Kuoluostieb 1:9 - Yiesu Lɑbɑmɑnn Muɑl Ni

⁹ Lin nbɑ nɑ pɑɑk, tɑɑ dɑɑn gbɑt i po, t k nyik Yenmiɑlu i pɑɑk. T mei Yennu ɑ wun te k i bɑnn wɑɑ luon biɑnŋ nbɑ. Foŋɑnm yɑn nɑn u subni nbɑ k u tul’i nɑ pɑɑk e, sɑɑ te k i set bɑnn Yennu ninkpɑbɑɔnŋ nɑn bɑlmɔni.

Kuoluostieb 1:9 Iomraidhean Croise

Lɑbɑmɑnn nbɑ k Sɑn diɑn 7:17

Wun nbɑ luon wun tun Yennu yɑnbuɑtuonɑ, ŋuɑ e sɑɑ bɑnn nɑn lin nbɑ k n piɑk k wɑnt nɑ nyii Yennu buol ɑmi n buol e.

Tuonɑ 12:5

K Piɑl dɑɑ be dɑnsɑlk ni, ŋɑɑn k Yiesuweilɑ pɑɑ Yenmiɑlu pɑɑk u po nɑn ninmɔnn.

Luonmtieb 12:2

I dɑɑ te k i binbenŋ tie nɑn tingbounŋ nɑ niib binbenŋ nɑ, ŋɑɑn ŋɑɑnt k Yennu n lebt i dudukt nɑn bɑlmɔni, kii ŋɑnm i binbenŋ fɑnu. Ŋɑnn e k i sɑɑ bɑnn Yennu yɑnbuɑt nbɑ tie bɑnnu nbɑ, k ŋɑnn e tie lin nbɑ ŋɑn, lin nbɑ gbuot u nunm nɑn lin nbɑ tie dede.

1 Kuolent-tieb 1:5

Yɑɑ tɑɑn nɑn Klistu nɑ pɑɑk, i lɑ piini kul mɑntk mɑɑn nɑn minu piini.

Efestieb 1:8

Ŋuɑ Yennu e tul’t yɑnŋɑnm nɑn bɑnnu bonciɑnn ɑ t fit gɑɑl ninbɑtinu mɑnŋ.

Efestieb 5:10

I yɑbl i mɔnŋ k tumi lin nbɑ sɑɑ penn Yonmdɑɑnɔ pɑl ni,

Efestieb 5:17

L pɑɑk, i dɑɑ tie jɑtt kɑɑ, ŋɑɑn kii tuun bɑnnu nbɑ k Yonmdɑɑnɔ luon.

Efestieb 6:6

I dɑɑ tuun lin nbɑ nɑ yuo nbɑ k b goli’i ɑ bin pɑk’i kuukuɑ kɑɑ, ŋɑɑn i jii i mɔnŋ tien Klistu dɑɑbɑ kii tuun lin nbɑ tie Yennu lonm nɑn i pɑlɑ kul ɑ.

Fiiliiptieb 1:4

Yuo kul ɑ, mi i mei Yennu tien’i, n tuu mei nɑn pɑlpienn e,

Kuoluostieb 1:6

L lɑbɑmɑnn luon luɑnɑ k yɑbtl tingbounŋ nɑ ni. L yɑbtl nnɑ e lɑɑ jii yuo nbɑ k l din bɑɑl i buol ni nɑ k tɑn tuu mɔtɑɑnɑ. Lɑɑ nyii dɑsinsinn nbɑ k i din gbɑt k b piɑk Yennu ninkpɑbɑɔnŋ po, k i ŋɑnm gbɑt l pɑɑk fɑnu nɑ.

Kuoluostieb 3:16

I ŋɑɑn k Klistu mɑɑn nɑn l mɔktuk kul ii be i pɑlɑ ni, k yii wɑnt i lieb, kii biɑ kii kpɑɑn i lieb nɑn i yɑn kul. I jii *yɑni nbɑ tie Yennu mɑɑn ni *yɑni, yɑni nbɑ piɑk Klistu po, nɑn yɑni nbɑ k Foŋɑnm tien’i ɑ yin tumi i mɔnŋ k biɑ kpɑɑn lieb nɑ. Ii yiin l yɑni kii tien Yennu nipuouk nɑn i pɑlɑ kul ɑ.

Kuoluostieb 4:12

Epɑɑflɑɑs, wun nbɑ mun biɑ tie i duo ni nilɔ k biɑ tie Yiesu Klistu tuontunnɔ nɑ, fuont’i. U mei Yennu nɑn ninmɔnn yuo kul k tien’i, ɑ Yennu n te k yin set kenken, kii tie nisubltieb nbɑ tuun Yennu lonm nɑ.

Kuoluostieb 4:5

Ii mi mɑn i binbenŋ nbɑ tie biɑnŋ nbɑ k tul bin nbɑ k tie Klistu niib nɑ, k jii i yuo kii tuun fɑnu yuo kul nbɑ k Yennu luot sɔnu k tul’i.

1 Tesɑɑluoniiktieb 1:3

T Bɑɑ Yennu tuɑnn po, t tiɑn biɑnŋ nbɑ k i tien yɑdɑ k tuun tuonɑ, nɑn i lonm nbɑ te k i tuun lin nbɑ nɑn biɑnŋ nbɑ k i dindɑnn cie nɑn t Yonmdɑɑnɔ Yiesu *Klistu.

1 Tesɑɑluoniiktieb 5:17

kii mei Yennu yuo kul mɑn,

2 Tesɑɑluoniiktieb 1:11

L pɑɑk e k t mei Yennu yuo kul k tien’i. T mei’ɔ, ɑ wun te k yin jɑnŋ nɑn binbenŋ nbɑ k u yiin’i, ɑ i be lenŋ nɑ ni e. T mei’ɔ, ɑ wun jii u yiikuo k te k yii tuun tuonŋɑnɑ kul nbɑ k i luon, ɑ yii tuun nɑ, k gbenn tuonɑ kul nbɑ k i tuun i yɑdɑ pɑɑk nɑ.

Fiilemɔn 1:4

N nɑɑ bik, yuo kul, n Yenmiɑlu kul ni n tiɑn ɑ po k tien Yennu niipuouk,

Fiilemɔn 1:6

N mei Yennu ɑ tinm nɑn fin nbɑ tɑɑn k tien Klistu yɑdɑ nɑ pɑɑk sɑɑ te k tin bɑnn fɑnu piisn nbɑ k t mɔk tɑɑ tɑɑ Klistu po nɑ pɑɑk.

Hebluonbɑ 10:36

L ŋɑn k yii mɔk suklu, k fit tun Yennu nbɑ luon lin nbɑ nɑ, k lɑ wɑɑ din senn mɔsonn ɑ u sɑɑ tul’t lin nbɑ nɑ.

Hebluonbɑ 13:21

Yennu nbɑ tien’t mɑnu nɑ n te k i fit kii tuun tuonŋɑnɑ kul, k fit tun lin nbɑ k u luon. K Yiesu Klistu pɑɑk, wun tun t ni lin nbɑ pent u pɑl. Ŋuɑ Yiesu e mɔk *yudɑnt nɑn yuo nbɑ kɑɑ gbennu. * Amenn.

Sɑɑk 1:5

L i tie k i suɑ pɔt yɑn, wun miɑl Yennu, wun nbɑ pi suɑ kul piini nɑn bulcint, k k dint suɑ fei nɑ, k u sɑɑ tul’ɔ wɑɑ.

Sɑɑk 3:17

Ŋɑɑn yɑn nbɑ nyi sɑnpɑɑpo, l k mɔk biit. Wun nbɑ mɔk yɑn mɑnŋ, u mɔk pɑlmɑɑsl k be suon nnɑ, k gbiɑ u lieb mɑɑn pɑɑk. U mɔk ninbɑtinu bonciɑnn, k biɑ tuun tuonŋɑnɑ bonciɑnn. U k mɔk luktn, k biɑ k mɔk niilɑbndinu.

1 Piɑl 2:15

K mɑɑn lin nbɑ k Yennu luon tie, ɑ i tuonŋɑnɑ n guɑl jɑtt mɑɑn nbɑ k mɔk nyuɑt nɑ e.

1 Piɑl 4:2

L pɑɑk, lɑɑ jii mɔtɑɑnɑ k ji sɑɑ, l ŋɑn k i jii yuo nbɑ tenn tingbounŋ ni kii tuun Yennu nbɑ luon lin nbɑ, ŋɑɑn nyik nisɑɑlk lonbiit.

1 Sɑn 2:17

Tingbounŋ nɑ nɑn l lonbiit gbent e, ŋɑɑn wun nbɑ tuun lin nbɑ k Yennu luon nɑ sii tun fo e.

1 Sɑn 5:20

T mi nɑn Yennu Bijɑ din bɑɑl tingbounŋ nɑ ni, k tɑn tul’t yɑn, ɑ tii bɑnt bɑlmɔni Yennu. T be u ni u Bijɑ Yiesu Klistu nɑ pɑɑk e, k ŋuɑ e tie bɑlmɔni Yennu k biɑ tie mɑnfuol nbɑ kɑɑ gbennu.