Luonmtieb 16:26 - Yiesu Lɑbɑmɑnn Muɑl Ni

²⁶ Ŋuɑ *Yennu sɔkniinbɑ gɑɑl k diɑn lolkpel kɑdɑɑɔk ni k l fiit wuol ni, k Yennu nbɑ kɑɑ gbennu nɑ tul mɔb ɑ buolu kul nbɑ k tie Suifnbɑ nɑ n bɑnn’l, k niib kul n fit k tien yɑdɑ k sɑk u mɔb.

Luonmtieb 16:26 Iomraidhean Croise

Mɑɑlk 16:15

K u biɑ yet’b ɑ: «Ii sɑɑ kii muɑntl lɑbɑmɑnn nɑ k tul suɑ kul tingbounŋ nɑ kul sɑɑk ɑ po.

Tuonɑ 10:43

*Yennu sɔkniinbɑ kul din tuu piɑk u po, k yien ɑ suɑ kul nbɑ tien’ɔ yɑdɑ nɑ, sɑɑ lɑ nyikcɑbu Yiesu mɑnŋ sɑnn ni.»

Tuonɑ 6:7

L puolpo e k Yennu mɑɑn ŋɑnmt k yɑt kuɑ niib ni, k Yiesuweilɑ mun biɑ yɑbtl k puki bonciɑnn Selusɑɑlenm, k Yennu mɑnntieb bonciɑnn sɑk Yiesu lɑbɑmɑnn k tien’ɔ yɑdɑ.

Luonmtieb 1:2

Yennu ponŋ din dɔnŋ senn u mɔsonn lɑbɑmɑnn mɑnŋ po e wɑɑ, k u sɔkniinbɑ din muɑntl u mɔsonn mɑnŋ, k l diɑn u tiɑɔnŋ lolkpel kɑdɑɑɔk ni.

Luonmtieb 1:20

Yuo nbɑ k Yennu din nɑn *dulnyɑ mɔkmɔk nɑn mɔtɑɑnɑ, u nɑɑmi mɑnŋ ni k b bɑnn u ŋɑnt nbɑ k nifosɑɑlk ninbinn k fit lɑɑt nɑ: ŋɑnn e tie u yiikuo nbɑ kɑɑ gbennu, nɑn wɑɑ tie Yennu bɑnnu nbɑ nɑ. L pɑɑk, k b ji k mɔk leku Yennu tuɑnn k sɑɑ yet ɑ b k mi b biit.

Luonmtieb 1:5

Ŋuɑ pɑɑk e k Yennu ninbɑtinu be t pɑɑk k te k t tie u tuomiinbɑ ɑ tin jii u sɑnn k sɑɑn nibuolu kul buol ni, k te k bii sɑɑk u mɔb kii tie’u yɑdɑ,

Luonmtieb 15:18

K mɑɑn l i tie k n luon mɑn pɑk siɑl po i e, l tie lin nbɑ k Klistu te k n tun, k fit te bin nbɑ k tie Suifnbɑ n sɑk Yennu mɔb. N mɑɑn nɑn n bontitiet

Luonmtieb 15:4

Lin nbɑ kul diɑn Yennu lolkpel kɑdɑɑɔk ni nɑ, l diɑn k tul’t ɑ tii tumi e. U mɑɑn mɑnŋ tien’t suklu, k biɑ kuɑnt’t pɑlɑ, ɑ tii mɔk dindɑnn.

Luonmtieb 3:21

Ŋɑɑn mɔtɑɑnɑ, Yennu wɑnn’t bɑnnu nbɑ k u tien’t niŋɑnm u buol ni, k l k tie senni nɑ pɑɑk kɑɑ. Muois senni nɑ nɑn sɔkniinbɑ mɑɑn nɑ wɑnt ŋɑnn e.

Gɑɑlɑɑt-tieb 3:8

K l biɑ din diɑn Yennu lolkpel kɑdɑɑɔk ni, ɑ Yennu tɑn sɑɑ yet ɑ bin nbɑ k tie *Suifnbɑ mun tie niŋɑnm u buol b yɑdɑ pɑɑk. L pɑɑk e k lɑbɑmɑnn mɑnŋ diɑn Yennu lolkpel kɑdɑɑɔk ni k tul Ablɑɑhɑɑnm ɑ: «A pɑɑk e k nisɑɑli buolu buolu kul ɑ sɑɑ lɑ yetŋɑnm.»

Efestieb 1:9

K u din wɑnn’t wuol ni lolɑ nbɑ k u din senn nɑn wɑɑ luon bɑnnu nbɑ Klistu ni nɑ.

Efestieb 2:20

Fiɑkyenn kuɑ nbɑ k sɔkniinbɑ nɑn tuomiinbɑ din fɔkn nɑ pɑɑk e, k i mun tuɑn k Yiesu Klistu mɔnŋ tie tɑnn nbɑ tien fiɑkl pɑnŋ.

Kuoluostieb 1:26

Bɑli mɑnŋ e tie wuol ni mɑɑn nbɑ k Yennu din wuon siɑn-yuo, k nibuolu kul k bɑnn’l, ŋɑɑn k u tɑn fiit wɑnn u niib mɔtɑɑnɑ.

1 Tiimuote 1:17

Tɔn, k mɔtɑɑnɑ Kpɑnbɑl nbɑ kɑɑ gbennu, k kɑn mi kpo, k suɑ k lɑɑt’ɔ, k u kuukuɑ tie Yennu, ŋuɑ e ŋɑn nɑn sɑnn nɑn dontl nɑn yuo nbɑ kɑɑ gbennu. * Amenn.

1 Tiimuote 3:16

Nn, l tie mɔni e, bɑktnɔunŋ minu nbɑ k yɑdɑ tien tinm nɑ yɑb: Klistu din bɑɑl k tie nisɑɑlk e, k tie bɑlmɔndɑɑnɔ, Foŋɑnm e din wɑnn nnɑ. Mɑlɑkɑɑnbɑ din lɑ’u wɑɑ, k niib din muɑnt u lɑbɑɑl k tul nibuolu kul, k b tien’ɔ yɑdɑ tingbounŋ nɑ ni, k **Yendɔunŋ ni k Yennu tul’ɔ *yudɑnt.

2 Tiimuote 1:10

Ŋɑɑn t Fietuɑ Yiesu Klistu bɑɑlu ni e k u fiit wɑnn’t l po, k mɑɑn Yiesu Klistu din biil kuun yiikuo, ŋɑɑn biɑ wɑnn’t ɑ lɑbɑmɑnn ni, ɑ t sɑɑ lɑ mɑnfuol nbɑ kɑɑ gbennu.

Hebluonbɑ 13:8

Yiesu Klistu nbɑ won tie biɑnŋ nbɑ wonn nɑ, u biɑ tie nnɑ e dinnɑ nɑ, k u biɑ sii tie nnɑ e nɑn yuo nbɑ kɑɑ gbennu.

Hebluonbɑ 9:14

L tie k l tie mɔni i e, Klistu sɔn biɑ sii mɔk yiikuo k gɑl bonkobt sɔn nɑ. Bɑlmɔni, Foŋɑnm pɑnŋ ni, Klistu din yit u mɔnŋ sɑlk k tul Yennu, k l tie mɑlunŋ nbɑ ŋɑn. Nnɑ e k u sɑɑ wuul t pɑl nbɑ gbie nɑn tuonbiit nbɑ sɑɑ nɑn’t kuun ni nɑ. Ŋɑnn e sɑɑ te k tin fit k tun Yennu nbɑ fo nɑ tuonɑ.

1 Sɑn 5:20

T mi nɑn Yennu Bijɑ din bɑɑl tingbounŋ nɑ ni, k tɑn tul’t yɑn, ɑ tii bɑnt bɑlmɔni Yennu. T be u ni u Bijɑ Yiesu Klistu nɑ pɑɑk e, k ŋuɑ e tie bɑlmɔni Yennu k biɑ tie mɑnfuol nbɑ kɑɑ gbennu.

Fiitu 1:17

Mɑɑ lɑ’u yuo nbɑ k n bɑɑ duɑl u tuɑnn nɑn kpiemɔ nɑ. K u jii u niidiitu k yii n pɑɑk, ŋɑɑn yet ɑ: «Dɑɑ tiin jɑŋmɑɑni. Min e tie bont kul ɑ pinpiik nɑn l gbennu.

Fiitu 19:10

Ŋɑnn e k n gbɑɑn u tuɑnn ɑ n jiɑnt’ɔ. K u yet’n ɑ: «Dɑɑ tie nnɑ kɑɑ, N tie fin nɑn ɑ nɑɑ wɑɑs nbɑ diɑ Yiesu bɑlmɔni *siɑlɑ nɑ tuontunluɑ e. Jiɑntl Yennu e. K mɑɑn Yiesu bɑlmɔni siɑlɑ nɑ e te k sɔkniinbɑ muɑntl b lɑbɑɑl.»