Kuoluostieb 2:23 - Yiesu Lɑbɑmɑnn Muɑl Ni

²³ Setk nɑn mɔni, l senni nɑɑn nɑn l nyii mɔmɔnm minu ni nɑ e k wɑnt nɑn niib i jiɑntl mɑlɑkɑɑnbɑ, kii mɔk sikn-n-mɔnŋ binbenŋ nɑn niib nbɑ sii mɑbnt b gbɑnɑnt biɑnŋ nbɑ. Ŋɑɑn l k mɔk pɑnŋ nbɑ sɑɑ te k tin nyɑnn t dudukbiit nbɑ be t gbɑnɑnt ni nɑ.

Kuoluostieb 2:23 Iomraidhean Croise

Luonmtieb 13:14

I jii Yonmdɑɑnɔ Yiesu *Klistu binbenŋ k lii tie i yɑl, k dɑɑ ŋɑɑnt k gbɑnɑnt lonbiit n te k i tuun biit.

Efestieb 5:29

Suɑ k mi yet u mɔnŋ gbɑnɑnt, ŋɑɑn u goli u gbɑnɑnt e fɑnu k dint u mɔnŋ nɑn Klistu nbɑ tuun biɑnŋ nbɑ tien u mɔtɑɑɔk niib nɑ.

Kuoluostieb 2:18

I yɑbl k dɑɑ te k suɑ n bɑɑl k kpɑnn’i k fɑt i nyɑnnu nɑ: bin nbɑ mɔk fɑɑk sikn-n-mɔnŋ nɑn bin nbɑ jiɑntl mɑlɑkɑɑnbɑ, nɑn bin nbɑ duu yelnti pɑɑk nɑ. Ŋɑnm e dont b mɔnŋ nɑn nisɑɑli dudukt.

Kuoluostieb 2:22

Senni mɑnŋ piɑk lin nbɑ k nilɔ sɑɑ sii k lin biil ɑmi lin nbɑ k nilɔ sɑɑ di k tenn k lin biil nɑ po e. Senni nɑn l tumiiu mɑnŋ nyii nisɑɑli buol ni e.

Kuoluostieb 2:8

I dɑɑ te k suɑ diɑ nisɑɑlk yɑn nɑn kpinkpɑnn-yɑnɑ k kpɑnn’i. L dudukt nyii nisɑɑli tuonɑ ni nɑn tingbounŋ nnɑ nɑlnbiit buol e. L k nyii Klistu buol ni kɑɑ,

1 Tiimuote 4:3

L nibuolu wɑnt, ɑ jɑkunt nɑn puokuɑnt k ŋɑn, ɑ k jesiɑt biɑ k ŋɑn nɑn dinu. Ŋɑɑn tinm nbɑ tien Klistu yɑdɑ k biɑ mi l bɑlmɔni nɑ, mi nɑn Yennu din nɑn jebuolu kul ɑ, ɑ niib n tuu tul’ɔ niipuouk l pɑɑk e ŋɑɑn di.

1 Tiimuote 4:8

Lin nbɑ k nilɔ tuun k be lɑɑfiɑ ni mɔk nyuɑt wɑɑnm-nnɑ e, ŋɑɑn lin nbɑ k u tuun k be binbenŋ nbɑ gbuo Yennu nunm nɑ mɔk nyuɑt bonɑ kul ni, k sonmt’ɔ mɔtɑɑnɑ nɑn yuo nbɑ bɑɑt nɑ.