Luonmtieb 13:8 - Yiesu Lɑbɑmɑnn Muɑl Ni

⁸ Dɑɑ mɔk suɑ pɑnn. Yɑɑ sii mɔk pɑnn nbɑ tie ii luon mɑn i lieb. Wun nbɑ luon u luɑ, l dɑɑnɔ gbien Yennu senni nɑ kul ɑ.

Luonmtieb 13:8 Iomraidhean Croise

Mɑɑtieo 7:12

«Biɑnŋ nbɑ k ɑ luon lieb ii tuun kii tien’ɑ nɑ, ii mun ii tuun nnɑ kii tien ɑ lieb, k mɑɑn Yennu *senni nɑn u sɔkniinbɑ wɑnnu nɑ ni wɑnt nnɑ e.»

Lɑbɑmɑnn nbɑ k Sɑn diɑn 13:34

«Mɔtɑɑnɑ n tien’i senpɑɑnu e, ɑ ii luon i lieb mɑn. Mɑɑ luon’i biɑnŋ nbɑ nɑ, ii mun i luon i lieb nnɑ.

Luonmtieb 13:10

K fi i luon ɑ luɑ, ɑ kɑn tun bonbiil k tul’ɔ. Ŋɑnn e niib lomu tie Yennu senni gbienu.

Luonmtieb 13:7

L pɑɑk, tuln’m lin nbɑ tie b yɑl. L i jɑnŋ nɑn bin gɑɑl niib lɑnpo, ɑmi lin nbɑ k i mɔk pɑɑk lɑnpo, yin pɑ k tul’b. L i jɑnŋ nɑn k i bɑɑk nilɔ, yin bɑɑk’ɔ. L i biɑ kii jɑnŋ nɑn i cɔln nilɔ, yin cɔln’mɔ.

Gɑɑlɑɑt-tieb 5:14

K mɑɑn senni kul be sennu yenn kuɑ nɑ ni e: «Ii luon *ɑ luɑ nɑn fɑɑ luon ɑ mɔnŋ biɑnŋ nbɑ nɑ.»

Kuoluostieb 3:14

Lin nbɑ mɑntk siɑn tie yii mɔk lonm e. Ŋɑnn e sɑɑ te k yii mɔk mɔtɑɑɔk fɑnu nɑn lieb.

1 Tiimuote 1:5

N kpɑɑni mɑnŋ pɑɑk tie lin fiin nilɔ pɑl ni lonm nbɑ nyuɑn bon-yenn kuɑ, nɑn *dudukŋɑnt nɑn mɔmɔnm yɑdɑ.

Sɑɑk 2:8

L diɑn Yennu lolkpel kɑdɑɑɔk ni ɑ: «Ii luon *ɑ luɑ nɑn fɑɑ luon ɑ mɔnŋ biɑnŋ nbɑ nɑ.» L i tie k i wɑɑ Yennu nɑɑn sennu mɑnŋ, l ŋɑn,

1 Sɑn 3:10

Dɑɑnsuɑ nbɑ k tuun lin nbɑ ŋɑn k tie Yennu bik, k dɑɑnɔ nbɑ k luon u nɑɑ bik biɑ k tie Yennu bik kɑɑ. Nnɑ e k t mi bin nbɑ tie Yennu wɑɑs nɑn bin nbɑ tie Sɑɑtɑn wɑɑs.