Luonmtieb 16:2 - Yiesu Lɑbɑmɑnn Muɑl Ni

² Yin gɑɑl’ɔ Yonmdɑɑnɔ Klistu sɑnn pɑɑk nɑn Yennu niib nbɑ bo sii gɑɑn b lieb biɑnŋ nbɑ nɑ, k sonm’ɔ nɑn wɑɑ luon lin nbɑ i buol, k mɑɑn u mun tuu sonmt niib bonciɑnn, nɑn n mɔnŋ.

Luonmtieb 16:2 Iomraidhean Croise

Mɑɑtieo 25:40

K Kpɑnbɑl nɑ mun tɑn sɑɑ jiin k yet’b ɑ: ‹Bɑlmɔni e k n yien’i nɑ, yɑɑ din tun lin nbɑ k tul wun nbɑ juont tɑlk n nɑɑ wɑɑs sinsuuk ni nɑ yenɔ kuɑ, i din tuun k tien min e.›

Tuonɑ 9:13

K Anɑɑniɑs jiin ɑ: «N Yonmdɑɑnɔ, niib bonciɑnn e piɑk juɑ nɑ po, k jikt sɑɑ biɑnŋ nbɑ kul k u tuun bonbiil k tien ɑ mɔnŋ niib Selusɑɑlenm.

Tuonɑ 9:15

Ŋɑɑn Yonmdɑɑnɔ yet’ɔ ɑ: «Fin i sɑɑ wɑɑ. Ŋuɑ e tie wun nbɑ k n lukt’ɔ ɑ wuu tuun n tuonn, k te k buolgɑnu nɑn b kpɑnbɑlɑ nɑn Islɑɑeltieb n bɑnn n sɑnn,

Tuonɑ 9:36

Puosuɑ mun din be Sope, k u sɑnn yi Tɑɑbiitɑ, ŋɑɑn Glek mɑɑn ni, b din yi’u Dɔlkɑɑs, k l pɑɑk tie pɑmɔnɔ. U din tie Yiesuweilɔ e, k din tuun tuonŋɑnɑ bonciɑnn k tien niib, k biɑ din sonmt tɑlɑs-dɑnm.

Tuonɑ 9:39

K u fiil k b jen nɑn’ɔ. Wɑɑ bɑɑl yuo nbɑ, k b jii’u k duo nɑn’ɔ dituɑtuk mɑnŋ ni. K pɑkɔi din be dieok nɑ ni, k b kul ŋɑɑ lint Piɑl ɑ, ŋɑɑn mɔ, k jikt b liɑtɑ nɑn b cincenɑ k wɑnt’ɔ, k yien ɑ: «Dɔlkɑɑs nbɑ tuu be u mɑnfuol ni k nyɑl lin nbɑ k tien’t e nɑ.»

Tuonɑ 9:41

K Piɑl dɔnn k suol u nuu k fiin senn’ɔ, ŋɑɑn yiin Yennu niib nɑn pɑkɔi nɑ, k tɑn jii’u k wɑnn’b nɑn u jen u mɑnfuol ni wɑɑ.

Luonmtieb 15:7

Ii gɑɑn lieb mɑn nɑn Klistu nbɑ gɑɑl’i nɑ, k Yennu sɑnn n lɑ pɑku.

Luonmtieb 16:15

Fuont Fiilolok nɑn Suli nɑn Nele nɑn u niipuo, nɑn Oliinpɑs nɑn Yennu niib kul nbɑ be nɑn’m nɑ.

Luonmtieb 16:23

Gɑius wun nbɑ gɑɑl min Pɔul nɑn Klistuyɑb kul u ŋɑɑk ni nɑ, u mun fuont’i. Elɑst, wun nbɑ tie duo nɑ likguutuɑ nɑ, ŋuɑ nɑn t nɑɑ bik Kɑltus mun fuont’i.

Luonmtieb 16:6

Fuont Mɑɑli wun nbɑ din tuu tuun bonciɑnn k tien’i nɑ.

Luonmtieb 16:9

Fuont Ulben wun nbɑ tie t tuontunluɑ Klistu tuonɑ ni nɑ, k fuont n yɔŋɑnŋ Sitɑɑkiis mun biɑk.

Efestieb 5:3

Yɑɑ tie Yennu wɑɑs nɑ pɑɑk, l ponŋ k ŋɑn niib ii gbiɑ boncuncontuonɑ mɑɑn, ɑmi jɑknt mɑɑn, ɑmi niɑnciɑɔnŋ mɑɑn i sinsuuk ni.

Fiiliiptieb 1:27

Ŋɑɑn lin nbɑ yɑɑ kul ni, ŋɑɑnt k i binbenŋ sɔnu ii tie nɑn Klistu lɑbɑmɑnn nbɑ luon lii tie bɑnnu nbɑ nɑ. K mi i lek i fit sɑɑn lɑ’i ɑmi mi i kii fit lɑ’i ni, ŋɑɑn n sɑɑ gbɑt ɑ i sie fɑnu nɑn dudukyent kuɑ, k tɑɑn mɔtɑɑɔk k yɑbi i mɔnŋ k yɑdɑ nbɑ nyi lɑbɑmɑnn nɑ ni n sɑɑn tuɑnn.

Fiiliiptieb 2:29

I gɑɑl’ɔ nɑn pɑlpienn mɑn nɑn i nɑɑ bik nɑ Yonmdɑɑnɔ ni. I tul nibuolu nbɑ tie nɑn ŋuɑ nɑ nibɑɑkl mɑn,

Kuoluostieb 4:10

Aliistɑɑlk, wun nbɑ be nɑn’n dɑnsɑlk ni nɑ fuont’i, k Bɑɑlnɑɑbɑɑs puolɔ bijɑ Mɑɑlk mun biɑ fuont’i. (I dɑɑn ponŋ gɑɑl n kpɑɑni, ɑ Mɑɑlk ii tɑnŋ i bɑɑl i buol ni, yin gɑɑl’ɔ.)

1 Tiimuote 2:10

ŋɑɑn kii tuun tuonŋɑnɑ nɑn puob nbɑ wɑnn b mɔnŋ nɑn b cɔln Yennu nɑ.

2 Tiimuote 1:18

Yonmdɑɑnɔ n tin’ɔ ninbɑɑɔk dɑɑl mɑnŋ dɑɑl. A mɔnŋ mi fɑnu wɑɑ din sonm’n bonciɑnn biɑnŋ nbɑ Efes duo ni.

Tiit 2:3

A biɑ kpɑɑn puokpelɑ, ɑ bii be bɑnnu nbɑ k niib ii mi nɑn b tie Yennu yɑb e, k dɑɑ tie sɑnjɑɑnjɑnnɑ, k biɑ dɑɑ nyu dɑɑn k yib, ŋɑɑn bii wɑnt kpɑɑni nbɑ ŋɑn.

Fiilemɔn 1:12

Mɔtɑɑnɑ, n tuun’ɔ ɑ wun ŋmɑt ɑ buol ni; k n pɑl lonm kul ɑ be u ni.

Fiilemɔn 1:17

L pɑɑk, l i tie k ɑ duki ɑ n tie ɑ yuɑk i e, fɑn gɑɑl’ɔ nɑn fɑɑ bo sɑɑ gɑɑl’n biɑnŋ nbɑ nɑ.

2 Sɑn 1:10

L i tie k dɑɑnsuɑ nbɑ bɑɑl i buol ni, k k wɑnt wɑnnu mɑnŋ, i dɑɑ gɑɑn’ɔ i ŋei ni, k biɑ tɑɑn dɑɑ yien’ɔ, ɑ u nyinu po