Luonmtieb 14:10 - Yiesu Lɑbɑmɑnn Muɑl Ni

¹⁰ Fin, ɑ mun tie ŋmee k sɑɑ wɑnn ɑ nɑɑbik nɑn wɑɑ tien lin nbɑ ŋɑn kuo l k ŋɑn i? Bee tien k ɑ sɑlkt ɑ nɑɑ bik i? T kul tɑn sɑɑ set Yennu tuɑnn k wun bu t buut.

Luonmtieb 14:10 Iomraidhean Croise

Mɑɑtieo 7:1

«I dɑɑ kpɑɑn lieb biit nbɑ k i sɑɑ fit tɑɑl’b l pɑɑk, k Yennu mun dɑɑ tɑɑl’i ni,

Lɑbɑmɑnn nbɑ k Luk diɑn 18:9

Ŋɑnn e k Yiesu yin bɑljouk k tul bin nbɑ duki nɑn b tie niŋɑnm, ŋɑɑn sɑlkt b lieb nɑ, ɑ

Lɑbɑmɑnn nbɑ k Luk diɑn 23:11

K Heluod nɑn u sejenm ji din sɑlkt Yiesu k dɑɑn’ɔ nyɑtuk, k gbɑbn’ɔ cincenŋɑnn k jiin’ɔ Piilɑɑt buol.

Lɑbɑmɑnn nbɑ k Sɑn diɑn 5:22

«Bɑɑ mɑnŋ k bu suɑ buut, ŋɑɑn u cɑb u Bijɑ e, ɑ wuu bu niib buut,

Tuonɑ 10:42

K u tul’t mɔb ɑ tii muɑntl kii tien niib ɑ Yiesu e tie dɑɑnɔ nbɑ k Yennu nyinn senn’ɔ ɑ u tie fuotb nɑn kpienm bɑlbuulɔ.

Tuonɑ 17:31

k mɑɑn ŋuɑ Yennu ponŋ senn dɑɑl nbɑ k u sɑɑ bu tingbounŋ nɑ ŋɑɑtieb kul buut cib cib. U sɑɑ te k suɑ nbɑ k u lukt’ɔ nɑ n bu buut mɑnŋ, k u set fiin’ɔ kuun ni, k l tie nyinn k tul suɑ kul, ɑ u set sɑɑ tun wɑɑ senn lin nbɑ nɑ.»

Tuonɑ 4:11

Ŋuɑ e tie dɑɑnɔ nbɑ k Yennu lolkpel kɑdɑɑɔk piɑk u po nɑ, ɑ: ‹Tɑnn nbɑ k yinm tɑnmɑɑlɑ yet’ɔ nɑ, ŋɑnn e set tie tɑnn nbɑ te k ŋɑɑk mɔk pɑnŋ.›

Luonmtieb 2:16

Tɔn, l tɑn sii tie nnɑ e dɑɑl mɑnŋ dɑɑl nbɑ k Yennu tɑn sɑɑ te k Yiesu *Klistu n bu nisɑɑli wuol ni dudukt buut, nɑn mɑɑ muɑntl lɑbɑmɑnn mɑnŋ biɑnŋ nbɑ nɑ.

1 Kuolent-tieb 4:5

L pɑɑk, i dɑɑ bu suɑ buut, k suɑ yuo nbɑ k Yennu senn nɑ dɑɑ k bɑɑl. Ii guu mɑn Yonmdɑɑnɔ bɑɑlu, k ŋuɑ e tɑn sɑɑ jii lin nbɑ be bunbɔnn ni k fiit wɑnn’l pɑɑnu ni, k tɑn sɑɑ fiit pɑlɑ ni mɑɑn k wɑnn pɑɑnu ni, k l yuo nɑ k suɑ kul tɑn sɑɑ lɑ u pɑku nbɑ tie biɑnŋ nbɑ Yennu buol.

2 Kuolent-tieb 5:10

K mɑɑn t kul binbenŋ tɑn sɑɑ nyi pɑɑnu *Klistu tuɑnn po bɑlbudɑɑl, k suɑ kul tɑn sɑɑ gɑɑl lin nbɑ tie u yɑl e, nɑn u tuonɑ nbɑ din tie biɑnŋ nbɑ, yuo nbɑ k u din be u tingbounŋ nɑ gbɑnɑnt ni nɑ.