Kuoluostieb 2:15 - Yiesu Lɑbɑmɑnn Muɑl Ni

¹⁵ Klistu din nyɑnn nɑlnbiit sɑɑkɑb nɑn nɑlnbiit bɑtnbɑ nbɑ mɔk yiikuo nɑn pɑnŋ nɑ. U din nyinn b kul pɑɑnu ni k te k b sonm ɑ niib n lɑ’b wɑɑ nyɑnn nyɑnnu dɑpunpunn pɑɑk nɑ pɑɑk.

Kuoluostieb 2:15 Iomraidhean Croise

Mɑɑtieo 12:29

«Suɑ kɑn fit kuɑ jɑwɑktl ŋɑɑk ni k bɑkl u bonɑ k nyi nɑn’n, l i kii tie k u dɔnŋ k lol’ɔ ŋmii kɑɑ wɑɑ, ŋɑɑn fit k kuɑ k bɑkl u bonɑ mɑnŋ.

Lɑbɑmɑnn nbɑ k Luk diɑn 10:18

K Yiesu yet’b ɑ: «N lɑ k *Sɑɑtɑn nyii sɑnpɑɑpo k tɑn bɑɑ nɑn sɑnyiknti nɑ.

Lɑbɑmɑnn nbɑ k Luk diɑn 11:22

ŋɑɑn u pɑɑlɔ mun i tɑnŋ i pikn’ɔ k pɑɑk’ɔ, u sɑɑ fɑt u jɑtiɑt nbɑ k u dɑɑn l pɑɑk nɑ e, k biɑ jii u mɔktuk k tol niib.

Lɑbɑmɑnn nbɑ k Sɑn diɑn 16:11

U sɑɑ wɑnn’b ɑ b kpɑnn b mɔnŋ e k jiin Yennu bɑlbunu po, k mɑɑn u ponŋ bu tingbounŋ nɑ yudɑɑnɔ buut k biil’ɔ wɑɑ.

Lɑbɑmɑnn nbɑ k Sɑn diɑn 19:30

k u fuɑnt k nɑk, k yet ɑ: «L gbenn ɑ,» ŋɑɑn tibn k jii u siek k tul Yennu ŋɑɑn kpo.

1 Kuolent-tieb 15:24

L puolpo k l juontu tɑn sɑɑ bɑɑl, k u tɑn sɑɑ nyɑnn nɑɑndinu kul, nɑn yent nɑn yiikuo kul, ŋɑɑn jii nɑɑn nɑ k tul u Bɑɑ Yennu.

2 Kuolent-tieb 2:14

Ŋɑɑn Yennu yen niipuouk, k mɑɑn t tie Klistu dɑɑbɑ k wɑɑ u puolpo yuo kul, k u lin k wɑnt nɑn nyɑnnu tie u yɑl e. Yennu jii’t ɑ tin fiit Klistu k wɑnn suɑ kul mun, k u lɑbɑmɑnn tie nɑn tulɑɑli nbɑ nubl mɑn l kul po biɑnŋ nbɑ nɑ e.

2 Kuolent-tieb 4:4

k te k b k tien *Klistu yɑdɑ, k yennu nbɑ tie yenbiiuk tingbounŋ nɑ ni nɑ, te k b subni nɑ k lɑɑt. Ŋɑnn e te k b k lɑɑt yentu nbɑ nyi Yiesu lɑbɑmɑnn nɑ ni nɑ. L yentu tie Klistu *yudɑnt yentu e, ŋuɑ nbɑ tie Yennu nɑɑɔnŋ nɑ.

Efestieb 3:10

ɑ k Klistu mɔtɑɑɔk niib pɑɑk bonɑ nbɑ kul mɔk yiikuo k be sɑnpɑɑpo n tɑn bɑnn u yɑnciɑɔnŋ nbɑ tie bɑnnu nbɑ.

Efestieb 4:8

nɑn lɑɑ ponŋ diɑn Yennu lolkpel kɑdɑɑɔk ni biɑnŋ nbɑ k yet ɑ: «Wɑɑ din duo sɑnpɑɑpo yuo nbɑ k u suol dɑnsɑli k duo nɑn’m, k tul nifosɑɑli piini.»

Efestieb 6:12

K mɑɑn t k kɔn nɑn wun nbɑ mɔk gbɑnɑnt nɑn sɔn kɑɑ, ŋɑɑn t kɔn nɑn nɑlnbiit e nɑn b yiikuo dɑnm, nɑn mɔtɑɑnɑ *dulnyɑ bunbɔnn ni yudɑnm, nɑn sɑnpɑɑpo nɑlnbiit.

Kuoluostieb 1:16

Ŋuɑ e mɔk yiikuo lin nbɑ kul k Yennu nɑn nɑ pɑɑk, lin nbɑ kul k u nɑn tinŋ nɑ pɑɑk, nɑn lin nbɑ kul k u nɑn sɑnpɑɑpo, lin nbɑ kul k t sɑɑ fit lɑ, nɑn lin nbɑ kul k t kɑn fit lɑ, nɑlnbiit yiikuonbɑ nbɑ be sɑnpɑɑpo, nɑlnbiit kpɑnbɑlɑ, nɑlnbiit bɑtnbɑ, nɑlnbiit kpɑɑkɑ, niib nbɑ mɔk nɑlnbiit pɑnŋ. Yennu din te k Klistu nɑn bont kul k bont kul tie u yɑl.

Kuoluostieb 2:10

k i mun gɑɑl u binbenŋ kul. Ŋuɑ e mɔk yiikuo nɑlnbiit kul nbɑ be, k mɔk yiikuo nɑn pɑnŋ, nɑ pɑɑk.

Hebluonbɑ 2:14

Tɔn, wɑɑs mɑnŋ nbɑ tie nisɑɑli nɑ pɑɑk, Yiesu mun din tie nisɑɑlk e nɑn ŋɑnm nɑ, ɑ u kuun ni wun tɑn biil *Sɑɑtɑn nbɑ diɑ kuun yiikuo nɑ,

Fiitu 12:9

K b jii timunt nɑ k lu’u nɑn-yel po. U ponŋ tuu tie wɑɑɔk nbɑ tuu be e wɑɑ, k u sɑnn yi Sɑnbiiltuɑ ɑmi *Sɑɑtɑn, k tuu kpɑnn tingbounŋ nɑ tieb kul nɑ. K b nyinn ŋuɑ nɑn u mɑlɑkɑɑnbɑ k lu’b tingbounŋ nɑ ni.

Fiitu 20:10

K b jii Sɑɑtɑn nbɑ kpɑnn tingbounŋ nɑ niib nɑ, k lu’u buotsunsunŋ nbɑ gbie nɑn muu k sɑlwuutɑ di nɑn’n nɑ ni, siɑn nbɑ k b dɔnŋ lu bonkobuk nɑ nɑn u fɑɑk sɔkni nɑ. Lenŋ e k l sɑɑ muks’b yennu ni nɑn nyiɑɔk mɔkmɔk nɑn yuo nbɑ kɑɑ gbennu.