Luonmtieb 13:11 - Yiesu Lɑbɑmɑnn Muɑl Ni

¹¹ Ii tie nnɑ mɑn k mɑɑn yɑɑ mi yuo nɑ nbɑ tie biɑnŋ nbɑ nɑ. Yuo nɑ bɑɑl ɑ, k i sɑɑ fiil i guɑn ni, k mɑɑn t fielu dɑɑl pel ɑ, k k fɔk nɑn lɑɑ din fɔk biɑnŋ nbɑ yuo nbɑ k t din sint tien yɑdɑ nɑ.

Luonmtieb 13:11 Iomraidhean Croise

Mɑɑtieo 16:3

Ŋɑɑn l i tie k sɑnpɑgbɑnt mɔn ŋɑɑn tɑn bɔnt sɑn-nyiɑɔk ni, i tuu yet ɑ: ‹Dinnɑ ŋɑnin, sɑɑk sɑɑ bɑɑ wɑɑ.› I fit buktl sɑnpɑgbɑnt nyinɑ, ŋɑɑn kɑn fit bukt mɔtɑɑnɑ yuo nɑ.

Lɑbɑmɑnn nbɑ k Luk diɑn 21:28

Yuo nbɑ k lin nbɑ nɑ kul tɑn sɑɑ piin tienu, yin ŋɑnm set fɑnu k donn yulɑ k mɑɑn yuo nbɑ k Yennu sɑɑ fiel’i nɑ ŋmɑn bɑɑl ɑ.»

1 Kuolent-tieb 10:11

Lin nbɑ nɑ kul tun k tul’b k l tie nyinn k tul lieb, k l diɑn Yennu lolkpel kɑdɑɑɔk ni k tie kpɑɑni k tul tinm nbɑ be yuo nbɑ k *dulnyɑ luon gbennu nɑ.

1 Kuolent-tieb 15:34

Ŋɑɑnt k i yɑɑn jen, k ji dɑɑ tuun biit. I siɑb k mi Yennu. Ŋɑnn e k n dɑ nɑ k yɑɑ n din’i fei.

Efestieb 5:14

K mɑɑn lin nbɑ kul fiit nyii pɑɑnu, l ji tuu tie yin-yienm e. L pɑɑk e k b yet ɑ: «Fin nbɑ guɑnt, fɑn fiil guɑn ni, fɑn fiil kuun ni, k Klistu sɑɑ tul’ɑ u yentu.»

Sɑɑk 5:8

L pɑɑk, ii mun ii di suklu, k cie i pɑlɑ k mɑɑn Yonmdɑɑnɔ bɑɑlu dɑɑl pel nɑ.

1 Piɑl 4:7

Bont kul ɑ gbennu ji k fɔk. L pɑɑk, i suol i mɔnŋ kii sub k fit kii mei Yennu.

2 Piɑl 3:11

K bont nɑ kul nbɑ tɑn sɑɑ di muu nnɑ nɑ, i dukn suɑ l ŋɑn k yii tie nibuol bee mɑn i? L ŋɑn k yii be binbenŋ nbɑ gbuot Yennu nunm kii biɑ kii tiin’ɔ,

2 Piɑl 3:9

L kɑn wei, k Yonmdɑɑnɔ sɑɑ tun k gbien u mɔsonn nɑ. Ŋɑɑn nisiɑb duki nɑn u tɑɑntl e. Ŋɑɑn u mɔk suklu nɑn’i e. U k luon k nisiɑb n kpo kuun nbɑ kɑɑ gbennu, ŋɑɑn u luon k suɑ kul n mɔ kuɑŋɑɑn k lebt binbenŋ e.

1 Sɑn 2:18

N wɑɑs, dulnyɑ gbennu pel nɑ. I ponŋ mi gbɑt ɑ Klistu Dɑtɑɑk bɑɑt, k mɔtɑɑnɑ, u dɑtɑi bonciɑnn ponŋ bɑɑl nɑ. Ŋɑnn e te k t set mi nɑn dulnyɑ gbennu pel nɑ.

Fiitu 1:3

Wun nbɑ lii mɑɑn nbɑ nyii Yennu buol ni, k be kɑdɑɑɔk nɑ ni, pɑlpienn tie u yɑl e, k bin nbɑ gbiɑ mɑɑn mɑnŋ k sɑɑk’l, pɑlpienn tie b yɑl e mun, k mɑɑn yuo pel, ɑ k lin nbɑ sɑɑ tun nɑ n tun.

Fiitu 22:10

Ŋɑnn e k u biɑ yet’n ɑ: «Dɑɑ bɔli Yennu mɑɑn nbɑ be kɑdɑɑɔk nɑ ni, k mɑɑn yuo nɑ pel ɑ.

Fiitu 22:12

K Yiesu yet ɑ: «Gotl, n bɑɑt e mɔtɑɑnɑ nɑ, k diɑ suɑ kul nɑn u tuonɑ nyuɑt ɑ n tɑn pɑ’u.

Fiitu 22:20

Tɔn, k wun nbɑ tul *siɑlɑ nɑ yet ɑ: «Mɔmɔnm, n bɑɑt e mɔtɑɑnɑ.» * Amenn. Yonmdɑɑnɔ Yiesu, bɑɑt nɑ.