Kuoluostieb 2:2 - Yiesu Lɑbɑmɑnn Muɑl Ni

² N yɑɑ i pɑlɑ n cie e, k yin lɑkn tɑɑn lieb nɑn lonm, kii mɔk dindɑnn kul nbɑ bɑɑt nɑn bɑlmɔni minu. Nnɑ e kii sii mi Yennu wuol ni lɑbɑɑl nbɑ tie *Klistu tiɑɔnŋ nɑ.

Kuoluostieb 2:2 Iomraidhean Croise

Mɑɑtieo 11:25

L yuo mɑnŋ k Yiesu din yet ɑ: «N Bɑɑ wun nbɑ tie sɑnpɑɑpo nɑn tingbounŋ nɑ Yonmdɑɑnɔ, n piɑk’ɑ, k mɑɑn ɑ bɔl ɑ mɑɑn nɑ subndɑnm nɑn mitieb, ŋɑɑn fiit wɑnn wɑɑs e,

Mɑɑtieo 11:27

«Tɔn, n Bɑɑ e wɑnn’n mɑɑn kul ɑ, k suɑ k mi u Bijɑ nbɑ tie wun nbɑ, sie n Bɑɑ mɑnŋ, k suɑ mun biɑ k mi Bɑɑ mɑnŋ, sie u Bijɑ nɑ, nɑn bin nbɑ k u luon k wun fiit wɑnn’b nɑ.

Mɑɑtieo 13:11

K u jiin k yet’b ɑ: «Yinm ŋɑnin, Yennu cɑb ɑ yin bɑnn wuol ni mɑɑn k jii jiin u nɑɑn po, ŋɑɑn ŋɑnm ŋɑnin, u k cɑb’b.

Lɑbɑmɑnn nbɑ k Luk diɑn 1:1

Cɑnbɑɑ Teofiil: Niib bonciɑnn din lɑ Yennu nbɑ din tun lin nbɑ t sinsuuk ni l pinpiik ni nɑn mɔtɑɑnɑ.

Lɑbɑmɑnn nbɑ k Sɑn diɑn 10:30

Min nɑn n Bɑɑ mɑnŋ tie yonm e.»

Lɑbɑmɑnn nbɑ k Sɑn diɑn 10:38

Ŋɑɑn l i tie k n tuun ŋuɑ Yennu tuonɑ mɑnŋ i e, l i lek i tie k i k tien’n yɑdɑ, ŋɑɑn yin tien n tuonɑ mɑnŋ yɑdɑ. Ŋɑnn e, k i sɑɑ bɑnn nɑn bɑlmɔni nɑn n Bɑɑ be n ni, k n mun biɑ be u ni.»

Lɑbɑmɑnn nbɑ k Sɑn diɑn 16:15

Lin nbɑ kul k n Bɑɑ mɔk tie n yɑl e. Ŋɑnn e te k n yet ɑ u sii jikt lin nbɑ tie n yɑl e k wɑnt’i.»

Lɑbɑmɑnn nbɑ k Sɑn diɑn 17:3

K mɑnfuol mɑnŋ e tie lin nbɑ sɑɑ te k niib n bɑnn fin nbɑ tie Yennu nɑn bɑlmɔni, k suɑ kɑɑ, nɑn Yiesu *Klistu nbɑ k ɑ tun’ɔ nɑ.

Lɑbɑmɑnn nbɑ k Sɑn diɑn 5:17

Ŋɑɑn k Yiesu din yet’b ɑ: «N Bɑɑ tun tuun e, k n mun tuun nnɑ e.»

Lɑbɑmɑnn nbɑ k Sɑn diɑn 5:23

ɑ k suɑ kul i tien u Bijɑ bɑɑkl nɑn bɑɑ tien Bɑɑ mɑnŋ bɑɑkl biɑnŋ nbɑ. Wun nbɑ k tie u Bijɑ nɑ bɑɑkl, u biɑ k tien u Bɑɑ nbɑ tun’ɔ nɑ bɑɑkl.

Lɑbɑmɑnn nbɑ k Sɑn diɑn 6:69

T tien’ɑ yɑdɑ wɑɑ k mi nɑn fin e tie Yennu niŋɑnɔ.»

Tuonɑ 4:32

L yuo nɑ k Yiesuweilɑ mɑnŋ kul ɑ tɑɑn lieb nɑn dudukyent kuukuɑ. B suɑ din k yɑɑ ɑ u yen siɑl u mɔnŋ, ŋɑɑn b din centl b bonɑ k tien b lieb e.

Luonmtieb 15:13

Yennu nbɑ tul’i dindɑnn nɑ, n tul’i mɑnu nɑn pɑlpienn bonciɑnn yɑɑ tien’ɔ yɑdɑ nɑ pɑɑk k Foŋɑnm n te k i dindɑnn nɑ n ŋɑnm yɑbt.

Luonmtieb 16:25

Ŋɑɑnt mɑn k tin dont Yennu sɑnn. Ŋuɑ e te k i set wɑɑ’u fɑnu nɑn mɑɑ muɑnt lɑbɑmɑnn k jiin Yiesu Klistu po nɑ pɑɑk. Ŋuɑ e fiit wuol ni mɑɑn nbɑ din bɔl binɑ binɑ nɑ.

Luonmtieb 2:4

Ami ɑ sɑlkt lonciɑɔnŋ nɑn suklu bonciɑnn nbɑ k Yennu mɔk nɑn’t nɑ ɑmi nlee? A k mi nɑn Yennu mɔk bulcint nɑn’ɑ ɑ wun te k ɑ mɔ kuɑŋɑɑn k lebt binbenŋ ee?

1 Kuolent-tieb 14:31

I kul sɑɑ fit k sɔkn Yennu mɑɑn yenɔ yenɔ, ɑ i kul n lɑ wɑnnu k lii kuɑnt’i pɑlɑ.

1 Kuolent-tieb 2:12

Siek nbɑ k t gɑɑl nɑ, l k tie tingbounŋ nɑ siek kɑɑ, ŋɑɑn l tie Yennu Siek nbɑ sɑɑ te k tin bɑnn piini nbɑ k u tul’t e.

Gɑɑlɑɑt-tieb 3:28

L pɑɑk, bɔktu ji k be bin nbɑ tie Suifnbɑ nɑn bin nbɑ k tie Suifnbɑ sinsuuk ni, l biɑ k be bin nbɑ tie dɑɑbɑ nɑn yent-n-mɔnŋ dɑnm sinsuuk ni. Bɔktu biɑ k be puob nɑn jɑb sinsuuk ni. Yɑɑ be Yiesu Klistu ni nɑ pɑɑk e te k i kul ɑ tie yenɔ kuɑ.

Efestieb 1:7

Yennu nyinn’t biit dɑɑbs ni u Bilonkɑk mɑnŋ sɔn pɑɑk e, k nyik cɑb t biit u ninkpɑbɑɔnŋ nbɑ yɑb nɑ pɑɑk.

Efestieb 3:16

N mei’ɔ ɑ u dontl nbɑ yɑb bonciɑnn nɑ, ɑ wun nuɑb u yiikuo Foŋɑnm ni k pukn’i pɑnŋ i pɑlɑ ni,

Efestieb 3:3

U din fiit u wuol ni lɑbɑɑl k wɑnn’n nɑn mɑɑ ponŋ diɑn l po wɑɑnm-nnɑ nɑ.

Efestieb 6:22

L pɑɑk e k n tuun’ɔ i buol ni, ɑ wun wɑnn’i tɑɑ be biɑnŋ nbɑ k biɑ cie i pɑlɑ.

Fiiliiptieb 2:1

L i tie k yɑɑ be *Klistu ni biɑnŋ nbɑ nɑ e pukn i pɑnŋ, k l i tie k i lɑ pɑlcienn u lonm ni, k l i tie k i mɔk mɔtɑɑɔk nɑn Foŋɑnm, l i tie k i mɔk bulcint k biɑ mɔk lonm nɑn lieb,

Fiiliiptieb 3:8

K biɑ jen ɑ, n yet ɑ nifosɑɑlk nbɑ kpɑɑn lin nbɑ kul, l kɑɑ nyuɑt, k mɑɑn mɑɑ bɑnn n Yonmdɑɑnɔ Yiesu Klistu k l bɑnnu nyuɑt yɑb k cie bonsiɑl kul, k u pɑɑk k n fok bonsiɑl kul k lu. N yi l kul tɑnpenn pɑɑk muɑt e, ɑ n fit lɑ Klistu nɑ,

Kuoluostieb 1:26

Bɑli mɑnŋ e tie wuol ni mɑɑn nbɑ k Yennu din wuon siɑn-yuo, k nibuolu kul k bɑnn’l, ŋɑɑn k u tɑn fiit wɑnn u niib mɔtɑɑnɑ.

Kuoluostieb 1:27

Yennu din tun nnɑ, k mɑɑn u lol, ɑ wun wɑnn u niib nɑ, bɑnnu nbɑ k l wuol ni mɑɑn nɑ mɔktuk nbɑ yɑb bonciɑnn k tul niib kul ɑ. L wuol ni mɑɑn tie ɑ Klistu be i ni k i mun mɔk dindɑnn nɑn i sɑɑ lɑ Yennu *yudɑnt nɑ.

Kuoluostieb 1:9

Lin nbɑ nɑ pɑɑk, tɑɑ dɑɑn gbɑt i po, t k nyik Yenmiɑlu i pɑɑk. T mei Yennu ɑ wun te k i bɑnn wɑɑ luon biɑnŋ nbɑ. Foŋɑnm yɑn nɑn u subni nbɑ k u tul’i nɑ pɑɑk e, sɑɑ te k i set bɑnn Yennu ninkpɑbɑɔnŋ nɑn bɑlmɔni.

Kuoluostieb 2:19

L dɑnm k gɑɑl nɑn Klistu nbɑ tie yul nɑ kɑɑ. Ŋɑɑn Klistu mun e te k gbɑnɑnt lɑɑt jiet, k tɑɑnt jiinɑ nɑn tuktɑ k l kpɑɑtl nɑn Yennu nbɑ luon biɑnŋ nbɑ nɑ.

Kuoluostieb 3:14

Lin nbɑ mɑntk siɑn tie yii mɔk lonm e. Ŋɑnn e sɑɑ te k yii mɔk mɔtɑɑɔk fɑnu nɑn lieb.

Kuoluostieb 4:3

kii biɑ kii mei’ɔ kii tien’t ɑ wun luot gɑnn k tul’t k tin fit fiit *Klistu wuol ni mɑɑn nbɑ te k n be dɑnsɑlk nɑ.

Kuoluostieb 4:8

N tuun’ɔ i buol ni, ɑ wun yet’i t kul nbɑ be biɑnŋ nbɑ, k i pɑlɑ n cie.

1 Tesɑɑluoniiktieb 1:5

k mɑɑn t lɑbɑmɑnn din k bɑɑl i buol ni nɑn mɔbonɑ kuukuɑ kɑɑ, ŋɑɑn l din bɑɑl nɑn yiikuo nɑn Foŋɑnm, k i din fit bɑnn nɑn l tie mɔni e k bilsuk kɑɑ. I mi tɑɑ din tuu be i penŋ biɑnŋ nbɑ, k luon tin fit sonm’i.

1 Tesɑɑluoniiktieb 3:2

k dɑɑn tun t nɑɑ bik Tiimuote, wun nbɑ k tinm nɑn ŋuɑ tɑɑn tuun k tien Yennu, k muɑntl *Klistu lɑbɑmɑnn ɑ wun cie i yɑdɑ k kuɑn’i pɑlɑ,

1 Tesɑɑluoniiktieb 5:14

T nɑɑ wɑɑs, i kpɑɑn gbɑn-nyɑkdɑnm, kii cien jɑŋmɑɑndɑnm pɑlɑ, kii sonmt tɑli, kii di suklu nɑn suɑ kul ɑ.

1 Tiimuote 3:16

Nn, l tie mɔni e, bɑktnɔunŋ minu nbɑ k yɑdɑ tien tinm nɑ yɑb: Klistu din bɑɑl k tie nisɑɑlk e, k tie bɑlmɔndɑɑnɔ, Foŋɑnm e din wɑnn nnɑ. Mɑlɑkɑɑnbɑ din lɑ’u wɑɑ, k niib din muɑnt u lɑbɑɑl k tul nibuolu kul, k b tien’ɔ yɑdɑ tingbounŋ nɑ ni, k **Yendɔunŋ ni k Yennu tul’ɔ *yudɑnt.

Hebluonbɑ 10:22

L pɑɑk, ŋɑɑnt mɑn k tin cɑt nɑkn Yennu nɑn pɑlɑ nbɑ gbie nɑn bɑlmɔni kuukuɑ nɑn bɑlmɔni yɑdɑ, k dɑɑ mɔk bilsuk, k dɑɑ mɔk *siɑl ɑ dudukbiit t pɑl ni, kii mɔk gbɑnɑnt nbɑ k b din wuul nɑn nyun nbɑ kɑɑ jɑknt nɑ.

Hebluonbɑ 6:11

T luon k i suɑ kul n yɑbl u mɔnŋ pɑɑk nɑn ninmɔnn e nɑn yɑɑ tuu tuun bɑnnu nbɑ mɔkmɔk nɑn l juontu, k yɑɑ mɔk dindɑnn biɑnŋ nbɑ nɑ, l set sɑɑ tien mɔni k tul’i.

2 Piɑl 1:10

L pɑɑk, n nɑɑ wɑɑs, i yɑbl kii be binbenŋ nbɑ k Yennu din yiin’i k biɑ lukt’i ɑ i be lenŋ nɑ. K mɑɑn l i tie k i tuun nnɑ i e, i kɑn mi bɑɑ biit ni.

2 Piɑl 1:3

Yennu yiikuo e tul’t lin nbɑ kul kpɑɑ tɑlɑs ɑ tii mɔk’l kii fit kii be mɑnfuol ni nɑn binbenŋ nbɑ gbuot Yennu nunm nɑ. T lɑ l kul, Yennu nbɑ te k t bɑnn wun nbɑ yiin’t ɑ t mun ii mɔk u dontl nɑn u bulcint nɑ pɑɑk e.

2 Piɑl 3:18

I ŋɑɑn k t Yonmdɑɑnɔ Yiesu Klistu nbɑ tie t Fietuɑ nɑ, ninkpɑbɑɔnŋ ii be i binbenŋ ni kii puki, k yin mun ŋɑɑn k yɑɑ bɑnn’ɔ bɑnnu nbɑ nɑ n pukn. Ŋuɑ e yen dontl mɔtɑɑnɑ nɑn yuo nbɑ kɑɑ gbennu. * Amenn.

1 Sɑn 3:19

Gotl bɑnnu nbɑ k t sɑɑ bɑnn nɑn t wɑɑ bɑlmɔni, nɑn bɑnnu nbɑ k t mɔk pɑlmɑnn Yennu buol.

1 Sɑn 5:7

Tɔn, bonɑ ŋɑntɑ e be k tie *siɑlɑ,