Kuoluostieb 2:19 - Yiesu Lɑbɑmɑnn Muɑl Ni

¹⁹ L dɑnm k gɑɑl nɑn Klistu nbɑ tie yul nɑ kɑɑ. Ŋɑɑn Klistu mun e te k gbɑnɑnt lɑɑt jiet, k tɑɑnt jiinɑ nɑn tuktɑ k l kpɑɑtl nɑn Yennu nbɑ luon biɑnŋ nbɑ nɑ.

Kuoluostieb 2:19 Iomraidhean Croise

Lɑbɑmɑnn nbɑ k Luk diɑn 5:38

Sie k ɑ jii dɑpɑɑnin k liɑk linlenpɑɑnn ni.

Lɑbɑmɑnn nbɑ k Sɑn diɑn 17:21

ɑ b kul n tɑɑn yonm. N Bɑɑ, ŋɑɑnt k bii be t ni, nɑn fɑɑ be n ni k n mun be ɑ ni nɑ, ɑ k tingbounŋ nɑ ŋɑɑtieb n tien yɑdɑ nɑn fin e tun’n.

Tuonɑ 4:32

L yuo nɑ k Yiesuweilɑ mɑnŋ kul ɑ tɑɑn lieb nɑn dudukyent kuukuɑ. B suɑ din k yɑɑ ɑ u yen siɑl u mɔnŋ, ŋɑɑn b din centl b bonɑ k tien b lieb e.

Luonmtieb 11:17

Suifnbɑ nɑ tie nɑn ŋɑɑk ni tiik nbɑ k b yi oliifie nbɑ ŋɑn nɑ e, k b kɔnn tiik nɑ yiinsiɑ. Fin nbɑ k tie Suif nɑ, ɑ tie nɑn muuk ni oliifie yiinu nɑ e k b tukn’ɑ b yiɑl ni ŋɑɑk ni oliifie pɑɑk, k mɔtɑɑnɑ ɑ gɑɑn bonŋɑnn nbɑ nyi ŋɑɑk ni oliifie nɑ jiinɑ nɑ ni e.

1 Kuolent-tieb 1:10

N nɑɑ wɑɑs, n bɑln’mi e, t Yonmdɑɑnɔ Yiesu Klistu sɑnn ni, ɑ yin tɑɑn mɔb, k bɔktu dɑɑ be i sinsuuk ni, k yii tɑɑ mɔyenm kuɑ nɑn dudukyenn kuɑ.

1 Kuolent-tieb 11:3

Ŋɑɑn bon-yenn kuɑ e be k n luon k i gbɑt l pɑɑk. Klistu tie juɑ kul yudɑɑnɔ, k juɑ kul mun tie u puo yudɑɑnɔ, k Yennu mun tie Klistu yudɑɑnɔ.

1 Kuolent-tieb 3:6

Min din bul bonbuoli e k Apuoluos mun mɑɑnt nyun, ŋɑɑn Yennu e te k l piɑ k kpɑɑt.

Efestieb 1:22

Yennu jii bonsiɑl kul ɑ yiikuo k tien Klistu nuu ni e. U jii ŋuɑ e ɑ wuu tie Klistu mɔtɑɑɔk niib kul ɑ Yonmdɑɑnɔ.

Efestieb 1:23

Klistu mɔtɑɑɔk niib tie u gbɑnɑnt e k u be b ni cɑin, wɑɑ gbie Yennu nɑɑmi kul ni nɑ.

Efestieb 2:21

Ŋuɑ e te k ŋɑɑk nɑ wɑki k kpɑɑtl tien Yennu jɑɑnti ŋɑsɑɑkɑk Yonmdɑɑnɔ ni.

Efestieb 4:3

Yɑɑ mɔk mɑnu nɑ pɑɑk, i yɑbl i mɔnŋ k biɑl mɔtɑɑɔk nbɑ k Foŋɑnm tul’i nɑ ni.

Efestieb 5:29

Suɑ k mi yet u mɔnŋ gbɑnɑnt, ŋɑɑn u goli u gbɑnɑnt e fɑnu k dint u mɔnŋ nɑn Klistu nbɑ tuun biɑnŋ nbɑ tien u mɔtɑɑɔk niib nɑ.

Fiiliiptieb 1:27

Ŋɑɑn lin nbɑ yɑɑ kul ni, ŋɑɑnt k i binbenŋ sɔnu ii tie nɑn Klistu lɑbɑmɑnn nbɑ luon lii tie bɑnnu nbɑ nɑ. K mi i lek i fit sɑɑn lɑ’i ɑmi mi i kii fit lɑ’i ni, ŋɑɑn n sɑɑ gbɑt ɑ i sie fɑnu nɑn dudukyent kuɑ, k tɑɑn mɔtɑɑɔk k yɑbi i mɔnŋ k yɑdɑ nbɑ nyi lɑbɑmɑnn nɑ ni n sɑɑn tuɑnn.

Kuoluostieb 1:10

Nnɑ e k i sɑɑ fit kii be binbenŋ nbɑ k Yonmdɑɑnɔ luon. Ii tuun mɑn yuo kul lin nbɑ ŋɑn u po, kii tuun tuonŋɑnɑ buolu buolu kul. I i tuun nnɑ i tɑn sɑɑ ŋɑnm bɑnn Yennu fɑnu wɑɑ.

Kuoluostieb 1:18

Ŋuɑ e tie gbɑnɑnt nɑ yul. U mɔtɑɑɔk niib e tie l gbɑnɑnt. Ŋuɑ e din piin bonn kul. Ŋuɑ e din sint fiil kuun ni, ɑ k bonn kul ni wuu tie sinsinn yuɑ.

Kuoluostieb 2:2

N yɑɑ i pɑlɑ n cie e, k yin lɑkn tɑɑn lieb nɑn lonm, kii mɔk dindɑnn kul nbɑ bɑɑt nɑn bɑlmɔni minu. Nnɑ e kii sii mi Yennu wuol ni lɑbɑɑl nbɑ tie *Klistu tiɑɔnŋ nɑ.

1 Tesɑɑluoniiktieb 3:12

Yonmdɑɑnɔ n te k yɑɑ luon i lieb nɑn suɑ kul biɑnŋ nbɑ n yɑbt bonciɑnn nɑn tɑɑ mun luon’i biɑnŋ nbɑ nɑ.

1 Tesɑɑluoniiktieb 4:10

K i ponŋ set tuun l biɑnŋ e nɑ, k luon t nɑɑ wɑɑs kul nbɑ be Mɑɑseduɑnn tinŋ ni nɑ. Ŋɑɑn, t nɑɑ wɑɑs, t ŋɑnm k bɑln’mi e ɑ i ŋɑnm kot.

2 Tesɑɑluoniiktieb 1:3

T nɑɑ wɑɑs, l kpɑɑ tɑlɑs e nɑn tii tien Yennu niipuouk yuo kul i pɑɑk. T i tuun nnɑ, l ŋɑn, k mɑɑn i yɑdɑ mɑntk puki bonciɑnn, k yɑɑ mɔk lonm nbɑ k tien i lieb nɑ puki.

1 Piɑl 3:8

Lin nbɑ biɑl nɑ tie nnɑ e: i kul ii mɔk mɑn dudukyenn, k i bɑkɑ ii be i lieb ni, kii mɔk lonm nɑn i nɑɑ wɑɑs *Klistu ni, kii tiin i lieb ninbɑɑɔk, kii siknt i mɔnŋ.

2 Piɑl 3:18

I ŋɑɑn k t Yonmdɑɑnɔ Yiesu Klistu nbɑ tie t Fietuɑ nɑ, ninkpɑbɑɔnŋ ii be i binbenŋ ni kii puki, k yin mun ŋɑɑn k yɑɑ bɑnn’ɔ bɑnnu nbɑ nɑ n pukn. Ŋuɑ e yen dontl mɔtɑɑnɑ nɑn yuo nbɑ kɑɑ gbennu. * Amenn.