Kuoluostieb 3:14 - Yiesu Lɑbɑmɑnn Muɑl Ni

¹⁴ Lin nbɑ mɑntk siɑn tie yii mɔk lonm e. Ŋɑnn e sɑɑ te k yii mɔk mɔtɑɑɔk fɑnu nɑn lieb.

Kuoluostieb 3:14 Iomraidhean Croise

Lɑbɑmɑnn nbɑ k Sɑn diɑn 13:34

«Mɔtɑɑnɑ n tien’i senpɑɑnu e, ɑ ii luon i lieb mɑn. Mɑɑ luon’i biɑnŋ nbɑ nɑ, ii mun i luon i lieb nnɑ.

Lɑbɑmɑnn nbɑ k Sɑn diɑn 15:12

Nɑ e tie n *senni k n senn k tul’i, mɑɑ ii luon i lieb nɑn mɑɑ luon yinm biɑnŋ nbɑ nɑ.

Lɑbɑmɑnn nbɑ k Sɑn diɑn 17:23

N be b ni, k ɑ mun be n ni, ɑ k bin tɑɑn yonm dede k tingbounŋ ŋɑɑtieb n fit bɑnn nɑn fin e tun’n, k ɑ mun luon’m nɑn fɑɑ luon’n biɑnŋ nbɑ nɑ.

Luonmtieb 13:8

Dɑɑ mɔk suɑ pɑnn. Yɑɑ sii mɔk pɑnn nbɑ tie ii luon mɑn i lieb. Wun nbɑ luon u luɑ, l dɑɑnɔ gbien Yennu senni nɑ kul ɑ.

Efestieb 1:4

Yennu nbɑ ponŋ dɑɑ din k nɑn tingbounŋ yuo nbɑ nɑ wɑɑ k u din gɑnn’t ɑ tii tie u yɑb Yiesu Klistu pɑɑk, kii tie niŋɑnm k dɑɑ mɔk biit u buol ni. Yennu nbɑ din luon’t nɑ pɑɑk,

Efestieb 4:3

Yɑɑ mɔk mɑnu nɑ pɑɑk, i yɑbl i mɔnŋ k biɑl mɔtɑɑɔk nbɑ k Foŋɑnm tul’i nɑ ni.

Efestieb 5:2

k ŋɑɑn k lonm i diɑ’i nɑn *Klistu nbɑ din luon’t bonciɑnn k gɑɑl t pɑɑk k kpo k l nɑɑn nɑn mɑnnu nbɑ k l nublu mɑn k tul Yennu nɑ.

Kuoluostieb 2:2

N yɑɑ i pɑlɑ n cie e, k yin lɑkn tɑɑn lieb nɑn lonm, kii mɔk dindɑnn kul nbɑ bɑɑt nɑn bɑlmɔni minu. Nnɑ e kii sii mi Yennu wuol ni lɑbɑɑl nbɑ tie *Klistu tiɑɔnŋ nɑ.

1 Tesɑɑluoniiktieb 4:9

L k kpɑɑ tɑlɑs k tin diɑn kɑdɑɑɔk k tiɑl’i yɑɑ sii luon i lieb biɑnŋ nbɑ. Yennu mɔnŋ e ponŋ wɑnn’i biɑnŋ nbɑ k i sii luon i lieb.

1 Tiimuote 1:5

N kpɑɑni mɑnŋ pɑɑk tie lin fiin nilɔ pɑl ni lonm nbɑ nyuɑn bon-yenn kuɑ, nɑn *dudukŋɑnt nɑn mɔmɔnm yɑdɑ.

Hebluonbɑ 6:1

L pɑɑk, ŋɑɑnt mɑn k tin tumi lin nbɑ tie sɑɑkɑb yɑl *Klistu ni k sɑɑn tuɑnn po. Ŋɑɑn t ji dɑɑ goli sinsinn tumiu nɑ kɑɑ. T ji k ŋɑnm fɔkn fiɑkl nbɑ sɑɑ te k nilɔ n nyik tuonɑ nbɑ sɑɑ biil’ɔ nɑ kɑɑ, kuo wɑɑ sɑɑ tien Yennu yɑdɑ bɑnnu nbɑ nɑ kɑɑ.

1 Piɑl 4:8

Lin nbɑ gɑl bont kul tie, ɑ ii luon i lieb mɑn fɑnu, k mɑɑn lonm dɔknt biit bonciɑnn.

2 Piɑl 1:7

k biɑ pukn nɑɑtɑɑnn i binbenŋ nbɑ gbuot Yennu nunm nɑ pɑɑk, k biɑ pukn lonm i nɑɑtɑɑnn mɑnŋ pɑɑk.

1 Sɑn 3:10

Dɑɑnsuɑ nbɑ k tuun lin nbɑ ŋɑn k tie Yennu bik, k dɑɑnɔ nbɑ k luon u nɑɑ bik biɑ k tie Yennu bik kɑɑ. Nnɑ e k t mi bin nbɑ tie Yennu wɑɑs nɑn bin nbɑ tie Sɑɑtɑn wɑɑs.

1 Sɑn 3:23

Yennu nbɑ senn lin nbɑ e nɑ: ɑ t tien u Bijɑ Yiesu Klistu yɑdɑ kii luon t lieb nɑn wɑɑ din senn’t senni biɑnŋ nbɑ nɑ.

1 Sɑn 4:21

Sennu nbɑ k Klistu senn e nɑ: wun nbɑ luon Yennu, sie k u luon u nɑɑ bik.