Luonmtieb 12:19 - Yiesu Lɑbɑmɑnn Muɑl Ni

¹⁹ N yɔnimɔni, i kpɑn dɑɑ tuun biit k jiint biit pɑɑk, ŋɑɑn ŋɑɑnt k Yennu wutuol n tun, k mɑɑn l diɑn Yennu lolkpel kɑdɑɑɔk ni, ɑ Yonmdɑɑnɔ yet ɑ: «Min kuukuɑ e mɔk yiikuo nbɑ sɑɑ dɑt niib tubɑ. Min e sɑɑ pɑ biit mɑnŋ pɑnn.»

Luonmtieb 12:19 Iomraidhean Croise

Mɑɑtieo 5:39

ŋɑɑn min ŋɑnin yien’i e nɑn, i dɑɑ jiint lieb pɑnɑ. Suɑ i peb’ɑ tɑnpɑk ɑ niidiitu po kpiɑnu, fɑn ŋmɑnt ɑ gɑnŋ po mun k wun peb.

Luonmtieb 12:14

Bin nbɑ muks’i, yin jiin’m ɑ: «Yennu yetŋɑnm ii be i pɑɑk.» Mɔmɔnm, ii jiin’m nnɑ. I dɑɑ tien’m mɔpol gbɑɑ.

Luonmtieb 12:17

I dɑɑ tuun biit k jiint biit pɑɑk. Kotl i mɔnŋ kii tuun lin nbɑ k niib kul sɑɑ lɑ k l ŋɑn.

Luonmtieb 13:4

K mɑɑn u tie Yennu tuontunnɔ e k tuun lin nbɑ ŋɑn k tien’ɑ. Ŋɑɑn fi i tuun bonbiil, fii tiin’ɔ, k mɑɑn u k mɔk yiikuo nbɑ k u sɑɑ dɑt ɑ tubl yɑnn. U tie Yennu tuontunnɔ e k sie Yennu pɑɑk k dɑɑl wun nbɑ tuun biit nɑ tubɑ.

Efestieb 4:27

k dɑɑ tien *Sɑɑtɑn yɑɑk.

1 Tesɑɑluoniiktieb 4:6

Suɑ dɑɑ tuun biil u luɑ nbɑ wɑɑ *Klistu nɑn l biit buolu ni, ɑmi kii ŋmɑb u luɑ. T ponŋ din yet’i l po wɑɑ, ŋɑɑn biɑ kpɑɑn’i nɑn ninmɔnn ɑ Yennu tɑn sɑɑ dɑt bin nbɑ tuun l biit buolu nɑ tubɑ.

2 Tiimuote 4:14

Aleksɑndl wun nbɑ kul sɑɑɔk nɑ din tun’n lin nbɑ bi bonciɑnn. Yennu sɑɑ pɑ’u l pɑɑk.

Hebluonbɑ 10:30

K mɑɑn t mi wun nbɑ din yet ɑ: «Min e sɑɑ pɑ pɑnn k jiin biit.» K u biɑ yet ɑ: «T Yonmdɑɑnɔ e tɑn sɑɑ bu u niib buut.»