Luonmtieb 12:7 - Yiesu Lɑbɑmɑnn Muɑl Ni

⁷ Luɑ piini i tie wun sonm lieb i e, l ŋɑn wun sonm’b. Luɑ i tie wɑntuɑ, l ŋɑn wun wɑnn lieb tumiu.

Luonmtieb 12:7 Iomraidhean Croise

Mɑɑtieo 28:19

L pɑɑk, ii sɑɑ mɑn tingbounŋ nɑ ni, nibuolu kul ɑ buol ni, k sɑɑ tien’m n puolpoweitieb, k wul’b Yennu nyunwulu, Bɑɑ, nɑn Bijɑ, nɑn Foŋɑnm sɑnn ni,

Lɑbɑmɑnn nbɑ k Sɑn diɑn 3:2

k nyɑsiɑɔk k u tɑn bɑɑl Yiesu buol ni, k yet’ɔ ɑ: «Wɑntuɑ, t mi nɑn Yennu tun’ɑ ɑ ɑ tɑn tumi’t e, k mɑɑn suɑ kɑn fit tun bɑktnɔunŋ tuonjɑɑnɑ nbɑ k ɑ tuun nɑ buolu, l i tie k Yennu k be nɑn’ɔ i kɑɑ.»

Tuonɑ 13:1

Antiɑɔs duo ni e k *Yennu sɔkniinbɑ siɑb nɑn wɑntesiɑb din be *Klistu mɔtɑɑɔk niib nɑ ni. Ŋɑnm e din tie Bɑɑlnɑɑbɑɑs nɑn Siimeɔn (wun nbɑ k b din yi’u Jɑbɔnŋ nɑ), nɑn Lusius, wun nbɑ din nyii Siilenn nɑ, nɑn Mɑɑnɑenn (b din lɑkn wubi Mɑɑnɑenn nɑn kpɑnbɑl *Heluod e b bisn ni), nɑn Sɔul.

Tuonɑ 20:20

I biɑ mi nɑn mɑɑ din muɑntl Yennu mɑɑn k biɑ wɑnt niib ni nɑn i ŋei ni nɑ, n din pɑk’i lin nbɑ kul sɑɑ sonm’i, k k nyik k biɑ k tenn siɑl.

Tuonɑ 20:28

L pɑɑk, i diɑ i mɔnŋ mɑn bonŋɑnn, nɑn Yiesuweilɑ nbɑ k Foŋɑnm kubn i nuu ni ɑ yii tie b yudɑnm kii goli’b. Ii guu Klistu mɔtɑɑɔk niib nbɑ k Yennu te k b tie u yɑb u Bijɑ kuun pɑɑk.

Tuonɑ 6:1

L yuo nɑ k Yiesuweilɑ nbɑ ŋɑnmt yɑbtl k puki nɑ, k bunbulmi tɑn bɑɑl *Suifnbɑ nbɑ piɑk Glek mɑɑn nɑn Suifnbɑ nbɑ piɑk b mɔnŋ mɑɑn nɑ sinsuuk ni, k mɑɑn bin nbɑ piɑk Glek mɑɑn nɑ din yet ɑ b i tuol jiet dɑɑl kul, b pɑkɔi k lɑɑt b tolɑ nɑn lieb nɑ.

1 Kuolent-tieb 12:28

Ŋɑnn e k Yennu lukt tuomiinbɑ u niib sinsuuk ni k b tie sɑɑkɑb, k wei lukt sɔkniinbɑ, k wei lukt wɑntieb, k wei lukt bin nbɑ tuun bɑktnɔunŋ tuonɑ, k wei lukt bin nbɑ mɔk yiikuo k sɑɑ te k bɑɑtb pɑɑkt k wei lukt bin nbɑ sonmt lieb, k wei lukt bin nbɑ fit goli lieb tuonɑ k biɑ wɑnt’b bɑɑ sii tuun lin nbɑ nɑ, k wei lukt bin nbɑ piɑk mɑbuolu buolu.

1 Kuolent-tieb 12:5

Bɑnnu nbɑ k t sɑɑ fit tun Yonmdɑɑnɔ tuonn mɔk buolu buolu, ŋɑɑn Yomdɑɑn-yenɔ kuɑ e be.

1 Kuolent-tieb 14:26

N nɑɑ wɑɑs, n ji sɑɑ yet ɑ biɑ? L i tie k i lɑkn lieb ɑ i jiɑnt Yennu, k suɑ mɔk yɑnŋ, k suɑ mɔk wɑnnu, k suɑ mɔk mɑfiitkɑl k sɑɑ wɑnn k suɑ mɔk mɑbuolu buolu pɑku, k suɑ mun mɔk mɑbuolu buolu mɑnŋ kpintu, yin tien lin nbɑ nɑ kul k lin sonm Klistuweilɑ.

Gɑɑlɑɑt-tieb 6:6

Nisuɑ nbɑ k b wɑnt’ɔ Yiesu Klistu lɑbɑmɑnn nɑ, l ŋɑn k l dɑɑnɔ n mun jii lin nbɑ k u mɔk kul k cent nɑn u wɑntuɑ mɑnŋ.

Efestieb 4:11

Ŋuɑ e tul nisɑɑli piini, k gɑnn nisiɑb k tien’m tuomiinbɑ, k lieb mun tie sɔkniinbɑ, k yenm mun biɑ tien lɑbɑmɑnn muɑnt-tieb, k siɑb mun lek tie Klistu pɑstɑɑnbɑ nɑn wɑntieb.

Kuoluostieb 4:17

I yet Alkiip ɑ wun yɑbl u mɔnŋ kii tuun tuonn nbɑ k u tun Yonmdɑɑnɔ sɑnn ni nɑ k gbenn.

1 Tiimuote 2:7

L pɑɑk k Yennu lukt’n k n tien Klistu tiɑɔnŋ *tuomi k wɑnn bin nbɑ k tie *Suifnbɑ lin nbɑ tie yɑdɑ nɑn lin nbɑ tie bɑlmɔni. N k fɑ fɑɑk kɑɑ. L tie bɑlmɔni e.

1 Tiimuote 3:2

L k ŋɑn k yudɑɑnɔ mɑnŋ ii tuun lin nbɑ k niib sɑɑ fit tɑɑl’ɔ l pɑɑk. L kpɑɑ tɑlɑs e k wuu mɔk puo yenɔ kuɑ, kii tie wun nbɑ fit diɑ u mɔnŋ, kii tie wun nbɑ k niib tien’ɔ nibɑɑkl, kii gɑɑn sɑɑnm u ŋɑɑk ni kii cɑntl’b, kii tie wun nbɑ sɑɑ fit tumi niib fɑnu,

1 Tiimuote 4:16

Ii mi ɑ mɔnŋ nɑn ɑ wɑnnu po. Ii wɑki l kul ni. Setk nɑn mɔni, ɑ i tuun nnɑ ɑ sɑɑ lɑ fielu ɑ mɔnŋ k bin nbɑ gbiintl ɑ mɑɑn nɑ mun sɑɑ lɑ fielu wɑɑ.

1 Tiimuote 5:17

Klistu mɔtɑɑɔk niib *sɑɑkɑb nbɑ diɑ’b fɑnu nɑ ŋɑn nɑn nibɑɑkl bonciɑnn, k bin nbɑ muɑntl Klistu lɑbɑɑl k wɑnt’b l pɑɑk, ŋɑnm e mɑntk ŋɑn nɑn nibɑɑkl,

2 Tiimuote 2:2

Fɑɑ ponŋ din gbɑt wɑnnu nbɑ n penŋ niib bonciɑnn buol ni nɑ, ɑ jii’l k wɑnn nisiɑb nbɑ tie yɑdɑ dɑnm, bin nbɑ mun sɑɑ fit wɑnn nilieb mun.

2 Tiimuote 2:24

L k ŋɑn k Yonmdɑɑnɔ tuontunnɔ ii kɔn nɑn niib. L ŋɑn k wuu tie bulcimɔ e suɑ kul buol ni, kii tie wun nbɑ sɑɑ fit k tumi,

2 Tiimuote 4:2

ɑ fii muɑntl Yennu mɑɑn kii wɑnt niib l po, yuo ii ŋɑn kuo l kii ŋɑn i e. Fii muɑntl, kii piɑk niib b tuonbiit po, kii kpɑɑn’m, kii kuɑnt’b pɑlɑ, kii wɑnt’b mɑɑn mɑnŋ dede nɑn suklu yuo kul ɑ,