Luonmtieb 1:25 - Yiesu Lɑbɑmɑnn Muɑl Ni

²⁵ B jii lin nbɑ tie bɑlmɔni k jikt sɑɑ Yennu po nɑ k lu, ŋɑɑn sɑk fɑɑk, k lebt k jiɑntl lin nbɑ k Yennu nɑn, ŋɑɑn nyik Yennu mɔnŋ mɔnŋ, wun nbɑ yen pɑku kul mɔkmɔk nɑn yuo nbɑ kɑɑ gbennu. * Amenn.

Luonmtieb 1:25 Iomraidhean Croise

Mɑɑtieo 10:37

«Wun nbɑ luon u nɑɑ ɑmi u bɑɑ k gɑl’n, u k ŋɑn nɑn wun tien n yuɑ. Wun nbɑ mun biɑ luon u bijɑ ɑmi u bipuo k gɑl’n, u k ŋɑn nɑn wun tien n yuɑ.

Mɑɑtieo 6:24

«Suɑ kɑn fit tun k tul yonmdɑnm bɑnle. U sii nɑn yenɔ ŋɑɑn kii luon luɑ, ɑmi u sii niɑn yenɔ e, ŋɑɑn kii jɑkn luɑ nɑ. I kɑn fit wɑɑ Yennu nɑn tingbounŋ nɑ mɔktuk biɑk.

Lɑbɑmɑnn nbɑ k Sɑn diɑn 2:8

K u ji yet’b: «Fint mɑn nyun mɑnŋ, k sɑɑn tul jɑɑnm nɑ sɑɑkuɑ.» K b finn k sɑɑn tul’ɔ,

Luonmtieb 1:18

Yennu wɑnn nifosɑɑli ɑ u donn wutuol b pɑɑk, k mɑɑn b tuun biit k k wɑɑ u sɔnu, k b biit sɔni mɑnŋ te k niib k bɑnt u bɑlmɔni.

Luonmtieb 1:23

Bɑɑ bo sii jiɑntl Yennu nbɑ kɑɑ gbennu nɑ, b k sɑk, ŋɑɑn jiɑntl pɑtɑ nbɑ k niib nɑn’m k l nɑɑn nifosɑɑli nbɑ sɑɑ fit kpo nɑ, ɑmi nuɑni, ɑmi bonkobt, ɑmi bonfulinkɑ nbɑ fuln tinŋ ni.

Luonmtieb 9:5

B yejɑnm din tie nijɑɑnɑ e k Klistu nbɑ din kpɑnt nisɑɑlk nɑ, u din tie b buolu ni yenɔ e. Ŋuɑ e tie Yennu nbɑ yen bont kul nɑ, u sɑɑ lɑ pɑku k l kii mɔk gbennu. * Amenn.

2 Kuolent-tieb 11:31

Yonmdɑɑnɔ Yiesu Bɑɑ Yennu, wun nbɑ yen *yudɑnt nɑn yuo nbɑ kɑɑ gbennu nɑ, ŋuɑ e mi nɑn n k fɑ fɑɑk kɑɑ.

Efestieb 3:21

Ŋuɑ e yen dontl Klistu mɔtɑɑɔk niib sinsuuk ni nɑn Yiesu Klistu ni yuo kul nɑn yuo nbɑ kɑɑ gbennu. * Amenn.

1 Tesɑɑluoniiktieb 1:9

Niib nɑ kul piɑk jiint yɑɑ din gɑɑl’t biɑnŋ nbɑ nɑ, nɑn yɑɑ nyik pɑtɑ ŋɑɑn tunn bɑɑl Yennu buol, ɑ yii tuun kii tien bɑlmɔni Yennu nbɑ fo nɑ.

1 Tiimuote 1:11

Bɑlmɔni wɑnnu mɑnŋ nyii Klistu lɑbɑmɑnn nbɑ k Yennu din tul’n ɑ n muɑnt nɑ ni e, lɑbɑmɑnn mɑnŋ piɑk Yennu nbɑ ŋɑn nɑn dontl kul, k tie wun nbɑ tul’t bonŋɑnɑ kul nɑ po.

1 Tiimuote 1:17

Tɔn, k mɔtɑɑnɑ Kpɑnbɑl nbɑ kɑɑ gbennu, k kɑn mi kpo, k suɑ k lɑɑt’ɔ, k u kuukuɑ tie Yennu, ŋuɑ e ŋɑn nɑn sɑnn nɑn dontl nɑn yuo nbɑ kɑɑ gbennu. * Amenn.

2 Tiimuote 3:4

B tɑn sii nyi lieb puoɑ e, k tie kɑɑtkɑɑtdɑnm, k dont b mɔnŋ. B tɑn sii luon bii tuun lin nbɑ mɑn k tul’b k kii mɔk lonm nɑn Yennu.

1 Sɑn 5:20

T mi nɑn Yennu Bijɑ din bɑɑl tingbounŋ nɑ ni, k tɑn tul’t yɑn, ɑ tii bɑnt bɑlmɔni Yennu. T be u ni u Bijɑ Yiesu Klistu nɑ pɑɑk e, k ŋuɑ e tie bɑlmɔni Yennu k biɑ tie mɑnfuol nbɑ kɑɑ gbennu.