Kuoluostieb 3:5 - Yiesu Lɑbɑmɑnn Muɑl Ni

⁵ L pɑɑk, yin kpi lin nbɑ tie tingbounŋ nɑ binbenŋ i ni, lin nbɑ tie boncunconsn nɑn jɑknt tuonɑ nɑn niɑnciɑɔnŋ nɑn dudukbiit nɑn niijeu (k mɑɑn niijeu tie pɑtmɑnnu buolu yenn).

Kuoluostieb 3:5 Iomraidhean Croise

Mɑɑtieo 15:19

K mɑɑn nilɔ pɑl ni e k dudukbiit nyi, nɑn nikpinu, nɑn boncuncontuonɑ, nɑn nɑn-yukn, nɑn fɑɑk siɑlɑ, nɑn sɑnjɑɑɔnŋ.

Luonmtieb 1:26

L pɑɑk, k Yennu nyik’b ɑ bii tuun b mɔnŋ lonbiiuk nbɑ mɔk fei, k b puob nyik bii duɑ nɑn jɑb ŋɑɑn ŋmɑt k duɑ nɑn b lieb.

Luonmtieb 1:29

K biit kul be b ni, k b gbie nɑn biit nɑn niɑnciɑɔnŋ nɑn tonu nɑn nikpinu nɑn kunkɔnɑ nɑn fɑi nɑn dudukbiit, k biɑ tie sɑnjɑɑnjɑnnɑ,

Luonmtieb 6:13

Dɑɑ cɑbt biit k l mɔk i gbɑnɑnt yɑɑk k tuun nɑn’n bonbiil, ŋɑɑn jiin i mɔnŋ k tul Yennu, ŋɑɑn kii tie nɑn i nyii kuun ni e k kuɑ mɑnfuol ni nɑ. Jiin i gbɑnɑnt kul k tul Yennu ɑ lii tuun lin nbɑ tuok.

Luonmtieb 6:6

T mi nɑn t binbenkpelk nɑ lɑkn k kpo nɑn Yiesu u dɑpunpunn pɑɑk, ɑ t biit binbenŋ nɑ ji dɑɑ mɔk yiikuo, k t ji kii be biit dɑbs ni,

Luonmtieb 7:23

ŋɑɑn k n lɑɑt sennsiɑl nbɑ tuun n gbɑnɑnt ni, k l kɔn nɑn senni nbɑ k n yɑn luon nɑ. Sennliel nbɑ bɑɑt nɑn biit nɑ tuun n gbɑnɑnt ni k lol’n nɑn dɑnsɑlk nɑ.

Luonmtieb 7:5

Yuo nbɑ k t din tuun t gbɑnɑnt lonm nɑ e, senni nɑ te k t mɔk niɑnbiiuk k l tuun t gbɑnɑnt ni. Niɑnbiiuk mɑnŋ e din te k t tuonɑ juontl nɑn kuun.

Luonmtieb 8:13

K mɑɑn, l i tie k i wɑɑ nisɑɑlk binbenŋ, i sɑɑ kpo wɑɑ, ŋɑɑn l i tie k i jii Foŋɑnm yiikuo k kpi i gbɑnɑnt biit, i sɑɑ lɑ mɑnfuol ɑ.

1 Kuolent-tieb 5:1

L set tie mɔni e k b yien ɑ boncunconsn be i sinsuuk ni, k l tie lin nbɑ k bin nbɑ k wɑɑ Yiesu *Klistu nɑ mɔnŋ set kɑn tun. N gbɑt ɑ suɑ be i sinsuuk ni k duɑ nɑn u bɑɑ puo,

1 Kuolent-tieb 6:11

I siɑb din tie nnɑ e, ŋɑɑn k Yennu wuul i biit nɑ k senn’i k i tie u niib k u biɑ yet ɑ i tie niŋɑnm Yonmdɑɑnɔ Yiesu Klistu sɑnn ni nɑn t Yennu Siek yiikuo ni.

1 Kuolent-tieb 6:13

I siɑb yien ɑ: «Jiet tie puol yɑl e, k puol mun tie jiet yɑl.» Mɔni e, ŋɑɑn Yennu sɑɑ biil l ŋɑnle nɑ kul. Yennu k nɑn t gbɑnɑnt ɑ t jii’l kii conm, ŋɑɑn ɑ t jii’l k lii tie Yonmdɑɑnɔ yɑl, k Yonmdɑɑnɔ e yen t gbɑnɑnt nɑ.

1 Kuolent-tieb 6:18

Lɔktl mɑn boncuncontuonɑ. Tuonbiit kul nbɑ biɑl, l k tuun gbɑnɑnt ni, ŋɑɑn wun nbɑ conm ŋɑnin biil u mɔnŋ gbɑnɑnt e.

2 Kuolent-tieb 12:21

N biɑ mɔk jijiet nɑn mi i bɑɑl i buol biɑk, Yennu sɑɑ te k n di fei i pɑɑk, k n pɑl sɑɑ biil i siɑb bonciɑnn pɑɑk, k mɑɑn b ponŋ tun biit, k mɔk niɑnbiiuk nɑn boncuncontuonɑ nɑn dɑyibu, k biɑ k mɔ kuɑŋɑɑn l pɑɑk k lebt binbenŋ.

Gɑɑlɑɑt-tieb 5:24

Bin nbɑ tie Klistuyɑb kpɑɑ b nisɑɑlk lonm nɑn l lonbiit kul ɑ dɑpunpunn pɑɑk ɑ.

Efestieb 4:19

B ji k tiin fei, k jii b mɔnŋ k tuun jɑknt tuonbuolu buolu kul, k k diɑ b mɔnŋ nɑn wɑɑnm-nnɑ wɑɑ.

Kuoluostieb 2:11

Yɑɑ be u ni nɑ pɑɑk, k b pot’i, ŋɑɑn l k tie nisɑɑlk nuu kɑɑ pot’i. Klistu e pot’i, ɑ wun nyinn nisɑɑli dudukt nbɑ be i ni, k niɑn biit tumu nɑ.

1 Tesɑɑluoniiktieb 4:3

K mɑɑn Yennu luon k yii tie niŋɑnm k dɑɑ tuun boncuncontuonɑ.

1 Tesɑɑluoniiktieb 4:5

k dɑɑ tuun nnɑ nɑn niɑnbiiuk binbenŋ nɑn bin nbɑ k mi Yennu nbɑ tuun biɑnŋ nbɑ nɑ.

1 Tiimuote 6:10

k mɑɑn likli lonm e tie bonbiil kul jiinn. Nisiɑb ponŋ jii b mɔnŋ k tien liklonbiiuk nɑ ni. L pɑɑk, k b ji k tien Klistu yɑdɑ. Ŋɑnn e te k b lɑɑt pɑlbibuolu buolu.

Hebluonbɑ 12:16

I suɑ dɑɑ tuun boncuncontuonɑ ɑmi k k bɑɑkt lin nbɑ tie Yennu yɑl nɑn Esɑɑu, wun nbɑ din jii u sɑɑkɑt k dɑɑ jiet k dii tɑɑl yonm nɑ.

Hebluonbɑ 13:4

Ii bɑɑkt i puokuɑnt nɑn i jɑkunt k dɑɑ conm, k mɑɑn Yennu tɑn sɑɑ dɑt boncunconɑ tubɑ.

Hebluonbɑ 13:5

Ii nyinn i niɑɔnŋ nɑn liklonm, ŋɑɑn te k i nunm n gbuo nɑn yɑɑ mɔk lin nbɑ, k mɑɑn Yennu yet ɑ: «N kɑn mi k nyik’ɑ ni; n biɑ kɑn mi k ŋɑɑn’ɑ ni.»

Sɑɑk 4:1

Bee te k i kɔn k noi nɑn lieb i? L tie i niɑnbiiuk nbɑ be i pɑlɑ ni k kɔn nɑ e.

1 Piɑl 2:11

N yuɑsnbɑ, yɑɑ tie sɑɑnm k biɑ tie kunsɑnnɑ tingbounŋ nɑ ni nɑ, n kpɑɑn’i e ɑ yi nyik gbɑnɑnt lonbiit nbɑ kɔn nɑn i sei nɑ,

Fiitu 21:8

Ŋɑɑn jɑŋmɑɑndɑnm nɑn bin nbɑ kɑɑ yɑdɑ nɑn bonbiildɑnm nɑn nikpiilt nɑn juonbɑɑlt nɑn jɑbɑɑbulɑ nɑn pɑtjiɑnt-dɑnm nɑn fɑi dɑnm kul, b binbebuol tie mɔkl nbɑ di muu k sɑlwuutɑ di nɑn’n nɑ e. Ŋɑnn e tie kuun nbɑ pukn munle nɑ.»

Fiitu 22:15

Bɔi e biɑl nɑn-yel nɑ, bin nbɑ bu jɑbɑɑt nɑn bin nbɑ tuun jɑknt tuonɑ nɑn nikpiilɑ nɑn bin nbɑ mɑnn pɑtɑ nɑn bin nbɑ luon fɑɑk k biɑ fɑ fɑɑk nɑ.