Luonmtieb 14:9 - Yiesu Lɑbɑmɑnn Muɑl Ni

⁹ K mɑɑn *Klistu din kpo k biɑ fiil kuun ni ɑ wun tien fuotb nɑn kpienm Yonmdɑɑnɔ.

Luonmtieb 14:9 Iomraidhean Croise

Mɑɑtieo 28:18

Ŋɑnn e k u cɑt k nɑkn’m, ŋɑɑn yet ɑ: «Yennu tul’n sɑnpɑɑpo nɑn tinŋ ni yiikuo kul ɑ wɑɑ.

Lɑbɑmɑnn nbɑ k Luk diɑn 24:26

L k kpɑɑ tɑlɑs nɑn *Klistu n di fɑlɑ mɑnŋ, k tɑn lɑ u *yudɑnt ii?»

Lɑbɑmɑnn nbɑ k Sɑn diɑn 12:24

Bɑlmɔni e k n yien’i nɑ, l i tie k b k bul dibinn tinŋ ni, l kɑn kpo. L sii tie dibin-yenml e. Ŋɑɑn l i tie k b bul’l k l kpo, l sɑɑ pɑ e k nɑn dii bonciɑnn.

Tuonɑ 10:36

I mi nɑn Yennu din tul Islɑɑeltieb u mɑɑn nbɑ wɑnt lɑbɑmɑnn nɑ po, ɑ Yiesu *Klistu ni e k tinm nɑn Yennu mɑnŋ nɑn lieb. Ŋuɑ Yiesu Klistu e tie t kul Yonmdɑɑnɔ.

Tuonɑ 10:42

K u tul’t mɔb ɑ tii muɑntl kii tien niib ɑ Yiesu e tie dɑɑnɔ nbɑ k Yennu nyinn senn’ɔ ɑ u tie fuotb nɑn kpienm bɑlbuulɔ.

Luonmtieb 10:9

L i tie k ɑ set pɑk k sɑt nyinn ɑ mɔb ni k yet ɑ: «Yiesu tie Yonmdɑɑnɔ,» k biɑ tien yɑdɑ ɑ pɑl ni nɑn Yennu set fiin’ɔ kuun ni, ɑ sɑɑ lɑ fielu wɑɑ.

2 Kuolent-tieb 5:14

K mɑɑn Klistu lonm yet’t ɑ. Tinm nbɑ k bils nɑn yenɔ kuɑ e din gɑɑl suɑ kul pɑɑk k kpo, k l wɑnt nɑn suɑ kul din kpo nɑn’ɔ nɑ.

1 Tesɑɑluoniiktieb 4:14

T tien yɑdɑ nɑn Yiesu din kpo ŋɑɑn biɑ fiil kuun ni wɑɑ, k t biɑ tien yɑdɑ nɑn Yennu tɑn sɑɑ fiin Yiesu nɑn bin nbɑ tien’ɔ yɑdɑ ŋɑɑn kpo nɑ kuun ni wɑɑ.

1 Tesɑɑluoniiktieb 5:10

Ŋuɑ e din gɑɑl t pɑɑk k kpo, ɑ t i lek i kpo ɑmi t i be u jenu yuo mɑnŋ, tinm nɑn ŋuɑ n tɑn tɑɑn kii be.

2 Tiimuote 4:1

Yiesu *Klistu nbɑ tɑn sɑɑ bu fuont’b nɑn kpienm buut, wun nbɑ tɑn sɑɑ jen k di nɑɑn nɑ, ŋuɑ nɑn Yennu tuɑnn po, k n yien’ɑ nɑn ninmɔnn,

Hebluonbɑ 12:2

Ŋɑɑnt k tin kpɑn kpɑɑ t ninbinɑ Yiesu pɑɑk. Ŋuɑ e k t yɑdɑ gɑɑ u pɑɑk l pinpiik ni wɑɑ nɑn l juontu ni nɑ. U din dii fɑlɑ dɑpunpunn pɑɑk nɑn suklu k k tin fei, k mɑɑn u din mi pɑlpienn nbɑ guu’u nɑ po, k mɔtɑɑnɑ u ji kɑl Yennu nɑɑngbounŋ nɑ niidiitu po. Nɑ din k te k u nyik u yɑblu, k mɑɑn pɑlpienn nbɑ din bɑɑt u pɑɑk nɑ pɑɑk, u din k dukn k l mɔk’ɔ fei nɑn wun kpo l dɑpunpunn pɑɑk, ŋɑnn e te k u ji kɑl Yennu nɑɑngbounŋ pɑɑk u niidiitu po mɔtɑɑnɑ.

1 Piɑl 1:21

Klistu ni e k i tien Yennu yɑdɑ, k Yennu tie wun nbɑ din fiin’ɔ kuun ni k tul’ɔ yudɑnt. L pɑɑk, k i yɑdɑ nɑn i dindɑnn be Yennu ni.

1 Piɑl 4:5

Ŋɑɑn b sɑɑ nyinn b tuonɑ pɑɑnu ni k tul Yennu nbɑ tien siil k sɑɑ bu fuotb nɑn kpienm buut nɑ.

Fiitu 1:18

N tie Fuotɔ nɑ e. N din kpo wɑɑ, k n ji fo k sii fo nɑn yuo nbɑ kɑɑ gbennu, k n mɔk yiikuo kuun nɑn kpientinŋ pɑɑk.

Fiitu 2:8

«Diɑnt k tul Simiilinn jɑɑnti mɑlɑkɑ ɑ: ‹Wun nbɑ din sint, k biɑ tɑn sɑɑ juont, k din kpo k biɑ fiil kuun ni nɑ lɑbɑɑl e nɑ: