Kuoluostieb 2:13 - Yiesu Lɑbɑmɑnn Muɑl Ni

¹³ I din tie kpienm e siɑn-yuo, i biit nɑn yɑɑ din k mɔk *punpotu k k tie Yennu niib nɑ pɑɑk. Ŋɑɑn mɔtɑɑnɑ Yennu nyik cɑb t biit e, k i ji mɔk mɑnfuol Klistu ni.

Kuoluostieb 2:13 Iomraidhean Croise

Lɑbɑmɑnn nbɑ k Luk diɑn 15:24

N tuu miɑ n bijɑ nɑ kpo e, ŋɑɑn k u be, k biɑ miɑ u bot e, ŋɑɑn k u tɑn jen ɑ.› Ŋɑnn e k b ji piin b jɑɑnm dinu nɑn pɑlpienn.

Lɑbɑmɑnn nbɑ k Luk diɑn 15:32

L ponŋ ŋɑn nɑn tin tien jɑɑnm kii mɔk pɑlpienn, k mɑɑn, ɑ wɑɑlɔ dɑɑn kpo wɑɑ ŋɑɑn jen u mɑnfuol ni; u biɑ dɑɑn bot ɑ ŋɑɑn k n tɑn lɑ’u.› »

Lɑbɑmɑnn nbɑ k Luk diɑn 9:60

K Yiesu jiin yet’ɔ ɑ: «Ŋɑɑnt k kpienm i pii b kpienlieb. Fin, i sɑɑ wɑɑ, kii sɑi muɑntl niib Yennu nɑɑn po.»

Lɑbɑmɑnn nbɑ k Sɑn diɑn 5:21

Bɑɑ mɑnŋ nbɑ fiint kpienm k tien’m mɑnfuol nɑ, nnɑ e mun, k u Bijɑ nɑ mun sɑɑ tul bin nbɑ k u lukt’b nɑ mɑnfuol.

Lɑbɑmɑnn nbɑ k Sɑn diɑn 6:63

Foŋɑnm e tien niib mɑnfuol. Gbɑnɑnt nɑ tie yɑnn e. Mɑɑn nbɑ k n pɑk’i nɑ e tie Foŋɑnm nɑn mɑnfuol.

Luonmtieb 4:17

nɑn lɑɑ diɑn Yennu lolkpel kɑdɑɑɔk ni k u yet Ablɑɑhɑɑnm ɑ: «N tien’ɑ nibuolu bonciɑnn bɑɑ e.» L pɑɑk, Ablɑɑhɑɑnm tie t bɑɑ e Yennu buol, wun nbɑ k Ablɑɑhɑɑnm tien’ɔ yɑdɑ nɑ. Ŋuɑ e te k kpienm lɑɑt mɑnfuol, k biɑ piɑk lin nbɑ dɑɑ k be po nɑn l set be.

Luonmtieb 6:13

Dɑɑ cɑbt biit k l mɔk i gbɑnɑnt yɑɑk k tuun nɑn’n bonbiil, ŋɑɑn jiin i mɔnŋ k tul Yennu, ŋɑɑn kii tie nɑn i nyii kuun ni e k kuɑ mɑnfuol ni nɑ. Jiin i gbɑnɑnt kul k tul Yennu ɑ lii tuun lin nbɑ tuok.

Luonmtieb 8:11

L i tie k Yennu Siek nbɑ fiin Yiesu kuun ni nɑ be i ni, ŋuɑ nbɑ fiin Yiesu Klistu kuun ni nɑ sɑɑ tul i gbɑnɑnt nbɑ tɑn sɑɑ kpo wɑɑ nɑ mɑnfuol, Siek nbɑ be i ni nɑ pɑɑk.

1 Kuolent-tieb 15:36

Jɑtuk nɑ, lin nbɑ k ɑ bul, l kɑn fit piɑ l yuo, sie k l kpo dɑɑnn k tɑn ji fit piɑ.

1 Kuolent-tieb 15:45

Setk nɑn mɔni, l diɑn Yennu lolkpel kɑdɑɑɔk ni ɑ: «Sinsinn nilɔ Adɑn nɑ din kpɑnt nilɔ nbɑ fo,» ŋɑɑn Adɑn nbɑ juont k bɑɑl nɑ tie Foŋɑnm nbɑ tien’t mɑnfuol e.

2 Kuolent-tieb 3:6

K mɑɑn ŋuɑ e te k t tie tuontunnɑ nbɑ fit muɑntl lolpɑɑnn nɑ, k lolpɑɑnn mɑnŋ k nyii *senni nbɑ diɑn kɑdɑɑɔk ni nɑ kɑɑ, ŋɑɑn l tie Foŋɑnm yɑl e. Senni nbɑ diɑn kɑdɑɑɔk ni bɑɑt nɑn kuun e, ŋɑɑn Foŋɑnm tien mɑnfuol e.

2 Kuolent-tieb 5:19

K mɑɑn Klistu ni e k Yennu tun k ŋɑnm ŋuɑ nɑn tingbounŋ niib sinsuuk ni, k k goli b biit, k yɑɑ tin muɑnt lin nbɑ k u tun k ŋɑnm ŋuɑ nɑn niib sinsuuk ni nɑ.

Efestieb 2:1

Yuo nbɑ din gɑl nɑ, i din tie kpienm e, i mɔyetuk nɑn biit pɑɑk.

Efestieb 2:11

Ŋɑnn tiɑtl mɑn i binbenkpelk po, yinm nbɑ k tie *Suifnbɑ i mɑɑlu ni nɑ, Suifnbɑ yi yinm e punjuot, ŋɑɑn yi b mɔnŋ sɑnkpɑnnɑ. B piɑk nyinn nbɑ k jɑb tien b gbɑnɑnt ni nɑ po e.

Efestieb 5:14

K mɑɑn lin nbɑ kul fiit nyii pɑɑnu, l ji tuu tie yin-yienm e. L pɑɑk e k b yet ɑ: «Fin nbɑ guɑnt, fɑn fiil guɑn ni, fɑn fiil kuun ni, k Klistu sɑɑ tul’ɑ u yentu.»

Kuoluostieb 2:12

k mɑɑn i Yennu nyunwulu ni nɑ, b din pii’i nɑn Klistu e, k i biɑ fiil kuun ni nɑn’ɔ. Lin nbɑ nɑ kul din tien k mɑɑn i din tien yɑdɑ Yennu pɑnŋ nbɑ din fiin’ɔ kuun ni nɑ ni e.

1 Tiimuote 5:6

Ŋɑɑn pɑkuɑk nbɑ tuun gbɑnɑnt lonm, u ponŋ kpo e wɑɑ ŋɑɑn dɑɑ be mɑnŋ.

1 Tiimuote 6:13

Mɑɑ be Yennu nbɑ tien bonsiɑl kul mɑnfuol nɑ tuɑnn, k be Yiesu Klistu nbɑ din nyinn u mɔnŋ yɑdɑ siɑlŋɑnn, Pɔns *Piilɑɑt nunm ni nɑ tuɑnn, n kpɑɑn’ɑ

Hebluonbɑ 6:1

L pɑɑk, ŋɑɑnt mɑn k tin tumi lin nbɑ tie sɑɑkɑb yɑl *Klistu ni k sɑɑn tuɑnn po. Ŋɑɑn t ji dɑɑ goli sinsinn tumiu nɑ kɑɑ. T ji k ŋɑnm fɔkn fiɑkl nbɑ sɑɑ te k nilɔ n nyik tuonɑ nbɑ sɑɑ biil’ɔ nɑ kɑɑ, kuo wɑɑ sɑɑ tien Yennu yɑdɑ bɑnnu nbɑ nɑ kɑɑ.

Hebluonbɑ 9:14

L tie k l tie mɔni i e, Klistu sɔn biɑ sii mɔk yiikuo k gɑl bonkobt sɔn nɑ. Bɑlmɔni, Foŋɑnm pɑnŋ ni, Klistu din yit u mɔnŋ sɑlk k tul Yennu, k l tie mɑlunŋ nbɑ ŋɑn. Nnɑ e k u sɑɑ wuul t pɑl nbɑ gbie nɑn tuonbiit nbɑ sɑɑ nɑn’t kuun ni nɑ. Ŋɑnn e sɑɑ te k tin fit k tun Yennu nbɑ fo nɑ tuonɑ.

Sɑɑk 2:17

Yɑdɑ kuukuɑ i be, ŋɑɑn tuonŋɑnɑ kɑɑ, yɑdɑ mɑnŋ tie yɑdɑkpieonŋ o.

Sɑɑk 2:20

Fin jɑtuk nɑ. A luon k n wɑnn’ɑ bɑnnu nbɑ k ɑ sɑɑ bɑnn nɑn yɑdɑ nbɑ k mɔk tuonɑ nɑ tie yɑnn ee?

Sɑɑk 2:26

L pɑɑk, gbɑnɑnt nbɑ kɑɑ siek nɑ, tie gbɑnɑnkpieonŋ o, k yɑdɑ i mun i be k tuonŋɑnɑ kɑɑ, l mun tie yɑdɑkpieonŋ o.

1 Sɑn 2:12

N wɑɑs, n dɑ tien’i k mɑɑn Yennu nyik cɑb i biit Yiesu sɑnn pɑɑk ɑ.