Luonmtieb 15:12 - Yiesu Lɑbɑmɑnn Muɑl Ni

¹² Esɑɑyi mun din diɑn Yennu lolkpel kɑdɑɑɔk ni ɑ: «Jese yɑɑbuonn tɑn sɑɑ bɑɑl, k u sii mɔk yiikuo, k tɑn sii tie bin nbɑ k tie Suifnbɑ nɑ yudɑɑnɔ, k b dindɑnn sii be u ni.»

Luonmtieb 15:12 Iomraidhean Croise

Mɑɑtieo 12:21

U sɑnn ni e, k niib kul ɑ tɑn sii mɔk dindɑnn.»

1 Kuolent-tieb 15:19

Tɑɑ mɔk dindɑnn nɑn Klistu nɑ, l i tie k l mɔk nyuɑt tingbounŋ nɑ benu ni kuukuɑ i e, ŋɑnn ŋɑnin t bo sii mɔk ninbɑɑɔk k gɑl suɑ kul ɑ.

2 Tiimuote 1:12

L pɑɑk e te k n di fɑlɑ mɑnŋ, ŋɑɑn k n k tiin fei, k mɑɑn n mi wun nbɑ k n tien’ɔ yɑdɑ, k n biɑ mi k bilsuk kɑɑ nɑn u sɑɑ fit diɑ lin nbɑ k n jii k tien u nuu ni nɑ fɑnu mɔkmɔk nɑn buut dɑɑl.

1 Piɑl 1:21

Klistu ni e k i tien Yennu yɑdɑ, k Yennu tie wun nbɑ din fiin’ɔ kuun ni k tul’ɔ yudɑnt. L pɑɑk, k i yɑdɑ nɑn i dindɑnn be Yennu ni.

1 Sɑn 3:3

Nilɔ kul nbɑ mɔk dindɑnn nɑn u jenu nɑ, k mɔk biit nɑn Yiesu nbɑ k mɔk biit biɑnŋ nbɑ nɑ.

Fiitu 22:16

«Min Yiesu e tun n mɑlɑkɑ, ɑ wun tɑn fiit mɑɑn nɑ k tul’i ɑ yii tie l *siɑlɑ k tul jiɑnti nɑ. N tie kpɑnbɑl * Dɑɑfiid yɑɑbuonn e k biɑ tie sɑn-nyɑfɑɑl ŋmɑɑjɑl nbɑ nyɔkt nɑ.»

Fiitu 5:5

Ŋɑnn e k sɑɑkɑb nɑ yenɔ yet’n ɑ: «Dɑɑ bui. Gotl wun nbɑ tie Suudɑ buolu ni Yɑnbɔl nbɑ tie kpɑnbɑl * Dɑɑfiid yɑɑbuonn nɑ. Ŋuɑ nyɑnn nyɑnnu k fit tɑbt yiit ŋɑnlole nɑ k pɔbt kɑdɑpuɑbl mɑnŋ.»