Kuoluostieb 4:12 - Yiesu Lɑbɑmɑnn Muɑl Ni

¹² Epɑɑflɑɑs, wun nbɑ mun biɑ tie i duo ni nilɔ k biɑ tie Yiesu Klistu tuontunnɔ nɑ, fuont’i. U mei Yennu nɑn ninmɔnn yuo kul k tien’i, ɑ Yennu n te k yin set kenken, kii tie nisubltieb nbɑ tuun Yennu lonm nɑ.

Kuoluostieb 4:12 Iomraidhean Croise

Mɑɑtieo 5:48

L pɑɑk, ii tuun bonŋɑnɑ kii tien niib kul nɑn i Bɑɑ nbɑ be sɑnpɑɑpo k tuun k tien niib kul nɑ.»

Lɑbɑmɑnn nbɑ k Luk diɑn 1:1

Cɑnbɑɑ Teofiil: Niib bonciɑnn din lɑ Yennu nbɑ din tun lin nbɑ t sinsuuk ni l pinpiik ni nɑn mɔtɑɑnɑ.

Lɑbɑmɑnn nbɑ k Luk diɑn 22:44

U din dii fɑlɑ bonciɑnn k miɑl Yennu nɑn u pɑnŋ kul, k nɑɑɔk tɑn pu u pɑɑk k tɑn tuot nɑɑn nɑn sɔn nɑ.

Lɑbɑmɑnn nbɑ k Sɑn diɑn 12:26

Dɑɑnɔ nbɑ luon wuu tuun n tuonn, sie k u wɑɑ’n, k mɑɑ tɑn sii be siɑn nbɑ, k n tuontunnɔ mun tɑn sii be lenŋ. N Bɑɑ sɑɑ donn dɑɑnɔ nbɑ tuun n tuonn.»

Luonmtieb 15:14

N nɑɑ wɑɑs, n mi n pɑl ni nɑn i pɑlɑ gbien nɑn dudukŋɑnt, k i mɔk minu k sɑɑ fit k kpɑɑn i lieb.

Luonmtieb 15:30

Tɔn, n nɑɑ wɑɑs, t Yonmdɑɑnɔ Yiesu Klistu sɑnn pɑɑk nɑn Foŋɑnm lonm pɑɑk, n mei’i, ii mei Yennu nɑn ninmɔnn n pɑɑk k sonm’n,

1 Kuolent-tieb 14:20

N nɑɑ wɑɑs, yuo nbɑ k i duki, i dɑɑ tie wɑɑs. L i tie k l tie, k tun bonbiil i e, yii tie nɑn sɑnpɑnti nɑ mɑn, ŋɑɑn l i tie k i yɑɑ yin dukn dudukt yii tie sɑɑkɑb.

1 Kuolent-tieb 2:6

Mɔmɔnm, n muɑntl nɑn yɑn e k tien bin nbɑ k b yɑdɑ cie Klistuyɑb ni nɑ. Ŋɑɑn l k tie tingbounŋ nɑ niib yɑn ɑmi tingbounŋ nɑ pɑnŋ dɑnm nbɑ k b pɑni sɑɑ tien yɑnn nɑ kɑɑ.

2 Kuolent-tieb 13:11

Mɔtɑɑnɑ lɑɑ, n nɑɑ wɑɑs, yinm nbɑ tie Klistuweilɑ nɑ, ii be mɑn pɑlmɑnn ni. Ii luon mɑn bɑnnu nbɑ sɑɑ te k i dɑɑ mɔk biit, kii cien i lieb pɑlɑ, kii biɑ kii gbiɑ i lieb mɑɑn pɑɑk. Ii be mɑn mɑnu ni, k Yennu nbɑ tie lonm nɑn mɑnu Yennu nɑ ii be nɑn’i.

Gɑɑlɑɑt-tieb 1:10

N yiɑb mɑɑ n gɑɑl nisɑɑlk pɑku kuo Yennu yɑl e? N luon k mii tun lin nbɑ k niib luon ɑmi ii? L i tie k n luon k mii tuun lin nbɑ k niib luon nɑ, n ji kii tie Klistu tuontunnɔ.

Gɑɑlɑɑt-tieb 4:19

N wɑɑs, l yiɑl’n nɑn lɑɑ tuu yiɑl puo nbɑ luon wun mɑl bik nɑ e mɔkmɔk nɑn yuo nbɑ k Klistu binbenŋ nɑ tɑn sɑɑ gbie i ni.

Kuoluostieb 1:22

Ŋɑɑn mɔtɑɑnɑ, u Bijɑ nbɑ din kpɑnt nilɔ k tɑn kpo nɑ pɑɑk, u ji te k l mɑn yinm nɑn ŋuɑ sinsuuk ni ɑ wun jii’i k yii tie niŋɑnm, k dɑɑ mɔk jɑknt nɑn biit u buol ni.

Kuoluostieb 1:28

Klistu mɑnŋ po e k t muɑntl, k kpɑɑn suɑ kul ɑ, k wɑnt suɑ kul nɑn yɑn buolu kul, ɑ bii kpɑɑtl k cie Klistu ni k bɑɑl Yennu buol ni.

Kuoluostieb 1:29

Lin nbɑ nɑ pɑɑk k n lek yɑbi k tuun nɑn pɑnciɑɔnŋ nbɑ nyi Klistu buol k tuun n ni nɑ.

Kuoluostieb 1:7

I din tumi Yennu ninkpɑbɑɔnŋ mɑnŋ po t tuontunluɑ Epɑɑflɑɑs wun nbɑ k t luon’ɔ nɑ buol ni. U tie Klistu tuontunnɔ nbɑ tuun nɑn bɑlmɔni i buol ni t pɑɑk,

Kuoluostieb 1:9

Lin nbɑ nɑ pɑɑk, tɑɑ dɑɑn gbɑt i po, t k nyik Yenmiɑlu i pɑɑk. T mei Yennu ɑ wun te k i bɑnn wɑɑ luon biɑnŋ nbɑ. Foŋɑnm yɑn nɑn u subni nbɑ k u tul’i nɑ pɑɑk e, sɑɑ te k i set bɑnn Yennu ninkpɑbɑɔnŋ nɑn bɑlmɔni.

Kuoluostieb 4:9

U tɔk nɑn Onesiinm, wun nbɑ tie t nɑɑ bik nbɑ tie mɔmɔnm dɑɑnɔ k biɑ tie i yuɑ nɑ. B sɑɑ yet’i bonsiɑl kul ɑ nbɑ tuun nnɑ nɑ.

1 Tesɑɑluoniiktieb 5:23

Yennu nbɑ tien’t mɑnu nɑ tiɑɔnŋ n te k yii tie u yɑb cɑin, kii diɑ i sei nɑn i mɑnfuol nɑn i gbɑnɑnt mun, k l dɑɑ mɔk biit t Yonmdɑɑnɔ Yiesu Klistu jenu mɑnŋ po.

Fiilemɔn 1:23

Epɑɑflɑɑs wun nbɑ k min nɑn ŋuɑ be dɑnsɑlk Yiesu Klistu pɑɑk nɑ tien’ɑ u fuonti,

Hebluonbɑ 5:14

Ŋɑɑn jeŋmɑnkɑt tie sɑɑkɑb yɑl e, k ŋɑnm e fit bɑnt lin nbɑ tie bonbiil nɑn lin nbɑ tie bonŋɑnn, bɑɑ tuu dukn l po b pɑlɑ ni nɑ.

Hebluonbɑ 5:7

Tɔn, Yiesu nbɑ din be tingbounŋ nɑ ni yuo nbɑ nɑ u din mei Yennu k bɑln’mɔ, k bui nɑn nyin-nyuut Yennu nbɑ sɑɑ fit fɑt’ɔ kuun ni nɑ buol ni. K wɑɑ din bɑɑkt Yennu nɑ pɑɑk k Yennu din gbɑt u miɑlu mɑnŋ.

Sɑɑk 1:1

Min Sɑɑk, wun nbɑ tie Yennu tuontunnɔ k biɑ tie Yonmdɑɑnɔ Yiesu *Klistu tuontunnɔ, n fuont Islɑɑel nibuolu piik nɑn bɑnle nbɑ yɑt k be tingbounŋ nɑ kul ni.

Sɑɑk 1:4

Ŋɑɑnt mɑn k i suklu i be fɑnu k yin fit kii tie niŋɑnm k siɑl dɑɑ puɑl’i.

Sɑɑk 5:16

L pɑɑk, fiitl i biit k wɑnn lieb, k miɑl Yennu k tul lieb, ɑ yin lɑ lɑɑfiɑ. Wun nbɑ tie niŋɑnɔ Yennu tuɑnn nɑ miɑlu sii mɔk nyuɑt bonciɑnn.

2 Piɑl 1:1

Min Siimɔn Piɑl, wun nbɑ tie Yiesu *Klistu tuontunnɔ nɑn u *tuomi nɑ e dɑ kɑdɑɑɔk nɑ k tien bin nbɑ lɑ yɑdɑ Yennu nbɑ tuun lin nbɑ ŋɑn nɑn t Fietuɑ Yiesu Klistu nɑ buol nɑ, k b yɑdɑ mɑnŋ mun ŋɑn k tul Yennu nɑn t yɑl nbɑ ŋɑn bɑnnu nbɑ nɑ.

Suud 1:24

Yennu ii guu’i k i dɑɑ bɑɑ, k bɑɑl nɑn’i u tuɑnn yentsɑɑkɑl ni, k i dɑɑ mɔk biit, ŋɑɑn kii mɔk pɑlpienn bonciɑnn.