Luonmtieb 11:14 - Yiesu Lɑbɑmɑnn Muɑl Ni

¹⁴ Mi i bo i sɑɑ fit te k n mɔnŋ buolu niib i mɔk funfunn bin nbɑ k tie Suifnbɑ nɑ pɑɑk, pɑsiɑl ŋɑnn e sɑɑ te k b siɑb n lɑ fielu.

Luonmtieb 11:14 Iomraidhean Croise

Luonmtieb 10:19

N yɑɑ n ŋɑnm k boi e k lɑɑn Islɑɑeltieb din k bɑnn l pɑɑk ɑmi? Muois tiɑɔnŋ o din dɔnŋ jiin sinsinn, ɑ Yennu din yet Islɑɑeltieb ɑ: «N sɑɑ te k i mɔk *funfunn nɑn niib nbɑ k mɔk buolu nɑ pɑɑk, k te k i wutuol n do buolu nbɑ tie jɑtt nɑ pɑɑk.»

Luonmtieb 11:11

N boi biɑk k lɑɑn Islɑɑeltieb din gbiɑt k bɑɑ k ji k fit fiil ɑmi? Aɑi, l k tie nnɑ kɑɑ. Bɑɑ tun biit nɑ pɑɑk, k Yennu fiel bin nbɑ k tie *Suifnbɑ nɑ. Yennu tun nnɑ ɑ ŋɑnm Suifnbɑ nɑ i mɔk *funfunn bin nbɑ k tie Suifnbɑ nɑ pɑɑk.

Luonmtieb 9:3

n mɔnŋ nɑɑ wɑɑs nbɑ tie n buolu nɑ pɑɑk. L i bo i sɑɑ fit k n set n niib pɑɑk k Yennu n biil’n k bɔkt min nɑn *Klistu, n bo sɑɑ sɑk nnɑ wɑɑ.

1 Kuolent-tieb 1:21

K mɑɑn Yennu nbɑ mɔk yɑn nɑ te k tingbounŋ nɑ tieb yɑn kɑn fit te k niib n bɑnn’ɔ. L pɑɑk, k u te k bin nbɑ tien yɑdɑ nɑ lɑɑt fielu, lɑbɑɑl nbɑ k t muɑntl k tien niib, k niib duki nɑn l tie jɑti lɑbɑɑl nɑ pɑɑk.

1 Kuolent-tieb 10:33

Ii tuun nɑn min nɑ mɑn. N tuu luon k min tun k penn suɑ kul pɑl bont kul ni. N k luon min kuukuɑ ŋɑnm kɑɑ, ŋɑɑn n luon suɑ kul ŋɑnm e, k suɑ kul n fit lɑ fielu.

1 Kuolent-tieb 7:16

Fin puo, ɑ tien nlee bɑnn nɑn ɑ sɑɑ fiel ɑ sɔlɔ? K fin puodɑɑnɔ, ɑ tien nlee bɑnn nɑn ɑ sɑɑ fiel ɑ puo?

1 Tiimuote 1:15

Gotl mɑn, lɑbɑɑl nbɑ tie bɑlmɔni k ŋɑn nɑn niib kul n gɑɑl’l e nɑ: Yiesu Klistu din bɑɑl tingbounŋ nɑ ni, ɑ wun tɑn fiel biitdɑnm e, k min e bi k gɑl b kul ɑ.

1 Tiimuote 2:4

wun nbɑ luon k suɑ kul n lɑ fielu k tɑn bɑnn bɑlmɔni nbɑ tie lin nbɑ,

1 Tiimuote 4:16

Ii mi ɑ mɔnŋ nɑn ɑ wɑnnu po. Ii wɑki l kul ni. Setk nɑn mɔni, ɑ i tuun nnɑ ɑ sɑɑ lɑ fielu ɑ mɔnŋ k bin nbɑ gbiintl ɑ mɑɑn nɑ mun sɑɑ lɑ fielu wɑɑ.

2 Tiimuote 1:9

Ŋuɑ e fiel’t k yiin’t ɑ tii tie u yɑb, k l k tie t tuonɑ pɑɑk kɑɑ ŋɑɑn u din lol k fiel’t u ninkpɑbɑɔnŋ pɑɑk e. U din tul’t ninkpɑbɑɔnŋ mɑnŋ Yiesu Klistu ni, yuo nbɑ k u dɑɑ din k nɑn *dulnyɑ nɑ.

2 Tiimuote 2:10

Ŋɑɑn Yennu nigɑnnkɑb nɑ pɑɑk k n lek di suklu fɑlɑ kul ɑ ni, ɑ bin mun lɑ fielu nbɑ be Yiesu Klistu ni, kii mɔk dontl nbɑ kɑɑ gbennu nɑ.

Tiit 3:5

k u din fiel’t. L din k tie t tiɑɔnŋ tuonŋɑnɑ pɑɑk kɑɑ, ŋɑɑn u mɔnŋ ninbɑtinu pɑɑk e. U din jii nyun e k wul’t, k l nyun pɑɑk, k Foŋɑnm te k b ŋɑnm k mɑl’t, k tul’t mɑnfopɑɑnn.

Fiilemɔn 1:12

Mɔtɑɑnɑ, n tuun’ɔ ɑ wun ŋmɑt ɑ buol ni; k n pɑl lonm kul ɑ be u ni.

Hebluonbɑ 1:14

L pɑɑk, mɑlɑkɑɑnbɑ tie bee? B kul tie sei nbɑ jiɑntl Yennu e, k ŋuɑ Yennu tuun’m ɑ bii sonmt niib nbɑ sɑɑ lɑ fielu nɑ.

Hebluonbɑ 2:3

L pɑɑk, t i kii sɑk k gbiint fieljɑɑnn mɑnŋ lɑbɑɑl fɑnu, t sɑɑ tien nlee k nyi tubdɑtu ni? Yonmdɑɑnɔ tiɑɔnŋ o din dɔnŋ muɑnt fielu mɑnŋ lɑbɑɑl nɑ po, k bin nbɑ din gbɑt nɑ din wɑnn’t ɑ l set tie bɑlmɔni e.

Sɑɑk 5:20

ii tiɑn mɑn nɑn dɑɑnɔ nbɑ nyinn biitdɑɑnɔ u sɔnbiiuk nɑ ni, u fɑt’ɔ kuun ni e k te k u lɑ nyikcɑbu biit buolu buolu pɑɑk.