Luonmtieb 12:13 - Yiesu Lɑbɑmɑnn Muɑl Ni

¹³ Pɑɑtl mɑn lin nbɑ k i mɔk nɑ k tul Yennu niib nbɑ k mɔk, kii gɑɑn sɑɑnm kii cɑntl’b i ŋei ni.

Luonmtieb 12:13 Iomraidhean Croise

Mɑɑtieo 25:35

k mɑɑn kon din mɔk’n k i din’n, k nyun-nyuklu din mɔk’n k i tul’n nyun. N din tie sɑɑmɔ e ŋɑɑn k i gɑɑl’n sɑɑɔnŋ i ŋei ni.

Tuonɑ 10:4

Kɔlnɑi nbɑ din got lɑ mɑlɑkɑ mɑnŋ nɑ, k jɑŋmɑɑni suol’ɔ, k u yet ɑ: «N Yonmdɑɑnɔ, bee?» K mɑlɑkɑ mɑnŋ jiin ɑ: «Yennu gɑɑl ɑ miɑlu wɑɑ, k biɑ gɑɑl ɑ ninkpɑbɑɔnŋ tuonɑ nbɑ k ɑ tuun k tien tɑlɑs-dɑnm, k biɑ tiɑn ɑ po.

Tuonɑ 4:35

k tɑn tien tuomiinbɑ nɑ, k b centl k tien b lieb nɑn bɑɑ luon biɑnŋ nbɑ.

Luonmtieb 12:8

Luɑ piini i tie wuu kpɑɑn u lieb kpɑɑni e, wuu kpɑɑn’m. Luɑ piini i tie wuu pi piini, wuu pi piini nɑn bulcint. Luɑ piini i tie wuu mɔk yiikuo, wuu tuun yiikuo tuonn mɑnŋ bonŋɑnn. Luɑ piini i tie wuu tiin niib ninbɑɑɔk u e, wuu tiin’m ninbɑɑɔk nɑn pɑlpienn.

1 Kuolent-tieb 16:15

I ponŋ mi Sitefɑɑnɑɑs nɑn u ŋɑɑtieb po, ŋɑnm e din tie sinsinn niib nbɑ be Akɑɑyi tinŋ ni k din tien Klistuweilɑ, k b jii b mɔnŋ k tuun k tien Yennu niib. N nɑɑ wɑɑs, n bɑln’mi e,

2 Kuolent-tieb 9:1

L ji k kpɑɑ tɑlɑs k n biɑ diɑn kɑdɑɑɔk k yet’i biɑnŋ nbɑ k b sonmt Yennu niib nbɑ be Suude.

2 Kuolent-tieb 9:12

Yɑɑ sonmt Yennu niib bɑnnu nbɑ nɑ, l k tie nyuɑt k tul’b nɑn bɑɑ k mɔk lin nbɑ nɑ kuukuɑ kɑɑ, ŋɑɑn l biɑ te k niib sɑɑ tul Yennu niipuouk bonciɑnn.

Gɑɑlɑɑt-tieb 6:10

L pɑɑk, l i tie k l bɑɑl nɑn t fit tun siɑl, ŋɑɑnt k tin tun lin nbɑ ŋɑn k tul suɑ kul ɑ, ŋɑɑn mɑntk kii tuun kii tien bin nbɑ tie Klistuyɑb.

1 Tiimuote 3:2

L k ŋɑn k yudɑɑnɔ mɑnŋ ii tuun lin nbɑ k niib sɑɑ fit tɑɑl’ɔ l pɑɑk. L kpɑɑ tɑlɑs e k wuu mɔk puo yenɔ kuɑ, kii tie wun nbɑ fit diɑ u mɔnŋ, kii tie wun nbɑ k niib tien’ɔ nibɑɑkl, kii gɑɑn sɑɑnm u ŋɑɑk ni kii cɑntl’b, kii tie wun nbɑ sɑɑ fit tumi niib fɑnu,

1 Tiimuote 5:10

kii mɔk sɑnŋɑnn u tuonŋɑnɑ pɑɑk, kii tie wun nbɑ wubl u wɑɑs fɑnu, k tuu gɑɑn sɑɑnm u ŋɑɑk ni, k tuu wu Klistuyɑb tɑɑ, k tuu sonmt tɑlɑs-dɑnm, k tuu tuun tuonŋɑnɑ buolu kul.

Tiit 1:8

Ŋɑɑn l kpɑɑ tɑlɑs k wuu mi sɑɑnm gɑɑlu, kii luon lin nbɑ ŋɑn, kii mi u mɔnŋ diɑnu, kii be fɑnu, kii tie Yennu yuɑ, kii mi mɔnŋdiɑnu.

Tiit 3:14

L kpɑɑ tɑlɑs k t niib ii mi bɑɑ sii tuun tuonŋɑnɑ bonciɑnn bɑnnu nbɑ, kii sonmt niib b fɑlɑ ni, k dɑɑ be binbenŋ nbɑ kɑɑ nyuɑt.

Fiilemɔn 1:7

N nɑɑ bik, ɑ lonm mɑnŋ tul’n pɑlpienn nɑn pɑlcienn k ŋɑnm cie n pɑl bonciɑnn, k mɑɑn ɑ cie Yennu niib kul pɑlɑ.

Hebluonbɑ 13:16

I dɑɑ nyikt tuonŋɑnɑ tumu, kii centl yɑɑ mɔk lin nbɑ nɑn i lieb, k mɑɑn l mɑnbuolu e pent Yennu pɑl ni.

Hebluonbɑ 13:2

I dɑɑ tɑnmt sɑɑnm gɑɑlu po, k mɑɑn nisiɑb din tɑn gɑɑl mɑlɑkɑɑnbɑ sɑɑɔnŋ, ŋɑɑn k mi ɑ b tie mɑlɑkɑɑnbɑ e.

Hebluonbɑ 6:10

Yennu k tuun lin nbɑ k ŋɑn. U kɑn tɑnm i tuonn po, k biɑ kɑn tɑnm yɑɑ luon’ɔ biɑnŋ nbɑ tuonɑ nbɑ k i tun k tul’ɔ nɑn tuonɑ nbɑ k i tuun i nɑɑ wɑɑs Klistuyɑb nɑ ni.

1 Piɑl 4:9

Ii gɑɑn lieb sɑɑɔnŋ mɑn k dɑɑ buln.

1 Sɑn 3:17

Dɑɑnɔ nbɑ mɔk, ŋɑɑn lɑ u nɑɑ bik k u k mɔk siɑl, k u bɑkɑ kɑɑ u ni, nlee k u sɑɑ yet ɑ, Yennu lonm be u ni?

3 Sɑn 1:5

N yuɑk, fɑɑ sonmt t nɑɑ wɑɑs nbɑ tie sɑɑnm biɑnŋ nbɑ nɑ, ɑ tuun lin nbɑ k bɑlmɔni sɔnu wɑnt’ɑ.