Luonmtieb 10:17 - Yiesu Lɑbɑmɑnn Muɑl Ni

¹⁷ L pɑɑk, nilɔ i gbiɑ lɑbɑmɑnn mɑnŋ, l bɑɑt nɑn yɑdɑ e, k lɑbɑmɑnn nyi niib nbɑ muɑntl Klistu mɑɑn nɑ ni e.

Luonmtieb 10:17 Iomraidhean Croise

Mɑɑlk 4:24

«Gotl mɑn, ŋɑɑn kii mi yɑɑ gbiintl lin nbɑ. Yɑɑ gɑɑl Yennu piini k tuun nɑn’n biɑnŋ nbɑ, Yennu tɑn sɑɑ pɑ’i l biɑnŋ k biɑ pukn’i siɑl l pɑɑk.

Lɑbɑmɑnn nbɑ k Luk diɑn 11:28

K Yiesu jiin yet’ɔ ɑ: «Bin nbɑ gbiɑ Yennu mɑɑn k sɑɑk’l, ŋɑnm e k pɑlpienn tie b yɑl.»

Lɑbɑmɑnn nbɑ k Luk diɑn 8:11

«Bɑljouk nɑ pɑɑk tie nnɑ e: Bonbuoli nbɑ nɑ e tie Yennu mɑɑn.

Lɑbɑmɑnn nbɑ k Luk diɑn 8:21

Ŋɑnn e k u yet’b ɑ: «Bin nbɑ gbiɑ Yennu mɑɑn k sɑɑk k biɑ tuun l biɑnŋ, ŋɑnm e tie n nɑɑ nɑn n ninjɑnm.»

Lɑbɑmɑnn nbɑ k Sɑn diɑn 1:37

K Sɑn puolpoweitieb bɑnle nɑ nbɑ gbɑt k Sɑn yet nnɑ mɑnŋ, k b nyik’ɔ, ŋɑɑn wɑɑ Yiesu.

Luonmtieb 1:16

Fei k mɔk’n nɑn k n muɑnt lɑbɑmɑnn mɑnŋ, k mɑɑn l tie Yennu yiikuo nbɑ fiel wun nbɑ kul tien yɑdɑ nɑ e. Sinsinn l tie *Suifnbɑ yɑl e, k mun biɑ tie bin nbɑ k tie Suifnbɑ nɑ kul yɑl.

Luonmtieb 10:14

Tɔn, niib i kii tien’ɔ yɑdɑ, b sɑɑ tien nlee k miɑl’ɔ sonml po? K b i kii gbɑt lɑbɑmɑnn mɑnŋ, b sɑɑ tien nlee k tien’ɔ yɑdɑ? K b i kii muɑnt u lɑbɑmɑnn mɑnŋ, nlee k niib sɑɑ gbɑt u po?

2 Kuolent-tieb 2:17

Tɔn, t k tie nɑn bin nbɑ diɑ Yennu mɑɑn mɑnŋ k l tie kpinkpounŋ tul’b nɑ kɑɑ, ŋɑɑn Yennu nbɑ tun’t nɑ pɑɑk e te k t mɔk bɑlmɔnpɑku k be u tuɑnn nɑn tɑɑ tie Klistu tuontunnɑ nɑ.

Gɑɑlɑɑt-tieb 3:2

I yet’n bon-yenn kuɑ mɑn. Yɑɑ din cɔln *senni nɑ pɑɑk e din te k i gɑɑl Foŋɑnm ɑmi yɑɑ din gbɑt lɑbɑmɑnn nɑ, k tien yɑdɑ nɑ pɑɑk e din te k i gɑɑl’ɔ?

Gɑɑlɑɑt-tieb 3:5

Yɑɑ tun senni tuonɑ nɑ pɑɑk e te k Yennu tul’i Foŋɑnm k tuun yɑɑl-lituk tuonɑ i sinsuuk ni ɑmi yɑɑ gbɑt lɑbɑmɑnn k tien yɑdɑ nɑ pɑɑk e?

Kuoluostieb 3:16

I ŋɑɑn k Klistu mɑɑn nɑn l mɔktuk kul ii be i pɑlɑ ni, k yii wɑnt i lieb, kii biɑ kii kpɑɑn i lieb nɑn i yɑn kul. I jii *yɑni nbɑ tie Yennu mɑɑn ni *yɑni, yɑni nbɑ piɑk Klistu po, nɑn yɑni nbɑ k Foŋɑnm tien’i ɑ yin tumi i mɔnŋ k biɑ kpɑɑn lieb nɑ. Ii yiin l yɑni kii tien Yennu nipuouk nɑn i pɑlɑ kul ɑ.

1 Tesɑɑluoniiktieb 2:13

T biɑ tien Yennu niipuouk yuo kul ɑ, k mɑɑn tɑɑ din bɑɑl nɑn Yennu mɑɑn i buol ni, i din k gbɑt’l k gɑɑl’l nɑn nisɑɑlk yɑl nɑ kɑɑ, ŋɑɑn i din gɑɑl’l nɑn l tie Yennu yɑl nɑ e. K l set tie ŋɑnn e nɑn bɑlmɔni, k tuun yinm nbɑ tie Klistuweilɑ nɑ pɑlɑ ni.

Hebluonbɑ 4:2

K mɑɑn t gbɑt lɑbɑmɑnn nɑn bɑɑ mun din gbɑt’l biɑnŋ nbɑ pɑɑnpieonŋ ni, ŋɑɑn l din k tul’b nyuɑt, k mɑɑn bɑɑ din gbɑt lɑbɑmɑnn mɑnŋ, b din k gɑɑl’l nɑn yɑdɑ.

1 Piɑl 1:23

I lɑ mɑnfopɑɑnn ɑ, k l mɑnfuol k nyii bonbuolk nbɑ kpenn ni kɑɑ, ŋɑɑn l nyii bonbuolk nbɑ k kpenn nɑ buol e. Yennu mɑɑn nbɑ tien’t mɑnfuol k sii be mɔkmɔk nɑn yuo nbɑ kɑɑ gbennu nɑ e, tul’i mɑnfopɑɑnn mɑnŋ.

Fiitu 1:9

Min e tie Sɑn, i nɑɑ bik nɑ, k mɑɑ be Klistu ni nɑ, n tɑɑ nɑn’i k di fɑlɑ, k biɑ be Yennu nɑɑn ni, k guu nɑn suklu. Mɑɑ din lin k muɑntl Yennu mɑɑn nɑn Yiesu *siɑlɑ nɑ, k b din jii’n k sɑɑn nɑn’n Pɑɑtmuos tinŋ nbɑ k nyun lint’l nɑ ni.