Kuoluostieb 2:11 - Yiesu Lɑbɑmɑnn Muɑl Ni

¹¹ Yɑɑ be u ni nɑ pɑɑk, k b pot’i, ŋɑɑn l k tie nisɑɑlk nuu kɑɑ pot’i. Klistu e pot’i, ɑ wun nyinn nisɑɑli dudukt nbɑ be i ni, k niɑn biit tumu nɑ.

Kuoluostieb 2:11 Iomraidhean Croise

Mɑɑlk 14:58

«T gbɑt k u yet ɑ u sɑɑ bet Yennu jɑɑnti ŋɑsɑɑkɑk nbɑ k niib din mɑɑ nɑn b nii nɑ, ŋɑɑn l dɑɑ ŋɑntɑ sinsuuk ni k u sɑɑ jii k mɑɑ’l, k l tɑn kii tie nilɔ nii kɑɑ mɑɑ’l.»

Lɑbɑmɑnn nbɑ k Luk diɑn 2:21

Yiesu mɑɑlu dɑɑ ŋɑnniin dɑɑl e, yuo nbɑ k b sɑɑ pot u punn nɑ, k b pul u sɑnn Yiesu, sɑnn nbɑ k mɑlɑkɑ din pul k suɑ u nɑɑ din dɑɑ k suol u puol nɑ.

Tuonɑ 17:24

Yennu mɑnŋ, ŋuɑ e din nɑn *dulnyɑ nɑn bont kul nbɑ be l ni. Ŋuɑ e tie sɑnpɑɑk nɑn tinŋ Yonmdɑɑnɔ, k k tie dɑɑnɔ nbɑ be puociɑnfei nbɑ k niib mɑɑ ni kɑɑ.

Tuonɑ 7:48

«Ŋɑɑn t mi nɑn Yɑbnt Yennu k kɑɑl ŋei nbɑ k niib mɑɑ ni kɑɑ. L tie nɑn Yennu sɔkni nbɑ din yet ɑ:

Luonmtieb 2:29

Bɑlmɔni Suif tie wun nbɑ tie Suif u pɑl ni e. Punpotu nɑn mɔni mun be pɑl ni e, k l punpotu tie Foŋɑnm tuonn e k k tie senni nbɑ diɑn senni kɑdɑɑɔk ni nɑ pɑɑk kɑɑ. L dɑɑnɔ pɑku k nyii nisɑɑli buol kɑɑ, l nyii Yennu buol e.

Luonmtieb 6:6

T mi nɑn t binbenkpelk nɑ lɑkn k kpo nɑn Yiesu u dɑpunpunn pɑɑk, ɑ t biit binbenŋ nɑ ji dɑɑ mɔk yiikuo, k t ji kii be biit dɑbs ni,

Luonmtieb 7:24

Abɑ, n tie yɑnbɔndɑɑnɔ e. Ŋmee sɑɑ fɑt’n k nyinn’n gbɑnɑnt nbɑ sɑɑ nɑn’n kuun ni nɑ?

2 Kuolent-tieb 5:1

K mɑɑn t mi nɑn lɑnbounŋ nbɑ k t be nɑ ni (l wɑnt nɑn t tinŋ nnɑ gbɑnɑnt) i biil, ŋɑɑn Yennu lon ŋei k guun’t sɑnpɑɑpo wɑɑ, k l k tie nifosɑɑlk kɑɑ mɑɑ ŋei mɑnŋ, k l biɑ tɑn sii be nɑn yuo nbɑ kɑɑ gbennu.

2 Kuolent-tieb 5:17

L pɑɑk, nilɔ nbɑ be Klistu ni, l dɑɑnɔ ji tie nipɑɑmɔ e. Bonkpel kul ji bot e, k bonpɑɑnn ji be u ni.

Gɑɑlɑɑt-tieb 2:20

L pɑɑk, mɑnfuol nbɑ k n mɔk n gbɑnɑnt ni mɔtɑɑnɑ, n mɔk l mɑnfuol mɑɑ tien Yennu Bijɑ yɑdɑ nɑ e. Ŋuɑ din luon’n k din cɑb u mɑnfuol n pɑɑk.

Gɑɑlɑɑt-tieb 5:24

Bin nbɑ tie Klistuyɑb kpɑɑ b nisɑɑlk lonm nɑn l lonbiit kul ɑ dɑpunpunn pɑɑk ɑ.

Efestieb 4:22

L pɑɑk, yɑbt i mɔnŋ mɑn k nyik i binbenkpelk nbɑ din te k i tuun lin nbɑ k i din tuu tuun nɑ. Binbenkpelk mɑnŋ nɑn niɑnbiiuk din te k i tɔkn sɔnu nbɑ sɑɑ biil’i.

Fiiliiptieb 3:3

Tinm e mɔk mɔmɔnm *punpotu, k mɑɑn Foŋɑnm ni e k t jiɑntl Yennu k mɔk yugontl tɑɑ be *Klistu ni nɑ, k k tien lin nbɑ k b tien nilɔ gbɑnɑnt ni nɑ yɑdɑ.

Kuoluostieb 3:5

L pɑɑk, yin kpi lin nbɑ tie tingbounŋ nɑ binbenŋ i ni, lin nbɑ tie boncunconsn nɑn jɑknt tuonɑ nɑn niɑnciɑɔnŋ nɑn dudukbiit nɑn niijeu (k mɑɑn niijeu tie pɑtmɑnnu buolu yenn).

Hebluonbɑ 9:11

Ŋɑɑn *Klistu bɑɑl k tie bonŋɑnɑ nbɑ ponŋ be nɑ *mɑnntɔyudɑɑnɔ e. U din kuɑ lɑnbounŋ nbɑ tie lɑnbonjɑɑnn k biɑ sie fɑnu, k biɑ ŋɑn nɑ ni, k l k tie lin nbɑ k nisɑɑlk tien k biɑ k tie tingbounŋ nɑ ni yɑl.

Hebluonbɑ 9:24

Klistu din k kuɑ jɑɑnti buol nbɑ k nisɑɑlk ŋɑnm, k l tie Yendɔunŋ ni bont nbɑ tie l bɑlmɔni nɑ ninnɑɔnŋ nɑ ni kɑɑ. Ŋɑɑn u din sɑɑn kuɑ Yendɔunŋ mɔnŋ mɔnŋ ni e, siɑn nbɑ k u be Yennu tuɑnn t pɑɑk nɑ.