Ŋɑnn e k b din tun b *puolpoweitieb nɑn kpɑnbɑl *Heluod puolpo juɑmu Yiesu buol ni, k b din boi’ɔ ɑ: «Wɑntuɑ, t mi nɑn ɑ tie bɑlmɔnpɑklɔ e, k wɑnt niib Yennu sɔnu nɑn bɑlmɔni, ŋɑɑn k k fiin niib po, k mɑɑn ɑ bɑkɑ kɑɑ nɑn nisɑɑlk nbɑ tie wun nbɑ po.
K pikiitieb mɑnŋ tɑn bɑɑl boi Yiesu buboit ɑ: «Wɑntuɑ, t mi nɑn fɑɑ yien lin nbɑ k biɑ wɑnt nɑ, l ŋɑn. A biɑ k tie luktn dɑɑnɔ, ŋɑɑn fin e biɑ wɑnt Yennu sɔnu nɑn bɑlmɔni.
Bin nbɑ k b yi’b sɑɑkɑb nɑ, b i tie nijɑɑnɑ ɑmi b i kii tie i e, l k kpɑɑ tɑlɑs min yɑɑ buol, k mɑɑn Yennu k biki nɑn ningɑnni. Ŋɑnm nbɑ k b yi’b sɑɑkɑb nɑ din k pukn’n sennsɑi.
Cɑnbɑɑnbɑ, ii mun ii diɑ i dɑɑbɑ bonŋɑnn k dɑɑ diɑ’b nɑn ninmɔnn. Ii mun ii tiɑn nɑn yinm nɑn i dɑɑbɑ mɑnŋ kul ɑ tɑɑn mɔk Yonmdɑɑnɔ yenɔ kuɑ e *Yendɔunŋ ni, k u k mɔk luktn.
L i tie k i mei Yennu, i yi’u Bɑɑ e, k ŋuɑ e bu niib kul buut nɑn bɑɑ tun biɑnŋ nbɑ nɑ, k ningɑnni kɑɑ. L pɑɑk, yɑɑ be tingbounŋ nɑ ni, ii tiin’ɔ mɑn yuo kul.
