Kuoluostieb 3:15 - Yiesu Lɑbɑmɑnn Muɑl Ni

¹⁵ I ŋɑɑn k Klistu mɑnu ii diɑ i pɑlɑ kii ŋmɑktl’i. Yennu lɑkn yiin’i gbɑnɑn-yent kuɑ ni ɑ yii mɔk mɑnu mɑnŋ e. Ii tien Yennu niipuouk mɑn.

Kuoluostieb 3:15 Iomraidhean Croise

Lɑbɑmɑnn nbɑ k Sɑn diɑn 14:27

«N tien’i mɑnu e. N pi’i piini nbɑ tie n mɑnu e. N k tul’i nɑn tingbounŋ ŋɑɑtieb nbɑ tuu tul b lieb bɑnnu nbɑ nɑ kɑɑ. I dɑɑ mɔk pɑlbiil. I biɑ dɑɑ tiin jɑŋmɑɑni.

Lɑbɑmɑnn nbɑ k Sɑn diɑn 16:33

N yien’i lin nbɑ nɑ ɑ yin lɑ mɑnu e, yɑɑ gɑɑ n pɑɑk nɑ. I tɑn sii di fɑlɑ tingbounŋ nɑ ni. Ŋɑɑn ii mɔk pɑlcienn mɑn. N nyɑnn tingbounŋ nɑ wɑɑ.»

Luonmtieb 1:21

B mi Yennu, ŋɑɑn b k tien’ɔ bɑɑkl nbɑ k u yen nɑ, k biɑ k tien’ɔ niipuouk. B mɔk jɑt-dudukt, k b dudukt be bunbɔnn ni.

Luonmtieb 14:17

K mɑɑn Yennu nɑɑn lɑbɑɑl k tie jiet-dinu ɑmi nyunu lɑbɑɑl kɑɑ, ŋɑɑn l tie Yennu nbɑ luon k tii tuun bɑnnu nbɑ, nɑn mɑnu nɑn pɑlpienn nbɑ k Foŋɑnm tul’t nɑ lɑbɑɑl.

Luonmtieb 15:13

Yennu nbɑ tul’i dindɑnn nɑ, n tul’i mɑnu nɑn pɑlpienn bonciɑnn yɑɑ tien’ɔ yɑdɑ nɑ pɑɑk k Foŋɑnm n te k i dindɑnn nɑ n ŋɑnm yɑbt.

Luonmtieb 5:1

L pɑɑk, Yennu nbɑ jii’t k t tie niŋɑnm u tuɑnn t yɑdɑ pɑɑk nɑ e, k mɑnu ji be tinm nɑn Yennu sinsuuk ni t Yonmdɑɑnɔ Yiesu *Klistu pɑɑk.

1 Kuolent-tieb 10:17

Lɑɑ tie pɑɑnu yenn nɑ, tinm nbɑ yɑb nɑ tɑɑn tie gbɑnɑn-yent, k mɑɑn t kul lɑkn ŋmɑn pɑɑnu yenn nɑ e.

1 Kuolent-tieb 7:15

Ŋɑɑn wun nbɑ k tie Klistuweilɔ i luon wun yet u luɑ, Klistuweilɔ n ŋɑɑn’ɔ k wuu sɑɑ. Ŋɑnn ŋɑnin, senni ji k so wun nbɑ tie Klistuweilɔ mɑnŋ. Yennu e yiin’t ɑ tii be nɑn mɑnu.

2 Kuolent-tieb 4:15

Lin nbɑ nɑ kul be ɑ lin sonm yinm e, k yuo kul niib bonciɑnn ji lɑɑt Yennu ninkpɑbɑɔnŋ k puki, k b tien’ɔ niipuouk bonciɑnn k b niipuouk bɑɑt nɑn dontl k tien’ɔ.

2 Kuolent-tieb 9:11

Yennu sɑɑ tien’i mɔktɑ bɑnnu nbɑ k i sii fit tuun nɑn bulcint yuo kul. Ŋɑnn e, niib bonciɑnn sii piɑk Yennu piini nbɑ nyii i buol ni k t tul’b nɑ pɑɑk.

Efestieb 4:16

Ŋuɑ e te k gbɑnɑnt bɔkɑ kul diɑ b lieb, k gbɑnɑnt mɑnŋ tuktɑ diɑ nɑn lieb. L kul ɑ i bo i tuun nɑn lieb cib cib, gbɑnɑnt mɑnŋ bo sii kpɑɑtl e nɑn lieb lonm ni.

Efestieb 4:4

Gbɑnɑn-yent kuɑ e be, k Foŋɑn-yenɔ kuɑ mun be, nnɑ e k dindɑn-yenn kuɑ mun be k Yennu yiin’i l ni.

Efestieb 5:1

Yɑɑ tie Yennu wɑlonkɑi nɑ, i yɑbl i mɔnŋ pɑɑk kii tuun nɑn ŋuɑ nɑ,

Efestieb 5:20

Yuo kul ii tien Bɑɑ Yennu niipuouk bonsiɑl kul pɑɑk, t Yonmdɑɑnɔ Yiesu Klistu sɑnn ni.

Kuoluostieb 1:12

T biɑ mei Yennu ɑ yin fit k tul’ɔ niipuouk, k mɑɑn u te k i mun biɑ lɑ bonɑ nbɑ k ŋuɑ Yennu din senn mɔsonn, ɑ u sɑɑ tul u niib u yentu nɑɑn ni nɑ.

Kuoluostieb 2:7

k sikn i yɑdɑ jiinɑ Yennu ni, k jii i binbenŋ kul k gɑɑn u pɑɑk, k i yɑdɑ ii be u ni, k i yɑdɑ ii mɔk pɑnŋ nɑn Epɑflɑɑs nbɑ din wɑnn’i biɑnŋ nbɑ nɑ, kii tien Yennu niipuouk yuo kul ɑ.

Kuoluostieb 3:17

Lin nbɑ kul k i tie, ii tie mɑn Yonmdɑɑnɔ Yiesu Klistu sɑnn ni. Lin nbɑ kul k i yien, ii yien mɑn Yonmdɑɑnɔ Yiesu Klistu sɑnn ni, kii tien Bɑɑ Yennu niipuouk Yiesu tuonɑ pɑɑk.

1 Tesɑɑluoniiktieb 5:18

kii tien Yennu niipuouk bonsiɑl kul ni, k mɑɑn ŋɑnn e tie Yennu nbɑ luon biɑnŋ nbɑ, yɑɑ be Yiesu Klistu ni nɑ.

1 Tiimuote 2:1

L pɑɑk, sinsinn n wɑnn’ɑ nɑn l ŋɑn k niib ii mei Yennu, kii boi’ɔ bonɑ po, kii tien’ɔ niipuouk niib kul ɑ pɑɑk.

1 Tiimuote 6:12

A yɑdɑ pɑɑk kɔnin kunkɔnŋɑnn, k suol mɑnfuol nbɑ kɑɑ gbennu nbɑ k Yennu din yiin’ɑ ɑ fɑn gɑɑl yuo nbɑ k ɑ din nyinn ɑ mɔnŋ siɑlŋɑnn niib bonciɑnn nunm ni nɑ.

Hebluonbɑ 13:15

Ŋɑɑnt k tii dontl Yennu sɑnn yuo kul Yiesu sɑnn ni, k lii nɑɑn nɑn mɑlunŋ nɑ k tul’ɔ, k pɑku nbɑ nyi t mɔi ni nɑ dɑɑ mɔk gbennu.

Fiitu 7:12

k yien ɑ: «* Amenn, pɑku nɑn dontl nɑn yɑn nɑn niipuouk tulu nɑn bɑɑkl nɑn yiikuo nɑn pɑnŋ tie Yennu yɑl e mɔkmɔk nɑn yuo nbɑ kɑɑ gbennu. Amenn.»