Luonmtieb 11:33 - Yiesu Lɑbɑmɑnn Muɑl Ni

³³ Yennu mɔktuk set k mɔk gbennu! K u yɑn nɑn u bɑnnu sumi hɑli! Ŋmee sɑɑ fit bɑnn Yennu nbɑ lol lin nbɑ? Ŋmee sɑɑ fit bɑnn u sɔni?

Luonmtieb 11:33 Iomraidhean Croise

Luonmtieb 2:4

Ami ɑ sɑlkt lonciɑɔnŋ nɑn suklu bonciɑnn nbɑ k Yennu mɔk nɑn’t nɑ ɑmi nlee? A k mi nɑn Yennu mɔk bulcint nɑn’ɑ ɑ wun te k ɑ mɔ kuɑŋɑɑn k lebt binbenŋ ee?

Luonmtieb 9:23

Yennu din luon wun wɑnn’t u yudɑnt nbɑ yɑb bɑnnu nbɑ, tinm nbɑ k u tin’t ninbɑɑɔk nɑ, tinm nbɑ k u ponŋ din lukt’t ɑ tin gɑɑl u yudɑnt nɑ.

1 Kuolent-tieb 2:10

Ŋɑɑn k Yennu te k t bɑnn’l Foŋɑnm ni, k mɑɑn Foŋɑnm nɑ mi bont kul nɑn Yennu wuol ni mɑɑn gbɑɑ.

Efestieb 1:7

Yennu nyinn’t biit dɑɑbs ni u Bilonkɑk mɑnŋ sɔn pɑɑk e, k nyik cɑb t biit u ninkpɑbɑɔnŋ nbɑ yɑb nɑ pɑɑk.

Efestieb 2:7

U din tun lin nbɑ nɑ, ɑ yuo nbɑ bɑɑt wun fit wɑnn suɑ kul u ninkpɑbɑɔnŋ nbɑ yɑb biɑnŋ nbɑ e, wɑɑ din tun bulcint k tul’t Yiesu Klistu ni nɑ pɑɑk.

Efestieb 3:10

ɑ k Klistu mɔtɑɑɔk niib pɑɑk bonɑ nbɑ kul mɔk yiikuo k be sɑnpɑɑpo n tɑn bɑnn u yɑnciɑɔnŋ nbɑ tie bɑnnu nbɑ.

Efestieb 3:16

N mei’ɔ ɑ u dontl nbɑ yɑb bonciɑnn nɑ, ɑ wun nuɑb u yiikuo Foŋɑnm ni k pukn’i pɑnŋ i pɑlɑ ni,

Efestieb 3:18

ɑ k yinm nɑn Yennu niib kul n fit bɑnn Klistu lonm yɑlimu, nɑn l fɔknt, nɑn l sumiu nbɑ jɑn biɑnŋ nbɑ,

Efestieb 3:8

Yennu niib sinsuuk ni, min e tɑn juont wun nbɑ k be kɑnn ni, ŋɑɑn u ninkpɑbɑɔnŋ pɑɑk, k Yennu cɑb’n ɑ n muɑnt muɑnti k tul bin nbɑ k tie Suifnbɑ k wɑnn’b bɑnnu nbɑ k Klistu luon wun tul’t bonŋɑnɑ nbɑ kɑɑ pɑɑk,

Kuoluostieb 1:27

Yennu din tun nnɑ, k mɑɑn u lol, ɑ wun wɑnn u niib nɑ, bɑnnu nbɑ k l wuol ni mɑɑn nɑ mɔktuk nbɑ yɑb bonciɑnn k tul niib kul ɑ. L wuol ni mɑɑn tie ɑ Klistu be i ni k i mun mɔk dindɑnn nɑn i sɑɑ lɑ Yennu *yudɑnt nɑ.