Kuoluostieb 3:10 - Yiesu Lɑbɑmɑnn Muɑl Ni

¹⁰ k ji liɑ binbenpɑɑnŋ e. Binbenpɑɑnŋ nɑ e k Yennu nbɑ tie l nɑntuɑ nɑ pɑntl yuo kul ɑ, k l nɑɑn u mɔnŋ binbenŋ, ɑ wun te k yin bɑnn’ɔ setk nɑn mɔni.

Kuoluostieb 3:10 Iomraidhean Croise

Lɑbɑmɑnn nbɑ k Sɑn diɑn 17:3

K mɑnfuol mɑnŋ e tie lin nbɑ sɑɑ te k niib n bɑnn fin nbɑ tie Yennu nɑn bɑlmɔni, k suɑ kɑɑ, nɑn Yiesu *Klistu nbɑ k ɑ tun’ɔ nɑ.

Luonmtieb 12:2

I dɑɑ te k i binbenŋ tie nɑn tingbounŋ nɑ niib binbenŋ nɑ, ŋɑɑn ŋɑɑnt k Yennu n lebt i dudukt nɑn bɑlmɔni, kii ŋɑnm i binbenŋ fɑnu. Ŋɑnn e k i sɑɑ bɑnn Yennu yɑnbuɑt nbɑ tie bɑnnu nbɑ, k ŋɑnn e tie lin nbɑ ŋɑn, lin nbɑ gbuot u nunm nɑn lin nbɑ tie dede.

Luonmtieb 13:12

Nyiɑɔk gɑl ɑ, k yennu ni e bɑɑt. Ŋɑɑnt mɑn k tin lu tuonɑ nbɑ tuun bunbɔnn ni ŋɑɑn jii jɑtiɑt nbɑ k t sɑɑ fit kɔn nɑn’n yieonŋ ni.

Luonmtieb 13:14

I jii Yonmdɑɑnɔ Yiesu *Klistu binbenŋ k lii tie i yɑl, k dɑɑ ŋɑɑnt k gbɑnɑnt lonbiit n te k i tuun biit.

Luonmtieb 6:4

L pɑɑk, t din kpo e nɑn Klistu k b lɑkn pii’t nɑn’ɔ Yennu nyunwulu ni, k u Bɑɑ nbɑ din jii u bɑktnɔunŋ yiikuo k fiin’ɔ kuun ni nɑ, nnɑ e k t mun fiil ɑ tii be mɑnfopɑɑnn ni.

Luonmtieb 8:29

U ponŋ din senn nɑn bin nbɑ k u lukt’b nɑ, ɑ bii tie nɑn u Bijɑ nɑ, k u Bijɑ nɑ n tien Bikpelk, wɑɑs bonciɑnn sinsuuk ni.

2 Kuolent-tieb 3:18

Ŋɑnn e, t kul nbɑ k cincenn k duɑk t nuni po wɑnt Yonmdɑɑnɔ yudɑnt. Nnɑ e k t kpint k tie nɑn Yonmdɑɑnɔ nɑ, k nyii yudɑn-yent ni, ŋɑɑn kuɑ yudɑnt nbɑ yɑb k gɑl sinsinn yɑl nɑ ni. Nɑ tie tuonn nbɑ k Yonmdɑɑnɔ Siek tun e.

2 Kuolent-tieb 4:16

L pɑɑk e te k t k mɔk kpinkpɑngbɑtuk. L i lek i tie k t gbɑnɑnt biil wɑɑn wɑɑn, ŋɑɑn Yennu pɑntl t siek dɑɑl n tuu dɑɑl.

2 Kuolent-tieb 4:6

Yennu nbɑ din yet ɑ: «Yentu n yent bunbɔnn ni,» ŋuɑ e te k u yentu nɑ yentl t pɑlɑ ni, ɑ tin bɑnn u yudɑnt nbɑ tie bɑnnu nbɑ, l yudɑnt e yien Yiesu Klistu nunpo nɑ.

2 Kuolent-tieb 5:17

L pɑɑk, nilɔ nbɑ be Klistu ni, l dɑɑnɔ ji tie nipɑɑmɔ e. Bonkpel kul ji bot e, k bonpɑɑnn ji be u ni.

Gɑɑlɑɑt-tieb 3:27

k mɑɑn yinm nbɑ kul k b din wul’i Yennu nyunwulu Klistu sɑnn ni nɑ, yinm e gɑɑl u mɔnŋ mɔnŋ binbenŋ.

Gɑɑlɑɑt-tieb 6:15

Suɑ i pot u punn kuo wuu kii pot u punn, l k tie siɑl. Lin nbɑ siɑn tie bii tie nipɑɑnm e.

Efestieb 2:10

ŋɑɑn Yennu e tien’t nnɑ, k t tie u nɑɑmi Klistu ni ɑ tin tun tuonŋɑnɑ nbɑ k u din dɔnŋ tien l siil ɑ tii tuun nɑ.

Efestieb 2:15

U gbɑnɑnt ni e k u din kpien Suifnbɑ *senni nɑn l kuɑt kul ɑ, ɑ nibuolu bɑnle nɑ n tɑɑn k tien niyenɔ kuɑ u ni. Nnɑ e k u din bɑɑl nɑn mɑnu.

Kuoluostieb 3:12

I tie Yennu nigɑnnkɑb e. U din luon’i k din lukt’i, ɑ ii tie u tiɑɔnŋ niib. L pɑɑk, ii tiin lieb ninbɑɑɔk bonciɑnn mɑn, kii mɔk bulcint, kii centl lin nbɑ k i mɔk nɑ nɑn’m kii tie sikn-n-mɔnŋ dɑnm, kii luon mɑnu, kii mɔk pɑlmɑɑsl.

Kuoluostieb 3:14

Lin nbɑ mɑntk siɑn tie yii mɔk lonm e. Ŋɑnn e sɑɑ te k yii mɔk mɔtɑɑɔk fɑnu nɑn lieb.

Fiilemɔn 1:6

N mei Yennu ɑ tinm nɑn fin nbɑ tɑɑn k tien Klistu yɑdɑ nɑ pɑɑk sɑɑ te k tin bɑnn fɑnu piisn nbɑ k t mɔk tɑɑ tɑɑ Klistu po nɑ pɑɑk.

Hebluonbɑ 6:6

Ŋɑɑn nɑn lin nbɑ nɑ kul, k b lek tɑn ŋmɑt bɑɑ binbenbiik ninŋ. L nibuolu, suɑ ji kɑn fit te k bin ŋɑnm k mɔ kuɑŋɑɑn k lebt binbenŋ. Bɑlmɔni, b ŋɑnmt kpɑɑn Yennu Bijɑ dɑpunpunn pɑɑk e, k tien lieb yɑɑk nbɑ k b sii suki’ɔ.

1 Sɑn 2:3

T i diɑ Yennu *senni, ŋɑnn e wɑnn nɑn t set mi’u.

1 Sɑn 2:5

K biɑ jen ɑ, wun nbɑ cɔln u mɑɑn, ŋuɑ e set luon Yennu nɑn u yɑn kul. K biɑ jen ɑ, dɑɑnɔ nbɑ yɑɑ ɑ u gɑɑ u pɑɑk, sie k u binbenŋ i tie nɑn Yiesu binbenŋ nbɑ din tie biɑnŋ nbɑ nɑ. Ŋɑnn e k u sɑɑ bɑnn nɑn u gɑɑ Yennu pɑɑk.

Fiitu 21:5

K wun nbɑ kɑl nɑɑngbounŋ mɑnŋ pɑɑk nɑ yet ɑ: «Mɔtɑɑnɑ, n tie bont kul bonpɑɑnn e.» Ŋɑnn e k u biɑ yet’n ɑ: «Diɑnt lin nbɑ nɑ, k mɑɑn mɔbonɑ nɑ tie mɔni e k niib sɑɑ fit tien’n yɑdɑ.»