Luonmtieb 10:9 - Yiesu Lɑbɑmɑnn Muɑl Ni

⁹ L i tie k ɑ set pɑk k sɑt nyinn ɑ mɔb ni k yet ɑ: «Yiesu tie Yonmdɑɑnɔ,» k biɑ tien yɑdɑ ɑ pɑl ni nɑn Yennu set fiin’ɔ kuun ni, ɑ sɑɑ lɑ fielu wɑɑ.

Luonmtieb 10:9 Iomraidhean Croise

Lɑbɑmɑnn nbɑ k Luk diɑn 12:8

«N yien’i e, wun nbɑ nyint u mɔnŋ pɑɑnu ni niib ni nɑn u tie n weilɔ e, *Nisɑɑlk Bijɑ mun tɑn sɑɑ nyinn’ɔ pɑɑnu ni Yennu *mɑlɑkɑɑnbɑ buol ni, nɑn u tie u yuɑ e,

Lɑbɑmɑnn nbɑ k Sɑn diɑn 9:22

U dɑnm din yet nnɑ mɑnŋ, k mɑɑn b tiin Suifnbɑ yudɑnm nɑ jɑŋmɑɑni, k mɑɑn yudɑnm mɑnŋ ponŋ tɑɑn mɔb k yet ɑ wun nbɑ yɑɑ ɑ Yiesu e tie *Klistu nɑ, sie k b nyinn’ɔ b Suifnbɑ jɑɑnti dieok ni.

Tuonɑ 16:31

K b jiin ɑ: «Tient Yonmdɑɑnɔ Yiesu yɑdɑ, k fin nɑn ŋɑɑtieb kul ɑ sɑɑ lɑ fielu,»

Tuonɑ 2:24

«Wɑɑ dɑɑn kpo k dɑɑ be kuun nii ni nɑ, k Yennu fɑt’ɔ k fiin’ɔ kuun ni, k mɑɑn kuun k fit diɑ’u.

Tuonɑ 2:32

«Yiesu nbɑ nɑ e k Yennu dɑɑn fiin’ɔ kuun ni, k t kul ɑ nɑ mun tie u kuun fiilu mɑnŋ siɑlɑɑdɑnm.

Tuonɑ 8:36

Bɑɑ tɔk sɔnu mɑnŋ yuo nbɑ, k b lɑ nyun nnɑ duɑ, k kɑlɑcijɑɑnn nɑ yet’ɔ ɑ: «Gotl, nyun e nɑ. Bee yɑɑ lin tien k ɑ kɑn wul’n Yennu nyunwulu?»

Luonmtieb 10:10

K mɑɑn nilɔ set tien Yiesu yɑdɑ e u pɑl ni, k Yennu yet ɑ u tie niŋɑnɔ u tuɑnn, k l set nyii u mɔb ni e k u yet nnɑ, k l pɑɑk e k u lɑ fielu.

Luonmtieb 14:11

L diɑn Yennu lolkpel kɑdɑɑɔk ni ɑ: «Min, Yonmdɑɑnɔ nbɑ fo nɑ, n yien’i nɑn buolu kul sɑɑ gbɑɑn n tuɑnn, k suɑ kul sɑɑ yet u mɔb ni, ɑ n set tie Yennu.»

Luonmtieb 14:9

K mɑɑn *Klistu din kpo k biɑ fiil kuun ni ɑ wun tien fuotb nɑn kpienm Yonmdɑɑnɔ.

Luonmtieb 4:24

ŋɑɑn l diɑn k tien tinm nbɑ k Yennu sɑɑ gɑɑl’t mun k t tie niŋɑnm u tuɑnn, k mɑɑn tɑɑ tien’ɔ yɑdɑ, ŋuɑ Yennu wun nbɑ fiin t Yonmdɑɑnɔ Yiesu kuun ni nɑ.

Luonmtieb 8:34

Ŋmee be k sɑɑ bu b buut k biil’b i? Suɑ kɑɑ, k mɑɑn Yiesu Klistu nbɑ din kpo k fiil kuun ni k biɑ be Yennu niidiitu po k tie t sindɑntinnɔ nɑ.

1 Kuolent-tieb 12:3

L pɑɑk, k n luon k yin bɑnn nɑn Foŋɑnm nɑ i be wun nbɑ ni, l dɑɑnɔ kɑn fit pol Yiesu mɔb, k suɑ mun kɑn fit yet ɑ: «Yiesu e tie Yonmdɑɑnɔ,» sie k Foŋɑnm nɑ be u ni k te k u yet nnɑ.

Fiiliiptieb 2:11

k suɑ kul ɑ n muɑnt ɑ ŋuɑ Yiesu Klistu tie Yonmdɑɑnɔ k tul Bɑɑ Yennu dontl.

1 Piɑl 1:21

Klistu ni e k i tien Yennu yɑdɑ, k Yennu tie wun nbɑ din fiin’ɔ kuun ni k tul’ɔ yudɑnt. L pɑɑk, k i yɑdɑ nɑn i dindɑnn be Yennu ni.

1 Sɑn 4:15

L i tie k suɑ yet, ɑ Yiesu tie Yennu Bijɑ, Yennu be u ni, k u mun biɑ be Yennu ni.

2 Sɑn 1:7

Kpinkpɑnni dɑnm bonciɑnn ponŋ bɑɑl k yɑt sɑɑn siɑl po kul tingbounŋ nɑ ni wɑɑ, bin nbɑ yɑɑ, ɑ ŋɑnm k tien yɑdɑ, ɑ b mɑl Yiesu nisɑɑlk e. Wun nbɑ tuun l buolu tie kpinkpɑnni dɑɑnɔ, k biɑ tie Yiesu dɑtɑɑk.