Luonmtieb 15:5 - Yiesu Lɑbɑmɑnn Muɑl Ni

⁵ Yennu, wun nbɑ k suklu nɑn pɑlcienn nyi u ni, n te k i fit kii be nɑn lieb nɑn mɑnu nɑn Yiesu Klistu nbɑ luon bɑnnu nbɑ nɑ,

Luonmtieb 15:5 Iomraidhean Croise

Tuonɑ 4:32

L yuo nɑ k Yiesuweilɑ mɑnŋ kul ɑ tɑɑn lieb nɑn dudukyent kuukuɑ. B suɑ din k yɑɑ ɑ u yen siɑl u mɔnŋ, ŋɑɑn b din centl b bonɑ k tien b lieb e.

Luonmtieb 12:16

Ii mɔk mɑn dudukyenn kuɑ k dɑɑ mɔk dont-n-mɔnŋ, ŋɑɑn kii sɑɑk tuonɑ nbɑ k mɔk dont-n-mɔnŋ, k dɑɑ duki nɑn i mɔk nin-yentl.

Luonmtieb 15:13

Yennu nbɑ tul’i dindɑnn nɑ, n tul’i mɑnu nɑn pɑlpienn bonciɑnn yɑɑ tien’ɔ yɑdɑ nɑ pɑɑk k Foŋɑnm n te k i dindɑnn nɑ n ŋɑnm yɑbt.

Luonmtieb 15:3

K mɑɑn ŋuɑ Klistu din k luon wun tun u mɔnŋ lonm kuukuɑ kɑɑ, nɑn lɑɑ diɑn Yennu lolkpel kɑdɑɑɔk ni ɑ: «Bin nbɑ suki fin nɑ, b sukt mɑnŋ bɑɑ n pɑɑk e.»

1 Kuolent-tieb 1:10

N nɑɑ wɑɑs, n bɑln’mi e, t Yonmdɑɑnɔ Yiesu Klistu sɑnn ni, ɑ yin tɑɑn mɔb, k bɔktu dɑɑ be i sinsuuk ni, k yii tɑɑ mɔyenm kuɑ nɑn dudukyenn kuɑ.

2 Kuolent-tieb 13:11

Mɔtɑɑnɑ lɑɑ, n nɑɑ wɑɑs, yinm nbɑ tie Klistuweilɑ nɑ, ii be mɑn pɑlmɑnn ni. Ii luon mɑn bɑnnu nbɑ sɑɑ te k i dɑɑ mɔk biit, kii cien i lieb pɑlɑ, kii biɑ kii gbiɑ i lieb mɑɑn pɑɑk. Ii be mɑn mɑnu ni, k Yennu nbɑ tie lonm nɑn mɑnu Yennu nɑ ii be nɑn’i.

2 Kuolent-tieb 7:6

ŋɑɑn Yennu nbɑ mɑɑnt bin nbɑ mɔk pɑlbiil nɑ pɑlɑ dɑɑn te k Tiit bɑɑl t buol ni, k u bɑɑlu mɑnŋ dɑɑn mɑɑn t pɑlɑ wɑɑ.

Efestieb 5:2

k ŋɑɑn k lonm i diɑ’i nɑn *Klistu nbɑ din luon’t bonciɑnn k gɑɑl t pɑɑk k kpo k l nɑɑn nɑn mɑnnu nbɑ k l nublu mɑn k tul Yennu nɑ.

Fiiliiptieb 1:27

Ŋɑɑn lin nbɑ yɑɑ kul ni, ŋɑɑnt k i binbenŋ sɔnu ii tie nɑn Klistu lɑbɑmɑnn nbɑ luon lii tie bɑnnu nbɑ nɑ. K mi i lek i fit sɑɑn lɑ’i ɑmi mi i kii fit lɑ’i ni, ŋɑɑn n sɑɑ gbɑt ɑ i sie fɑnu nɑn dudukyent kuɑ, k tɑɑn mɔtɑɑɔk k yɑbi i mɔnŋ k yɑdɑ nbɑ nyi lɑbɑmɑnn nɑ ni n sɑɑn tuɑnn.

Fiiliiptieb 2:2

ŋɑnn, i sɑɑ te k n mɔk pɑlpienn cɑin, l i tie k i mɔk dudukyenn kuɑ, k biɑ mɔk lonm yenn kuɑ k biɑ tɑɑ i lieb po i pɑlɑ ni nɑn i dudukt ni.

Fiiliiptieb 3:16

L i tie lin nbɑ kul, ŋɑɑn ŋɑɑnt mɑn k tin wei sɔnu nbɑ k t din wɑɑ mɔkmɔk nɑn mɔtɑɑnɑ.

Fiiliiptieb 4:2

Efodi nɑn Sintiik, n bɑln’mi e, i yɑbl k tɑɑn mɔb kii be nɑn nɑɑtɑɑnn Yonmdɑɑnɔ ni.

1 Piɑl 3:20

Ŋɑnm e din tie niib nbɑ din k sɑk Yennu mɔb yuo nbɑ k u din guu nɑn suklu k Noe ŋɑnmt ŋɑlngbenŋl nɑ. Niib bɑnniin kuukuɑ din tɑn kuɑ ŋɑlunŋ mɑnŋ ni, k nyun te k b lɑ fielu.

1 Piɑl 3:8

Lin nbɑ biɑl nɑ tie nnɑ e: i kul ii mɔk mɑn dudukyenn, k i bɑkɑ ii be i lieb ni, kii mɔk lonm nɑn i nɑɑ wɑɑs *Klistu ni, kii tiin i lieb ninbɑɑɔk, kii siknt i mɔnŋ.

2 Piɑl 3:15

T Yonmdɑɑnɔ nbɑ di suklu nɑ, u tien niib e yɑɑk, ɑ bin lɑ fielu, nɑn t nɑɑ bilonkɑk Pɔul nbɑ mun dɑɑn diɑn kɑdɑsiɑɔk k tul’i k yet’i nɑn Yennu nbɑ tul’ɔ yɑn biɑnŋ nbɑ.

2 Piɑl 3:9

L kɑn wei, k Yonmdɑɑnɔ sɑɑ tun k gbien u mɔsonn nɑ. Ŋɑɑn nisiɑb duki nɑn u tɑɑntl e. Ŋɑɑn u mɔk suklu nɑn’i e. U k luon k nisiɑb n kpo kuun nbɑ kɑɑ gbennu, ŋɑɑn u luon k suɑ kul n mɔ kuɑŋɑɑn k lebt binbenŋ e.