɑbɑmɑnn nbɑ k Sɑn diɑn 19:11

K Yiesu ji jiin’ɔ ɑ: «Yennu i bo i kii cɑb’ɑ yiikuo, ɑ bo kii mɔk n yiikuo. L pɑɑk, dɑɑnɔ nbɑ suol’n k jiin kubn’ɑ nɑ, u biit yɑb bonciɑnn k gɑl ɑ yɑl ɑ.»

Tuonɑ 2:23

Yennu mi lin nbɑ yɑɑ lin tɑn tien, k l pɑɑk k u dɔnŋ lol lol k kubn’ɔ i nuu ni, k i te k biitdɑnm kpɑɑ tɑbn’ɔ dɑpunpunn pɑɑk k kpii’u, k l wɑnt nɑn yinm e set kpii’u.

Luonmtieb 1:32

B mi nɑn Yennu sennu wɑnn nɑn bin nbɑ tuun lin nbɑ nɑ buolu, b nyuɑt tie kuun e, ŋɑɑn b lek kpɑn tuun ŋɑnn e, k biɑ tɑɑ bin nbɑ tuun l tuonbuolu nɑ po.

Luonmtieb 4:15

k mɑɑn senni e bɑɑt nɑn Yennu wutuol ŋɑɑn senni i kɑɑ, mɔyetuk biɑ sii kɑɑ.

Luonmtieb 8:3

Senni nɑ k fit tun nnɑ, k mɑɑn tinm nisɑɑli k fit diɑ’l fɑnu. Ŋɑnn e k Yennu din tun u mɔnŋ Bijɑ tingbounŋ nɑ ni, ɑ wun gɑɑl binbenŋ nbɑ nɑɑn nɑn tinm biitdɑnm binbenŋ nɑ, k tɑn gɑɑl t pɑɑk k kpo t biit pɑɑk. K u kuun mɑnŋ pɑɑk, Yennu biil biit nbɑ be tinm nisɑɑli pɑlɑ ni nɑ pɑnŋ.

1 Kuolent-tieb 9:21

Bin nbɑ k mɔk senni nɑ, n jii n mɔnŋ k tien nɑn b yenɔ nɑ e, ɑ bin lɑ fielu. Nɑ k wɑnn nɑn n k sɑɑk Yennu senni nɑ, ŋɑɑn n be Klistu senni yiikuo nɑ ni.

Gɑɑlɑɑt-tieb 3:10

Ŋɑɑn bin nbɑ duki nɑn b tie niŋɑnm b senni weiu nɑ pɑɑk nɑ, Yennu mɔpol be b pɑɑk, k mɑɑn l diɑn Yennu lolkpel kɑdɑɑɔk ni ɑ: «Wun nbɑ k wɑɑ senni kul nbɑ diɑn kɑdɑɑɔk mɑnŋ ni nɑ, Yennu mɔpol be u pɑɑk.»

Gɑɑlɑɑt-tieb 3:22

Ŋɑɑn l diɑn Yennu lolkpel kɑdɑɑɔk ni ɑ tingbounŋ kul sɑɑk be biit yiikuo ni e, ɑ Yennu n tul bin nbɑ tien yɑdɑ nɑ piini nbɑ k u din senn mɔsonn ɑ u sɑɑ tul’b nɑ. B yɑdɑ nɑn Yiesu Klistu nɑ pɑɑk e k u sɑɑ tul’b.

Sɑɑk 2:10

Wun nbɑ sɑk k wei *senni nɑ kul, ŋɑɑn tɑn biil senni mɑnŋ yenn, l wɑnt nɑn u biil senni nɑ kul e.