Luonmtieb 12:3 - Yiesu Lɑbɑmɑnn Muɑl Ni

³ Yennu nbɑ tin’n ninbɑɑɔk nɑ pɑɑk e, k n yien i kul, ɑ i dɑɑ duki i mɔnŋ po k l gɑl yɑɑ set tie bɑnnu nbɑ, ŋɑɑn ii duki i mɔnŋ po nɑn sikn-n-mɔnŋ, k i ni suɑ kul i duki u mɔnŋ po nɑn Yennu nbɑ tul’ɔ yɑdɑ bɑnnu nbɑ nɑ.

Luonmtieb 12:3 Iomraidhean Croise

Lɑbɑmɑnn nbɑ k Luk diɑn 18:11

K Fɑɑliisiɑn nɑ set k miɑl u mɔnŋ po k yet ɑ: ‹Yennu, n tien’ɑ niipuouk nɑn mɑɑ k tie nɑn nilieb nɑ. N k tie nɑn-yukɔ, k biɑ k tie biitdɑɑnɔ, k mun biɑ k tuun boncuncontuonɑ. Niipuouk nɑn mɑɑ k tie nɑn lɑnpogɑɑltuɑ nɑ nɑ.

Lɑbɑmɑnn nbɑ k Sɑn diɑn 3:34

Wun nbɑ k Yennu tun’ɔ nɑ, u piɑk Yennu mɑɑn e, k mɑɑn Yennu tul’ɔ Foŋɑnm nbɑ yɑb k kɑɑ biknu.

Luonmtieb 1:5

Ŋuɑ pɑɑk e k Yennu ninbɑtinu be t pɑɑk k te k t tie u tuomiinbɑ ɑ tin jii u sɑnn k sɑɑn nibuolu kul buol ni, k te k bii sɑɑk u mɔb kii tie’u yɑdɑ,

Luonmtieb 11:20

L set tie mɔni e. Bɑɑ k tien yɑdɑ nɑ pɑɑk e k b kɔnn’b, k fin nbɑ tien yɑdɑ nɑ pɑɑk e k b jii’ɑ tukn’ɑ l pɑɑk. Ŋɑnn, ɑ ji dɑɑ mɔk pɑlbifɑɑnt dudukt l pɑɑk, ŋɑɑn kii mɔk jɑŋmɑɑni.

Luonmtieb 11:25

N nɑɑ wɑɑs, n luon k yin bɑnn wuol ni lɑbɑɑl, ɑ i dɑɑ duki nɑn i tie yɑndɑnm e. L tie ɑ Suifnbɑ siɑb tie kɑngbɑtɑ e, k l sii be nnɑ e k tɑn bɑɑl yuo nbɑ k bin nbɑ k tie Suifnbɑ kul nbɑ k Yennu lukt’b nɑ, bin tɑn tien Yiesu yɑb.

Luonmtieb 12:16

Ii mɔk mɑn dudukyenn kuɑ k dɑɑ mɔk dont-n-mɔnŋ, ŋɑɑn kii sɑɑk tuonɑ nbɑ k mɔk dont-n-mɔnŋ, k dɑɑ duki nɑn i mɔk nin-yentl.

1 Kuolent-tieb 15:10

Ŋɑɑn Yennu ninkpɑbɑɔnŋ pɑɑk e k n tie mɑɑ tie lin nbɑ, k wɑɑ din mɔk ninkpɑbɑɔnŋ nɑn’n nɑ, l k tie yɑnn. N tun k gɑl tuomiinbɑ nɑ kul ɑ, ŋɑɑn l k tie ɑ min kɑɑ tun, Yennu ninkpɑbɑɔnŋ nbɑ be n ni nɑ e tun.

1 Kuolent-tieb 3:10

Yennu nbɑ mɔk ninkpɑbɑɔnŋ nɑn’n nɑ, k n tie nɑn tɑnmɑɑŋɑnɔ nɑ, k fɔkn fiɑkl, k suɑ mun mɑɑ k tuɑnt l pɑɑk. Ŋɑɑn wun nbɑ kul mɑɑ k tuɑnt l pɑɑk wun suol u mɔnŋ.

1 Kuolent-tieb 7:17

Ŋɑnn ŋɑnin, suɑ kul ii tuun nɑn Yonmdɑɑnɔ nbɑ tul’ɔ piini bɑnnu nbɑ kii biɑ kii be bɑnnu nbɑ k u din be yuo nbɑ k Yennu din yiin’ɔ nɑ.

2 Kuolent-tieb 10:13

Ŋɑɑn tinm ŋɑnin t jɑpɑɑt kɑn gɑl telk nbɑ k Yennu wɑnn tinm. Yennu tiɑɔnŋ senn tɑɑ sɑɑ tun lin nbɑ wɑɑ, k cɑb’t ɑ tin bɑɑl i buol ni.

2 Kuolent-tieb 12:13

Nlee k Klistu mɔtɑɑɔk niib nbɑ be cɑkl cɑkl nɑ cie’i ni i? Mɑɑ k boi’i bonsiɑl sonml po nɑ, ŋɑnn e te k b cie’n ii? L i tie ŋɑnn i e te k n mɔk biit, yin tien’n gɑfɑlɑ mɑn.

2 Kuolent-tieb 12:7

Yonmdɑɑnɔ nbɑ te k n bɑnn lin nbɑ nɑ tie bɑktnɔunŋ o, l pɑɑk, ɑ k n dɑɑ fuɑ bɑlɑ, n din lɑ dɑnŋ n gbɑnu ni. B din tun *Sɑɑtɑn tuomu e k u tul’n dɑnŋ mɑnŋ.

Gɑɑlɑɑt-tieb 6:3

Suɑ i kii tie siɑl, ŋɑɑn biki ɑ u mun tie suɑ e, u kpɑnn u mɔnŋ e.

Efestieb 3:2

N k bils nɑn i ponŋ gbɑt ɑ Yennu tul’n tuonsiɑl u ninkpɑbɑɔnŋ pɑɑk ɑ n tun k tul’i.

Efestieb 3:4

L i tie k i lii mɑɑ diɑn lin nbɑ, i sɑɑ bɑnn nɑn n mi siɑl k jiin Klistu wuol ni lɑbɑɑl po,

Efestieb 4:16

Ŋuɑ e te k gbɑnɑnt bɔkɑ kul diɑ b lieb, k gbɑnɑnt mɑnŋ tuktɑ diɑ nɑn lieb. L kul ɑ i bo i tuun nɑn lieb cib cib, gbɑnɑnt mɑnŋ bo sii kpɑɑtl e nɑn lieb lonm ni.

Fiiliiptieb 2:13

k mɑɑn Yennu yuɑ tuun nɑn’i e, ɑ yin fit kii luon kii biɑk kii tuun u lonm tuonɑ.

Kuoluostieb 1:29

Lin nbɑ nɑ pɑɑk k n lek yɑbi k tuun nɑn pɑnciɑɔnŋ nbɑ nyi Klistu buol k tuun n ni nɑ.

Kuoluostieb 2:13

I din tie kpienm e siɑn-yuo, i biit nɑn yɑɑ din k mɔk *punpotu k k tie Yennu niib nɑ pɑɑk. Ŋɑɑn mɔtɑɑnɑ Yennu nyik cɑb t biit e, k i ji mɔk mɑnfuol Klistu ni.

1 Tiimuote 1:14

T Yonmdɑɑnɔ din tɑn tin’n ninbɑɑɔk nbɑ yɑb k kɑɑ biknu, k tul’n yɑdɑ nɑn lonm nbɑ k t mɔk Yiesu Klistu ni nɑ pɑɑk.

1 Tiimuote 2:15

Ŋɑɑn puo sɑɑ lɑ fielu, wɑɑ mɑl wɑɑs bɑnnu nbɑ nɑ ni, l i tie k u tien Yiesu yɑdɑ, k luon niib, k be binbenŋ nbɑ k niib k fit tɑɑl’ɔ l pɑɑk nɑ ni.

1 Tiimuote 2:9

N biɑ luon k puob ii liɑ tiɑt nɑn sikn-n-mɔnŋ nɑn bɑnnu nbɑ k niib kɑn fit tɑɑl’b l pɑɑk nɑ. B dɑɑ loln yut nɑn jɑpɑɑt, k dɑɑ piil sɑlnbɑnɑ k biɑ dɑɑ tuu sɑlmɑ tuutuutɑ k biɑ dɑɑ liɑ liɑnt nbɑ dɑɑɔk pɑɑl,

Tiit 2:12

L ninkpɑbɑɔnŋ e wɑnn’t nɑn tin nyik binbenŋ nbɑ k gbuot Yennu nunm nɑn tingbounŋ nɑ lonbiiuk, ŋɑɑn kii be binbenŋ nbɑ wɑnt nɑn t tie bɑlmɔnpɑklɑ, k biɑ tuɑk bɑlmɔni sɔnu, k biɑ tie Yennu yɑb e.

Tiit 2:2

A kpɑɑn jɑkpelɑ, ɑ bii be suon nnɑ, kii be bɑnnu nbɑ k b jɑnŋ nɑn nibɑɑkl, kii diɑ b mɔnŋ, kii diɑ lɑbɑmɑnn wɑnnu fɑnu, kii mɔk lonm nɑn niib, kii mɔk gbɑnkul.

Tiit 2:4

Nnɑ e k b sɑɑ fit wɑnn puobis ɑ bii luon b sɔlb nɑn b wɑɑs,

Tiit 2:6

A biɑ kpɑɑn nɑɑsinm k bii diɑ b mɔnŋ fɑnu.

Sɑɑk 4:6

Ŋɑɑn u biɑ mɔk ninkpɑbɑɔnŋ bonciɑnn. L pɑɑk, l diɑn Yennu lolkpel kɑdɑɑɔk ni ɑ: «Yennu kɔn nɑn kɑlnbɑɑni dɑnm e, ŋɑɑn tiin sikn-n-mɔnŋ dɑnm nɑ ninbɑɑɔk.»

1 Piɑl 1:13

L pɑɑk, i tien i dudukt siil, k suol i mɔnŋ, kii mɔk dindɑnn nɑn bɑlmɔni, ɑ i tɑn sɑɑ lɑ ninbɑtinu nɑ yuo nbɑ k Yiesu Klistu tɑn sɑɑ nyi pɑɑnu nɑ.

1 Piɑl 4:11

Wun nbɑ yɑɑ piini tie wuu muɑntl lɑbɑmɑnn nɑ, wuu muɑntl lin nbɑ k Yennu tien’ɔ nɑ e, k wun nbɑ yɑɑ piini tie wuu sonmt niib, wuu sonmt’b nɑn u pɑnŋ kul nbɑ k Yennu tien’ɔ nɑ, ɑ Yennu n lɑ pɑku bonsiɑl kul ni Yiesu Klistu pɑɑk. Ŋuɑ Yiesu yen pɑku nɑn pɑnŋ kul yuo nbɑ kɑɑ gbennu. * Amenn.

1 Piɑl 4:7

Bont kul ɑ gbennu ji k fɔk. L pɑɑk, i suol i mɔnŋ kii sub k fit kii mei Yennu.

1 Piɑl 5:5

Nnɑ e mun, yinm nbɑ tie nɑɑsinm nɑn sɑpɑɑnm, ii sɑɑk sɑɑkɑb mɔi, k i kul ɑ n liɑ liɑtl nbɑ tie sikn-n-mɔnŋ, k mɑɑn l diɑn Yennu lolkpel kɑdɑɑɔk ni ɑ: «Yennu kɔn nɑn kɑlnbɑɑndɑnm e, ŋɑɑn goli bin nbɑ sikn b mɔnŋ nɑn bulcint.»

1 Piɑl 5:8

Ii diɑ i mɔnŋ mɑn kii guu fɑnu, k mɑɑn i dɑtɑɑk *Sɑɑtɑn lin k biet nɑn yɑnbɔl nɑ e, k luon wun lɑ suɑ k suol ŋmɑn.

3 Sɑn 1:9

N ponŋ mi diɑn bɑlsɑi nnɑ k tul Klistu mɔtɑɑɔk niib nbɑ be ɑ buol ni nɑ, ŋɑɑn k Diotlef nbɑ luon wun pul u mɔnŋ nijɑɑnn nɑ yien n mɔb.