Luonmtieb 11:11 - Yiesu Lɑbɑmɑnn Muɑl Ni

¹¹ N boi biɑk k lɑɑn Islɑɑeltieb din gbiɑt k bɑɑ k ji k fit fiil ɑmi? Aɑi, l k tie nnɑ kɑɑ. Bɑɑ tun biit nɑ pɑɑk, k Yennu fiel bin nbɑ k tie *Suifnbɑ nɑ. Yennu tun nnɑ ɑ ŋɑnm Suifnbɑ nɑ i mɔk *funfunn bin nbɑ k tie Suifnbɑ nɑ pɑɑk.

Luonmtieb 11:11 Iomraidhean Croise

Lɑbɑmɑnn nbɑ k Luk diɑn 20:16

U sɑɑ bɑɑl k kpi’b, ŋɑɑn biɑ jii kpɑɑb mɑnŋ k tul lieb.» Niib mɑnŋ nbɑ gbɑt lin nbɑ nɑ k b yet ɑ: «Yennu n bɔl ŋɑnn.»

Tuonɑ 13:42

Bɑɑ gbenn lɑknu yuo nbɑ, k Pɔul nɑn Bɑɑlnɑɑbɑɑs din nyii Suifnbɑ jɑɑnti dieok nɑ ni, k niib nɑ bɑln’m ɑ bin ŋɑnm jen Fuondɑɑl nbɑ bɑɑt nɑ, k tɑn wɑnn’b lɑbɑɑl mɑnŋ biɑk.

Tuonɑ 18:6

Ŋɑɑn k b lek din k sɑk mɑɑn mɑnŋ, k suki’ɔ. Ŋɑnn e k u din pit pit u nii nɑn u tɑɑ, ŋɑɑn yet’b ɑ: «L i tie k i tɑn kɔnŋ i mɑnfuol i e, l jii i mɔnŋ mɔnŋ yulɑ pɑɑk e. N nuu kɑɑ jik. Lɑɑ jii dinnɑ k sɑɑ, sie k n nyik ŋɑɑn wɑnn bin nbɑ k tie Suifnbɑ nɑ Yiesu mɑɑn mɑnŋ.»

Luonmtieb 10:19

N yɑɑ n ŋɑnm k boi e k lɑɑn Islɑɑeltieb din k bɑnn l pɑɑk ɑmi? Muois tiɑɔnŋ o din dɔnŋ jiin sinsinn, ɑ Yennu din yet Islɑɑeltieb ɑ: «N sɑɑ te k i mɔk *funfunn nɑn niib nbɑ k mɔk buolu nɑ pɑɑk, k te k i wutuol n do buolu nbɑ tie jɑtt nɑ pɑɑk.»

Luonmtieb 11:1

L pɑɑk, n luon k n boi k lɑɑn i duki ɑ Yennu yet u mɔnŋ niib ɑmi? Aɑi, u k yet’b kɑɑ. N mɔnŋ tie Islɑɑel nilɔ e, k tie Ablɑɑhɑɑnm yɑɑbuonn, k nyii Bensɑɑmen nɑɑkuuk ni.

Luonmtieb 11:12

L i tie k Suifnbɑ biit te k tingbounŋ tieb lɑ piisn, k bɑɑ k tien yɑdɑ nɑ te k bin nbɑ k tie Suifnbɑ lɑ bonŋɑnn, nlee k bonŋɑnn kɑn yɑbt *dulnyɑ ni l i tie k b ŋmɑt k lebt b binbenŋ i?

Luonmtieb 11:14

Mi i bo i sɑɑ fit te k n mɔnŋ buolu niib i mɔk funfunn bin nbɑ k tie Suifnbɑ nɑ pɑɑk, pɑsiɑl ŋɑnn e sɑɑ te k b siɑb n lɑ fielu.

Luonmtieb 11:31

Nnɑ e biɑk k mɔtɑɑnɑ k b k cɔln ɑ yin fit k lɑ Yennu ninbɑtinu mɑnŋ, ŋɑɑn bɑɑ k cɔln nɑ biɑ sɑɑ te k bin lɑ ninbɑtinu mɑnŋ.