Luonmtieb 1:8 - Yiesu Lɑbɑmɑnn Muɑl Ni

⁸ Sinsinn, n tien Yennu niipuouk, Yiesu Klistu sɑnn ni, i kul ɑ pɑɑk, k mɑɑn tingbounŋ nɑ tieb kul gbiɑ i yɑdɑ po.

Luonmtieb 1:8 Iomraidhean Croise

Mɑɑtieo 24:14

K b tɑn sɑɑ muɑnt Yennu nɑɑn lɑbɑmɑnn muɑnti nɑ tingbounŋ nɑ kul po, ɑ lin tien *siɑlɑ k tul niib kul, k dulnyɑ gbennu n yen fit bɑɑl.»

Lɑbɑmɑnn nbɑ k Luk diɑn 2:1

L yuo nɑ k kpɑnbɑlɑ yudɑɑnɔ Ogust din tul mɔb ɑ bin diɑn suɑ kul nikɑnt Luonmtieb yent kul ni.

Tuonɑ 11:28

B yenɔ sɑnn din yi Agɑɑbuus, k Foŋɑnm ni e k u din fiil k set, k yet ɑ kon bonciɑnn tɑn sɑɑ bɑɑ tingbounŋ nɑ kul po, k kon mɑnŋ din set tɑn bɑɑ yuo nbɑ k Kluod din tie kpɑnbɑlɑ yudɑɑnɔ nɑ.

Tuonɑ 28:22

Ŋɑɑn t sii luon k tin bɑnn ɑ dudukt, k mɑɑn t ponŋ mi nɑn siɑl po kul ɑ, niib bonciɑnn piɑk k biil jɑɑnti nbɑ k ɑ jiɑntl nɑ.»

Luonmtieb 10:18

Ŋɑɑn n boi k lɑɑn niib k gbɑt lɑbɑmɑnn mɑnŋ ɑmi? Mɔmɔnm, b gbɑt ɑ. L diɑn Yennu lolkpel kɑdɑɑɔk ni ɑ: «Niib gbɑt b kunkɔlɑ tingbounŋ lokl kul po, k b mɑɑn yɑt nɑn *dulnyɑ kul.»

Luonmtieb 16:19

Suɑ kul gbɑt i mɔsɑku po, k lin nbɑ nɑ pɑɑk e k n mɔk pɑlpienn nɑn’i. Ŋɑɑn n luon k yii mɔk yɑn k sɑɑn jiin lin nbɑ ŋɑn nɑn lin nbɑ k mɔk jɑknt nɑ po, k dɑɑ sɑɑk bonbiil.

Luonmtieb 6:17

Siɑn yuo, biit din mɔk i yiikuo, ŋɑɑn mɔtɑɑnɑ i mɑntk sɑɑk bɑlmɔni wɑnnu nbɑ k b din wɑnt’i nɑ nɑn i pɑlɑ kul. L pɑɑk, k n tien Yennu niipuouk.

1 Kuolent-tieb 1:4

N tien Yennu niipuouk yuo kul i pɑɑk nɑn wɑɑ tin’i ninbɑɑɔk Yiesu Klistu ni nɑ.

2 Kuolent-tieb 2:14

Ŋɑɑn Yennu yen niipuouk, k mɑɑn t tie Klistu dɑɑbɑ k wɑɑ u puolpo yuo kul, k u lin k wɑnt nɑn nyɑnnu tie u yɑl e. Yennu jii’t ɑ tin fiit Klistu k wɑnn suɑ kul mun, k u lɑbɑmɑnn tie nɑn tulɑɑli nbɑ nubl mɑn l kul po biɑnŋ nbɑ nɑ e.

Efestieb 1:15

L pɑɑk, yuo nbɑ k n din gbɑt i yɑdɑ nɑn Yonmdɑɑnɔ Yiesu po nɑ, nɑn yɑɑ luon Yennu niib biɑnŋ nbɑ nɑ po mɔkmɔk nɑn dinnɑ,

Efestieb 1:16

n tien Yennu niipuouk i pɑɑk k k nyik. N tiɑn i po e n miɑlu ni,

Efestieb 3:21

Ŋuɑ e yen dontl Klistu mɔtɑɑɔk niib sinsuuk ni nɑn Yiesu Klistu ni yuo kul nɑn yuo nbɑ kɑɑ gbennu. * Amenn.

Efestieb 5:20

Yuo kul ii tien Bɑɑ Yennu niipuouk bonsiɑl kul pɑɑk, t Yonmdɑɑnɔ Yiesu Klistu sɑnn ni.

Fiiliiptieb 1:11

k i binbenŋ n gbie nɑn yentinu luɑnɑ nbɑ nyii Yiesu Klistu buol ni nɑ, ɑ Yennu n lɑ dontl nɑn pɑku.

Fiiliiptieb 1:3

N tien Yennu niipuouk yuo nbɑ kul k n tuu tiɑl i po.

Kuoluostieb 1:3

T tien Yennu nbɑ tie t Yonmdɑɑnɔ Yiesu Klistu Bɑɑ nɑ niipuouk. T tien’ɔ niipuouk yuo kul nbɑ k t mei Yennu i pɑɑk.

1 Tesɑɑluoniiktieb 1:2

T tien Yennu niipuouk i kul ɑ pɑɑk, k tiɑn i po yuo kul t Yenmiɑlu ni.

1 Tesɑɑluoniiktieb 2:13

T biɑ tien Yennu niipuouk yuo kul ɑ, k mɑɑn tɑɑ din bɑɑl nɑn Yennu mɑɑn i buol ni, i din k gbɑt’l k gɑɑl’l nɑn nisɑɑlk yɑl nɑ kɑɑ, ŋɑɑn i din gɑɑl’l nɑn l tie Yennu yɑl nɑ e. K l set tie ŋɑnn e nɑn bɑlmɔni, k tuun yinm nbɑ tie Klistuweilɑ nɑ pɑlɑ ni.

2 Tesɑɑluoniiktieb 1:3

T nɑɑ wɑɑs, l kpɑɑ tɑlɑs e nɑn tii tien Yennu niipuouk yuo kul i pɑɑk. T i tuun nnɑ, l ŋɑn, k mɑɑn i yɑdɑ mɑntk puki bonciɑnn, k yɑɑ mɔk lonm nbɑ k tien i lieb nɑ puki.

2 Tiimuote 1:3

N tien Yennu niipuouk nɑn mɑɑ tuun nɑn dudukŋɑnt nɑn n yejɑnm nbɑ din tuun bɑnnu nbɑ nɑ. N tien’ɔ niipuouk yuo kul nbɑ k n mei Yennu, yennu nɑn nyiɑɔk k biɑ tiɑn ɑ po.

Fiilemɔn 1:4

N nɑɑ bik, yuo kul, n Yenmiɑlu kul ni n tiɑn ɑ po k tien Yennu niipuouk,

Hebluonbɑ 13:15

Ŋɑɑnt k tii dontl Yennu sɑnn yuo kul Yiesu sɑnn ni, k lii nɑɑn nɑn mɑlunŋ nɑ k tul’ɔ, k pɑku nbɑ nyi t mɔi ni nɑ dɑɑ mɔk gbennu.

1 Piɑl 2:5

Ii mun i tie nɑn tɑnɑ nbɑ fo k bin jii’i k mɑɑ Foŋɑnm ŋɑɑk. K yii tie Yennu tiɑɔnŋ mɑnntieb, kii mɑnn *mɑlunŋ nɑn Foŋɑnm nbɑ luon bɑnnu nbɑ, k Yiesu *Klistu pɑɑk, Yennu sɑɑ gɑɑl i mɑlunŋ ɑ.

1 Piɑl 4:11

Wun nbɑ yɑɑ piini tie wuu muɑntl lɑbɑmɑnn nɑ, wuu muɑntl lin nbɑ k Yennu tien’ɔ nɑ e, k wun nbɑ yɑɑ piini tie wuu sonmt niib, wuu sonmt’b nɑn u pɑnŋ kul nbɑ k Yennu tien’ɔ nɑ, ɑ Yennu n lɑ pɑku bonsiɑl kul ni Yiesu Klistu pɑɑk. Ŋuɑ Yiesu yen pɑku nɑn pɑnŋ kul yuo nbɑ kɑɑ gbennu. * Amenn.