Luonmtieb 1:14 - Yiesu Lɑbɑmɑnn Muɑl Ni

¹⁴ L kpɑɑ tɑlɑs k n sɑɑn niib kul buol ni, bin nbɑ mɔk nin-yentl nɑn bin nbɑ k mɔk nin-yentl, bin nbɑ mi kɑdɑɑɔk nɑn bin nbɑ k mi kɑdɑɑɔk.

Luonmtieb 1:14 Iomraidhean Croise

Mɑɑtieo 11:25

L yuo mɑnŋ k Yiesu din yet ɑ: «N Bɑɑ wun nbɑ tie sɑnpɑɑpo nɑn tingbounŋ nɑ Yonmdɑɑnɔ, n piɑk’ɑ, k mɑɑn ɑ bɔl ɑ mɑɑn nɑ subndɑnm nɑn mitieb, ŋɑɑn fiit wɑnn wɑɑs e,

Lɑbɑmɑnn nbɑ k Luk diɑn 10:21

L yuo mɑnŋ k Foŋɑnm din te k Yiesu mɔk pɑlpienn hei, k yet ɑ: «N Bɑɑ wun nbɑ tie sɑnpɑɑpo nɑn tingbounŋ nɑ Yonmdɑɑnɔ, n piɑk’ɑ, k mɑɑn ɑ bɔl lɑbɑɑl mɑnŋ subndɑnm nɑn mitieb buol e, ŋɑɑn fiit wɑnn wɑɑs. Nnn Cɑnbɑɑ, nnɑ e k ɑ luon k ɑ tun, k l mɑn’ɑ.»

Tuonɑ 22:21

K Yonmdɑɑnɔ yet’n ɑ: ‹Fin i sɑɑ wɑɑ, min e yɑɑ n tun’ɑ niib nbɑ be bɑnfɔkl k k tie Suifnbɑ nɑ tini ni.› »

Tuonɑ 28:2

Lenŋ niib din gɑɑl’t bonŋɑnn. Sɑɑk nbɑ din bɑɑ nɑ, k wɑɑt be bonciɑnn, k b juo mugɑnn k tul’t ɑ t nɑni.

Tuonɑ 28:4

Lenŋ niib nbɑ lɑ k wɑɑɔk nɑ juɑn Pɔul nuu pɑɑk nɑ, k b ji yien b lieb ɑ: «Juɑ nɑ kpɑn tie nikpiiluk o. Wɑɑ lek fɑt u mɔnŋ mɔkgbenŋl nnɑ, ŋɑɑn yennu ŋɑnin kɑn nyik’ɔ k wuu be u mɑnfuol ni.»

Tuonɑ 9:15

Ŋɑɑn Yonmdɑɑnɔ yet’ɔ ɑ: «Fin i sɑɑ wɑɑ. Ŋuɑ e tie wun nbɑ k n lukt’ɔ ɑ wuu tuun n tuonn, k te k buolgɑnu nɑn b kpɑnbɑlɑ nɑn Islɑɑeltieb n bɑnn n sɑnn,

Luonmtieb 1:22

B yɑɑ ɑ b mɔk yɑn e, ŋɑɑn tie wɑɑtb.

Luonmtieb 11:25

N nɑɑ wɑɑs, n luon k yin bɑnn wuol ni lɑbɑɑl, ɑ i dɑɑ duki nɑn i tie yɑndɑnm e. L tie ɑ Suifnbɑ siɑb tie kɑngbɑtɑ e, k l sii be nnɑ e k tɑn bɑɑl yuo nbɑ k bin nbɑ k tie Suifnbɑ kul nbɑ k Yennu lukt’b nɑ, bin tɑn tien Yiesu yɑb.

Luonmtieb 12:16

Ii mɔk mɑn dudukyenn kuɑ k dɑɑ mɔk dont-n-mɔnŋ, ŋɑɑn kii sɑɑk tuonɑ nbɑ k mɔk dont-n-mɔnŋ, k dɑɑ duki nɑn i mɔk nin-yentl.

Luonmtieb 13:8

Dɑɑ mɔk suɑ pɑnn. Yɑɑ sii mɔk pɑnn nbɑ tie ii luon mɑn i lieb. Wun nbɑ luon u luɑ, l dɑɑnɔ gbien Yennu senni nɑ kul ɑ.

Luonmtieb 16:19

Suɑ kul gbɑt i mɔsɑku po, k lin nbɑ nɑ pɑɑk e k n mɔk pɑlpienn nɑn’i. Ŋɑɑn n luon k yii mɔk yɑn k sɑɑn jiin lin nbɑ ŋɑn nɑn lin nbɑ k mɔk jɑknt nɑ po, k dɑɑ sɑɑk bonbiil.

Luonmtieb 8:12

L pɑɑk, n nɑɑ wɑɑs, l luon k t mɑbn t mɔnŋ k dɑɑ wɑɑ nisɑɑlk binbenŋ nbɑ luon bɑnnu nbɑ.

1 Kuolent-tieb 14:11

Ŋɑnn k mi i kii mi mɑɑn pɑɑk, n tie sɑɑmɔ e k tul wun nbɑ piɑk nɑn’n nɑ, k wun nbɑ mun piɑk tien’n nɑ mun tie sɑɑmɔ e n buol.

1 Kuolent-tieb 14:16

Fi i jii mɑbuolu buolu k tul Yennu niipuouk ɑ siek ni kuukuɑ, k nilɔ nbɑ k ɑ be nɑn’ɔ nɑ k mi fɑɑ yien lin nbɑ, u sɑɑ tien nlee k fit jiin ɑ: «* Amenn» ɑ niipuouk tulu nɑ pɑɑk, wɑɑ k gbɑt fɑɑ piɑk lin nbɑ nɑ pɑɑk i?

1 Kuolent-tieb 2:13

L pɑɑk e k t piɑk nɑn mɔbonɑ nbɑ k tie nisɑɑlk yɑn wɑnnu, ŋɑɑn t piɑk mɔbonɑ nbɑ k Yennu Siek wɑnt’t, k biɑ wɑnt Yennu bɑlmɔni nɑ k tien niib nbɑ k u Siek be b ni nɑ,

1 Kuolent-tieb 3:18

Suɑ dɑɑ kpɑnn u mɔnŋ. Suɑ i be i sinsuuk ni k duki nɑn u mɔk yɑn tingbounŋ niib nunm ni, l ŋɑn wun kpɑnt u mɔnŋ wɑɑtɔ kii mɔk yɑn nɑn bɑlmɔni.

2 Kuolent-tieb 10:12

Mɔmɔnm, t k luon k t jii t mɔnŋ k bikn nɑn nisiɑb nbɑ dont b mɔnŋ, k biɑ k luon k tii tie nɑn b yenm nɑ. B k mɔk yɑn. B senn b mɔnŋ biknu e, k biki b mɔnŋ k yeknt b mɔnŋ nɑn b lieb.

2 Kuolent-tieb 11:19

Yinm nbɑ mɔk yɑn bonciɑnn nɑ, i tuu di suklu nɑn wɑɑtb k biɑ mɔk pɑlpienn l pɑɑk.

Kuoluostieb 3:11

L pɑɑk, bɔktu ji kɑɑ bin nbɑ tie *Suifnbɑ nɑn bin nbɑ k tie Suifnbɑ sinsuuk ni. Bin nbɑ pot punɑ nɑn bin nbɑ k pot kul ɑ ji k mɔk bɔktu nɑn lieb. Bɔktu ji kɑɑ muuk ni niib nɑn duo ni yɑb sinsuuk ni. Bɔktu biɑ kɑɑ dɑɑbɑ nɑn yent-n-mɔnŋ dɑnm sinsuuk ni, ŋɑɑn Klistu kuukuɑ siɑn, k u be i kul ni.

2 Tiimuote 2:10

Ŋɑɑn Yennu nigɑnnkɑb nɑ pɑɑk k n lek di suklu fɑlɑ kul ɑ ni, ɑ bin mun lɑ fielu nbɑ be Yiesu Klistu ni, kii mɔk dontl nbɑ kɑɑ gbennu nɑ.

Tiit 3:3

K mɑɑn siɑn-yuo t mɔnŋ din k mɔk yɑn, t din tie mɔyetdɑnm e, k wɑɑ sɔnu nbɑ k tuok. T din tie niɑnbiit nɑn gbɑnɑnt lonm buolu buolu dɑɑbɑ e. T binbenŋ kul din tie bonbiil nɑn niɑnbiiuk o. T din nɑn t lieb k b mun biɑ nɑn’t.