Kuoluostieb 4:5 - Yiesu Lɑbɑmɑnn Muɑl Ni

⁵ Ii mi mɑn i binbenŋ nbɑ tie biɑnŋ nbɑ k tul bin nbɑ k tie Klistu niib nɑ, k jii i yuo kii tuun fɑnu yuo kul nbɑ k Yennu luot sɔnu k tul’i.

Kuoluostieb 4:5 Iomraidhean Croise

Mɑɑtieo 10:16

«Gotl mɑn, n tuun’i k i sii tie nɑn pei nbɑ be kinkɑtɑ sinsuuk ni nɑ e. Ii cek mɑn nɑn wɑɑlɑbli nɑ, ŋɑɑn kii be suon nnɑ nɑn ŋmɑnɑ nɑ.

Mɑɑlk 4:11

K u yet’b ɑ: «Yinm ŋɑnin, Yennu fiit wuol ni mɑɑn k jii jiin u nɑɑn po k wɑnn’i wɑɑ, ŋɑɑn bin nbɑ k be i ni nɑ ŋɑnin gbiɑ bonsiɑl kul ɑ nɑn bɑljokt e ɑ:

Luonmtieb 16:19

Suɑ kul gbɑt i mɔsɑku po, k lin nbɑ nɑ pɑɑk e k n mɔk pɑlpienn nɑn’i. Ŋɑɑn n luon k yii mɔk yɑn k sɑɑn jiin lin nbɑ ŋɑn nɑn lin nbɑ k mɔk jɑknt nɑ po, k dɑɑ sɑɑk bonbiil.

Kuoluostieb 3:16

I ŋɑɑn k Klistu mɑɑn nɑn l mɔktuk kul ii be i pɑlɑ ni, k yii wɑnt i lieb, kii biɑ kii kpɑɑn i lieb nɑn i yɑn kul. I jii *yɑni nbɑ tie Yennu mɑɑn ni *yɑni, yɑni nbɑ piɑk Klistu po, nɑn yɑni nbɑ k Foŋɑnm tien’i ɑ yin tumi i mɔnŋ k biɑ kpɑɑn lieb nɑ. Ii yiin l yɑni kii tien Yennu nipuouk nɑn i pɑlɑ kul ɑ.

1 Tesɑɑluoniiktieb 4:12

Ŋɑnn e sɑɑ te k bin nbɑ k tie Klistuweilɑ nɑ n tul’i nibɑɑkl, k l ji kii kpɑɑ tɑlɑs k yin juɑb i mɔnŋ k denn suɑ i bonlonkɑ pɑɑk.

1 Tiimuote 3:7

L kpɑɑ tɑlɑs k wuu tie dɑɑnɔ nbɑ k bin nbɑ k wɑɑ Klistu nɑ n yet ɑ u binbenŋ ŋɑn, k u dɑɑ mi di fei k *Sɑɑtɑn bɑluk tɑn sɑɑ mɑnn k suol’ɔ.

Sɑɑk 1:5

L i tie k i suɑ pɔt yɑn, wun miɑl Yennu, wun nbɑ pi suɑ kul piini nɑn bulcint, k k dint suɑ fei nɑ, k u sɑɑ tul’ɔ wɑɑ.

Sɑɑk 3:13

Ŋmee mɔk yɑn nɑn bɑnnu i sinsuuk ni? Ŋɑɑnt wun wɑnn nɑn u mɔk yɑn nɑn bɑnnu, u binbenŋɑnŋ ni nɑn tuonɑ nbɑ k u tuun, nɑn sikn-n-mɔnŋ nɑn yɑn ni.

Sɑɑk 3:17

Ŋɑɑn yɑn nbɑ nyi sɑnpɑɑpo, l k mɔk biit. Wun nbɑ mɔk yɑn mɑnŋ, u mɔk pɑlmɑɑsl k be suon nnɑ, k gbiɑ u lieb mɑɑn pɑɑk. U mɔk ninbɑtinu bonciɑnn, k biɑ tuun tuonŋɑnɑ bonciɑnn. U k mɔk luktn, k biɑ k mɔk niilɑbndinu.

1 Piɑl 3:1

Puob, sɑkn mɑn i sɔlb mɔi, k b siɑb i kii tien Yennu mɑɑn nɑ yɑdɑ, ŋɑɑn pɑsiɑl b puob binbenŋɑnŋ nɑ pɑɑk, b sɑɑ tien yɑdɑ wɑɑ, l k kpɑɑ tɑlɑs nɑn puo n yet siɑl,