Kuoluostieb 2:20 - Yiesu Lɑbɑmɑnn Muɑl Ni

²⁰ I libn k kpo nɑn Klistu wɑɑ, k ji k be tingbounŋ nɑ yiikuo ni. Ŋɑnn, bee te k i be k l nɑɑn nɑn i tie tingbounŋ nɑ yɑb e nɑ? Bee te k i wɑɑ nisɑɑli senni nbɑ yɑɑ ɑ:

Kuoluostieb 2:20 Iomraidhean Croise

Lɑbɑmɑnn nbɑ k Sɑn diɑn 15:19

L i bo i tie k i tie tingbounŋ nɑ ŋɑɑk niib i e, tingbounŋ nɑ ŋɑɑtieb bo sii luon’i nɑn bɑɑ luon b mɔnŋ niib biɑnŋ nbɑ nɑ e. Ŋɑɑn n gɑnn’i k nyinn’i tingbounŋ nɑ niib ni wɑɑ, k i ji k tie tingbounŋ nɑ ŋɑɑtieb yɑb. L pɑɑk e tien k b nɑn’i.

2 Kuolent-tieb 10:3

L tie bɑlmɔni e nɑn t mun lek be nifosɑɑli gbɑnɑnt ni, ŋɑɑn t k kɔn kunkɔnn nɑn nisɑɑli nbɑ kɔn bɑnnu nbɑ nɑ kɑɑ.

Gɑɑlɑɑt-tieb 4:3

T mun din tie nnɑ e. Yuo nbɑ k t din tie nɑn bonbunɑ t din tie *dulnyɑ nnɑ sei dɑɑbɑ.

Gɑɑlɑɑt-tieb 6:14

Min ŋɑnin kɑn mi fɑɑ jɑpɑɑt sie t Yonmdɑɑnɔ Yiesu Klistu dɑpunpunn nɑ kuukuɑ pɑɑk. K mɑɑn u dɑpunpunn pɑɑk e te k tingbounŋ lonm kpo n buol ni k n mun kpo tingbounŋ lonm buol ni.

Efestieb 2:15

U gbɑnɑnt ni e k u din kpien Suifnbɑ *senni nɑn l kuɑt kul ɑ, ɑ nibuolu bɑnle nɑ n tɑɑn k tien niyenɔ kuɑ u ni. Nnɑ e k u din bɑɑl nɑn mɑnu.

Kuoluostieb 2:14

Yennu yet ɑ u ji kɑn jii kɑdɑɑɔk nbɑ k t biit din diɑn l ni nɑ, k tun nɑn’n tuonn. L kɑdɑɑɔk din tie t biit kɑdɑɑɔk o, k u din te k l tien yɑnn, wɑɑ din kpɑɑ Yiesu dɑpunpunn pɑɑk nɑ

Kuoluostieb 2:16

L pɑɑk, i dɑɑ te k suɑ n bu i buut yɑɑ di lin nbɑ ɑmi yɑɑ nyu lin nbɑ nɑ pɑɑk, ɑmi jɑɑnti jɑɑnm, ɑmi ŋmɑɑpɑɑnŋ dɑɑ, ɑmi fuondɑɑ pɑɑk.

Kuoluostieb 2:21

«A dɑɑ jikt nɑ,» ɑmi: «A dɑɑ lemi lin nbɑ nɑ,» ɑmi: «A dɑɑ siit lin nbɑ nɑ.»

Kuoluostieb 2:8

I dɑɑ te k suɑ diɑ nisɑɑlk yɑn nɑn kpinkpɑnn-yɑnɑ k kpɑnn’i. L dudukt nyii nisɑɑli tuonɑ ni nɑn tingbounŋ nnɑ nɑlnbiit buol e. L k nyii Klistu buol ni kɑɑ,

Kuoluostieb 3:3

k mɑɑn i ponŋ din kpo wɑɑ, k i mɑnfuol bɔl Yennu buol ni nɑn Klistu yɑl nbɑ bɔl biɑnŋ nbɑ nɑ.

Hebluonbɑ 13:9

I dɑɑ ŋɑɑnt k wɑnnsɑɑnɑ buolu buolu n te k i bot, k i tɑn sɑɑ mɑnn tut sɔnŋɑnu mɑnŋ. L ŋɑn k Yennu ninbɑtinu n tul nilɔ pɑnŋ u pɑl ni. Jiet *senni weiu kɑn tul’ɔ pɑnŋ. Nisiɑb nbɑ diɑ jiet *senni nɑ k lɑɑt somsiɑl l ni.

Sɑɑk 4:4

I nyik Yennu wɑɑ, k wɑɑ bonliɑ. I k mi nɑn l i tie k i suol tingbounŋ yuɑs i e, i tie Yennu dɑtɑi ee? Wun nbɑ luon wuu tie tingbounŋ nɑ yuɑk, l dɑɑnɔ tien u mɔnŋ Yennu dɑtɑɑk e.

1 Sɑn 5:19

K t mi nɑn tinm tie Yennu yɑb e, k tingbounŋ nɑ ŋɑɑtieb kul nɑ be Klistu dɑtɑɑk yiikuo ni.