Luonmtieb 10:6 - Yiesu Lɑbɑmɑnn Muɑl Ni

⁶ Ŋɑɑn nɑ e tie bɑɑ yet lin nbɑ k jikt sɑɑ bɑnnu nbɑ k Yennu yet ɑ niib tie niŋɑnm u tuɑnn b yɑdɑ nɑ pɑɑk nɑ ɑ: «A dɑɑ duki ɑ pɑl ni ɑ: ‹Ŋmee tɑn sɑɑ do *Yendɔunŋ ni?› » (L pɑɑk tie ɑ: «Ŋmee sɑɑ do Yendɔunŋ ni k te k Klistu n sik i?»)

Luonmtieb 10:6 Iomraidhean Croise

Lɑbɑmɑnn nbɑ k Sɑn diɑn 6:33

Pɑɑnu nbɑ k Yennu jii tien’i mɑnŋ, ŋɑnn e tie wun nbɑ nyii Yendɔunŋ ni k tien tingbounŋ nɑ ŋɑɑtieb mɑnfuol.»

Lɑbɑmɑnn nbɑ k Sɑn diɑn 6:38

k mɑɑn n nyii Yendɔunŋ ni k sik nɑ mɑɑ n tun wun nbɑ tun’n nɑ yɑnbuɑtuonn e, ŋɑɑn l k tie n mɔnŋ mɔnŋ yɑnbuɑt kɑɑ.

Lɑbɑmɑnn nbɑ k Sɑn diɑn 6:58

Nɑ e tie pɑɑnu nbɑ nyii Yendɔunŋ ni k sik. L k nɑɑn nɑn lin nbɑ k i yejɑnm din di muuk ni k biɑ kpo nɑ kɑɑ, ŋɑɑn wun nbɑ di pɑɑnu mɑnŋ sii be nɑn yuo nbɑ kɑɑ gbennu.»

Luonmtieb 3:22

Yennu te k nisɑɑli kul nbɑ tien Yiesu *Klistu yɑdɑ nɑ e tie niŋɑnm u tuɑnn. L tie nɑ e k tul bin nbɑ kul nbɑ tien Yiesu Klistu yɑdɑ nɑ,

Luonmtieb 3:25

Yennu e din luon k Yiesu n muɑn u sɔn k lii tie *mɑlunŋ, k mɑlunŋ pɑɑk, k Yiesu n gɑɑl biit nyikcɑbu k tul bin nbɑ kul tien’ɔ yɑdɑ. Nnɑ e k Yennu din luon wun wɑnn bɑnnu nbɑ k u tie bɑlmɔni dɑɑnɔ: siɑn yuo u din mɔk suklu. U din k dɑt nisɑɑli tubɑ b biit pɑɑk.

Luonmtieb 4:13

Yennu din senn mɔsonn k tul Ablɑɑhɑɑnm nɑn u yɑɑbuonɑ ɑ tingbounŋ nɑ tɑn sii tie b yɑl e. L din k tie nɑn Ablɑɑhɑɑnm nbɑ wɑɑ senni nɑ pɑɑk kɑɑ k Yennu senn mɔsonn mɑnŋ, ŋɑɑn Yennu nbɑ din jii Ablɑɑhɑɑnm k u tie niŋɑnɔ ŋuɑ Yennu tuɑnn u yɑdɑ pɑɑk nɑ, pɑɑk e k Yennu din senn mɔsonn mɑnŋ.

Fiiliiptieb 3:9

kii be u ni. N k tie niŋɑnɔ Yennu buol ni senni weiu nɑ pɑɑk kɑɑ, ŋɑɑn n tie niŋɑnɔ Yennu buol ni n yɑdɑ nɑn Klistu nɑ pɑɑk e. Yennu te k nilɔ tie niŋɑnɔ u buol ni wɑɑ tien yɑdɑ nɑ pɑɑk e.

Hebluonbɑ 1:3

Bijɑ mɑnŋ ni e k t lɑ yentsɑɑkɑl nbɑ nyii Yennu *yudɑnt ni, k ŋuɑ mɑnŋ e tie Yennu mɔnŋ mɔnŋ ninnɑɔnŋ, k diɑ dulnyɑ kul nɑn u mɑɑn nbɑ mɔk yiikuo nɑ. Wɑɑ din tun lin nbɑ te k niib mɔk nyikcɑbu b biit pɑɑk nɑ puolpo, k u ji kɑl Yɑbnt Yennu niidiitu po *Yendɔunŋ ni.

Hebluonbɑ 11:7

Noe yɑdɑ pɑɑk e din te k u gbɑt Yennu kpɑɑni nbɑ piɑk lin nbɑ k Noe dɑɑ din k fit lɑ’l nɑn u ninbinn nɑ po. U din sɑk Yennu mɔb k kpɑɑ ŋɑlngbenŋl, k ŋuɑ nɑn u ŋɑɑtieb kuɑ lenŋ k lɑ fielu wɑɑ. Ŋɑnn e din wɑnn nɑn tingbounŋ nɑ niib mɔk biit Yennu buol ni, ŋɑɑn k Noe yɑdɑ mɑnŋ pɑɑk k Yennu din yet, ɑ u tie niŋɑnɔ u buol ni.