Kuoluostieb 1:6 - Yiesu Lɑbɑmɑnn Muɑl Ni

⁶ L lɑbɑmɑnn luon luɑnɑ k yɑbtl tingbounŋ nɑ ni. L yɑbtl nnɑ e lɑɑ jii yuo nbɑ k l din bɑɑl i buol ni nɑ k tɑn tuu mɔtɑɑnɑ. Lɑɑ nyii dɑsinsinn nbɑ k i din gbɑt k b piɑk Yennu ninkpɑbɑɔnŋ po, k i ŋɑnm gbɑt l pɑɑk fɑnu nɑ.

Kuoluostieb 1:6 Iomraidhean Croise

Mɑɑtieo 24:14

K b tɑn sɑɑ muɑnt Yennu nɑɑn lɑbɑmɑnn muɑnti nɑ tingbounŋ nɑ kul po, ɑ lin tien *siɑlɑ k tul niib kul, k dulnyɑ gbennu n yen fit bɑɑl.»

Mɑɑtieo 28:19

L pɑɑk, ii sɑɑ mɑn tingbounŋ nɑ ni, nibuolu kul ɑ buol ni, k sɑɑ tien’m n puolpoweitieb, k wul’b Yennu nyunwulu, Bɑɑ, nɑn Bijɑ, nɑn Foŋɑnm sɑnn ni,

Mɑɑlk 16:15

K u biɑ yet’b ɑ: «Ii sɑɑ kii muɑntl lɑbɑmɑnn nɑ k tul suɑ kul tingbounŋ nɑ kul sɑɑk ɑ po.

Mɑɑlk 4:8

Ŋɑɑn k liel mun din bɑɑ tinŋɑnŋ ni k piɑ, k kpɑɑt fɑnu, k nɑn nɑɑnŋɑɔnŋ, k yenn-nbɑ nɑn dibin piintɑtɑ, k lielnbɑ mun nɑn piinluobluob, k siɑb mun nɑn kobk kobk.»

Lɑbɑmɑnn nbɑ k Sɑn diɑn 15:16

Yinm kɑɑ gɑnn’n, ŋɑɑn min e gɑnn’i, k tul’i tuonɑ mɑɑ ii sɑɑ kii luon luɑnɑ bonciɑnn, luɑnɑ nbɑ sii be mɔkmɔk nɑn mɔkmɔk, ɑ n Bɑɑ Yennu n tul’i lin nbɑ k i miɑl’ɔ n sɑnn ni.

Lɑbɑmɑnn nbɑ k Sɑn diɑn 17:19

K b pɑɑk e k n jikt n mɔnŋ k tien’ɑ nɑ, ɑ bin ji fit tien ɑ tiɑɔnŋ yɑb nɑn bɑlmɔni.

Lɑbɑmɑnn nbɑ k Sɑn diɑn 4:23

Ŋɑɑn yuo bɑɑt, k l ponŋ set bɑɑl nɑ, k bin nbɑ jiɑntl Bɑɑ Yennu nɑn bɑlmɔni nɑ sii jiɑntl’ɔ b pɑlɑ ni nɑn mɔni, k mɑɑn l nibuolu e k Yennu luon bii jiɑntl’ɔ nnɑ.

Tuonɑ 11:18

Bɑɑ din gbɑt nnɑ mɑnŋ yuo nbɑ, k b ji nyik b kpɑyɑkt nɑ, ŋɑɑn donn Yennu sɑnn, k yien ɑ: «Yennu te bin nbɑ k tie Suifnbɑ mun fit mɔ kuɑŋɑɑn k lebt binbenŋ k lɑ mɑnfuol nbɑ kɑɑ gbennu.»

Tuonɑ 12:24

K Yennu mɑɑn ŋɑnmt yɑt k kuɑ niib ni.

Tuonɑ 16:14

Puob nbɑ din gbɑt t mɑɑn mɑnŋ, b yenɔ sɑnn din tie Liidi. U din nyii Tiɑtiil e k din tie cincenmunŋ nbɑ k l dɑɑɔk pɑɑl nɑ kuɑt-tuɑ, k biɑ din jiɑntl Yennu. K Yonmdɑɑnɔ din luot u pɑl ni ɑ wun gbiint Pɔul mɑɑn nbɑ k u piɑk nɑ fɑnu.

Tuonɑ 26:18

Fin e tie wun nbɑ sɑɑ yent b nunm po, k bin nyi bunbɔnn ni k kuɑ yentu ni, k biɑ nyinn’b *Sɑɑtɑn yiikuo ni k bin kuɑ Yennu yiikuo ni, ɑ bin lɑ nyikcɑbu k biɑ lɑ yiɑl bin nbɑ tie Yennu niib b yɑdɑ pɑɑk nɑ sinsuuk ni.› »

Luonmtieb 1:13

N nɑɑ wɑɑs, n luon yin bɑnn nɑn n yɑbl nɑn tɑɑl munŋɑ nɑ wɑɑ, ɑ n bɑɑl k tɑn gɔn’i, ŋɑɑn k siɑl guɑl’n mɔkmɔk nɑn mɔtɑɑnɑ k n k fit gɔn’i ni. N luon k n tuonn n tun siɑl i sinsuuk ni nɑn lɑɑ din tun biɑnŋ nbɑ nilieb sinsuuk ni nɑ.

Luonmtieb 15:19

nɑn bɑktnɔunŋ tuonɑ nɑn nyinɑ nɑn Foŋɑnm pɑnŋ e te k b sɑk Yennu mɔb. Nnɑ e k n muɑnt Klistu lɑbɑmɑnn siɑn nbɑ kul, lɑɑ nyii Selusɑɑlenm k sɑɑ tuu Iiliili.

Luonmtieb 15:28

Mi i gbenn tuonn mɑnŋ k tul’b piini mɑnŋ, n sɑɑ nyi lenŋ k tuɑt gɑl i buol k sɑɑn Espɑnyɑ tinŋ ni wɑɑ.

Luonmtieb 16:26

Ŋuɑ *Yennu sɔkniinbɑ gɑɑl k diɑn lolkpel kɑdɑɑɔk ni k l fiit wuol ni, k Yennu nbɑ kɑɑ gbennu nɑ tul mɔb ɑ buolu kul nbɑ k tie Suifnbɑ nɑ n bɑnn’l, k niib kul n fit k tien yɑdɑ k sɑk u mɔb.

2 Kuolent-tieb 10:14

T ii dinŋ ii kii bɑɑl i buol ni, t bo sɑɑ fit yet ɑ t gɑl t telk, k mɑɑn t set din bɑɑl i buol ni nɑn Klistu lɑbɑmɑnn nɑ wɑɑ.

2 Kuolent-tieb 6:1

Tinm nbɑ tuun Yennu tuonɑ u sonml pɑɑk nɑ, t bɑln’mi e, i dɑɑ te k u ninkpɑbɑɔnŋ nɑ tie yɑnn.

Efestieb 3:2

N k bils nɑn i ponŋ gbɑt ɑ Yennu tul’n tuonsiɑl u ninkpɑbɑɔnŋ pɑɑk ɑ n tun k tul’i.

Efestieb 4:21

I set din gbɑt u po wɑɑ, k yɑɑ tie u weilɑ nɑ, b din wɑnn’i bɑlmɔni nbɑ be u ni wɑɑ.

Efestieb 4:23

Ŋɑɑnt k i dudukt nɑn i pɑlɑ n ŋɑnm k pɑnt,

Efestieb 5:9

k mɑɑn yentu bɑɑt nɑn tuonŋɑnɑ buolu kul ɑ nɑn yentinu nɑn bɑlmɔni.

Fiiliiptieb 1:11

k i binbenŋ n gbie nɑn yentinu luɑnɑ nbɑ nyii Yiesu Klistu buol ni nɑ, ɑ Yennu n lɑ dontl nɑn pɑku.

Fiiliiptieb 4:17

L k tie ɑ n luon mii gɑɑn piini kɑɑ, ŋɑɑn n luon k yin lɑ nyuɑt i tuonŋɑnɑ pɑɑk.

Kuoluostieb 1:10

Nnɑ e k i sɑɑ fit kii be binbenŋ nbɑ k Yonmdɑɑnɔ luon. Ii tuun mɑn yuo kul lin nbɑ ŋɑn u po, kii tuun tuonŋɑnɑ buolu buolu kul. I i tuun nnɑ i tɑn sɑɑ ŋɑnm bɑnn Yennu fɑnu wɑɑ.

Kuoluostieb 1:23

L sii tie nnɑ e l i tie k i biɑl i yɑdɑ ni k sie cib, k k fɔli nyi dindɑnn nbɑ k i lɑ lɑbɑmɑnn nbɑ k i din gbɑt nɑ ni. B din muɑntl lɑbɑmɑnn mɑnŋ k tien niib kul nbɑ be tingbounŋ nɑ ni e. Min Pɔul, n tie l tuontunnɔ e.

1 Tesɑɑluoniiktieb 1:5

k mɑɑn t lɑbɑmɑnn din k bɑɑl i buol ni nɑn mɔbonɑ kuukuɑ kɑɑ, ŋɑɑn l din bɑɑl nɑn yiikuo nɑn Foŋɑnm, k i din fit bɑnn nɑn l tie mɔni e k bilsuk kɑɑ. I mi tɑɑ din tuu be i penŋ biɑnŋ nbɑ, k luon tin fit sonm’i.

1 Tesɑɑluoniiktieb 2:13

T biɑ tien Yennu niipuouk yuo kul ɑ, k mɑɑn tɑɑ din bɑɑl nɑn Yennu mɑɑn i buol ni, i din k gbɑt’l k gɑɑl’l nɑn nisɑɑlk yɑl nɑ kɑɑ, ŋɑɑn i din gɑɑl’l nɑn l tie Yennu yɑl nɑ e. K l set tie ŋɑnn e nɑn bɑlmɔni, k tuun yinm nbɑ tie Klistuweilɑ nɑ pɑlɑ ni.

2 Tesɑɑluoniiktieb 2:13

T nɑɑ wɑɑs, yinm nbɑ k Yonmdɑɑnɔ luon’i nɑ, l kpɑɑ tɑlɑs k t pɑk Yennu yuo kul i pɑɑk, k mɑɑn Yennu din lukt’i pinpiik ni e wɑɑ, ɑ yin lɑ fielu Foŋɑnm nbɑ tien’i Yennu tiɑɔnŋ yɑb nɑn yɑɑ tien lɑbɑmɑnn yɑdɑ nɑ pɑɑk.

1 Piɑl 5:12

Siilɑɑs wun nbɑ k n mi nɑn u tie t nɑɑ bik nɑn bɑlmɔni nɑ, ŋuɑ e sonm’n k n diɑn kɑdɑɑɔk nbɑ k fɔk nɑ, ɑ n cie i pɑlɑ, k kpɑɑn’i, ɑ ŋɑnn e tie Yennu ninkpɑbɑɔnŋ nɑn bɑlmɔni. L pɑɑk, ii diɑ’l fɑnu mɑn.