Kuoluostieb 1:5 - Yiesu Lɑbɑmɑnn Muɑl Ni

⁵ Yuo nbɑ k bɑlmɔni nbɑ tie lɑbɑmɑnn din sint k bɑɑl i buol nɑ, i din gbɑt dindɑnn nbɑ be l lɑbɑmɑnn ni wɑɑ. I din jii i yɑdɑ nɑn i lonm k tien l dindɑnn ni. Yennu bekl l dindɑnn *Yendɔunŋ ni k guun’i.

Kuoluostieb 1:5 Iomraidhean Croise

Lɑbɑmɑnn nbɑ k Luk diɑn 12:33

Kɔin i bonɑ nbɑ k i mɔk k jii l likli k tul tɑlɑs-dɑnm. Lomin mɑn likbuɑli nbɑ kɑn biil, kii biɑ kii mɔk mɔktuk *Yendɔunŋ ni, siɑn nbɑ k l kɑn wɑt, k nɑn-yukɔ kɑn kpiɑn lenŋ, k bonŋmiŋmɑbt biɑ kɑn muɑ’l.

Tuonɑ 10:36

I mi nɑn Yennu din tul Islɑɑeltieb u mɑɑn nbɑ wɑnt lɑbɑmɑnn nɑ po, ɑ Yiesu *Klistu ni e k tinm nɑn Yennu mɑnŋ nɑn lieb. Ŋuɑ Yiesu Klistu e tie t kul Yonmdɑɑnɔ.

Tuonɑ 13:26

Ŋɑnn e k Pɔul biɑ yɑɑ ɑ: «N nɑɑ wɑɑs, yinm nbɑ tie Ablɑɑhɑɑnm yɑɑbuonɑ, nɑn i kul nbɑ be nnɑ k jiɑntl Yennu nɑ, mɑɑn nbɑ k Yennu tul’t k l wɑnt fielu mɑnŋ po nɑ, l bɑɑl t buol ɑ.

Tuonɑ 23:6

Tɔn, Pɔul nbɑ ji bɑnn nɑn tituk kɑɑnu mɑnŋ siɑb tie *Sɑɑdiuseɑnbɑ, k lieb mun tie Fɑɑliisiɑnnbɑ nɑ, k u yet sɑnpɑɑpo wɑɑ niib nɑ ni ɑ: «N nɑɑ wɑɑs, n tie Fɑɑliisiɑn e, Fɑɑliisiɑn bik e tie’n. K n mɔk dindɑnn nɑn kpienm tɑn sɑɑ fiil ɑ. L pɑɑk e te k b bu n buut nɑ.»

Tuonɑ 24:15

k mɔk dindɑnn nɑn niib nɑ mun biɑ mɔk l dindɑnn buolu nnɑ e, nɑn Yennu tɑn sɑɑ fiin bin nbɑ tie niŋɑnm nɑn bin nbɑ tie nibiit kul kuun ni.

Luonmtieb 10:8

Yennu yet ɑ bee? L yet ɑ: «Mɑɑn nɑ kpiɑ’ɑ. L be ɑ mɔb ni nɑn ɑ pɑl ni.» Lɑbɑmɑnn mɑnŋ tie yɑdɑ lɑbɑɑl nbɑ k t muɑntl nɑ.

1 Kuolent-tieb 13:13

Tɔn, yɑdɑ nɑn dindɑnn nɑn lonm, l bonɑ ŋɑntɑ dɑɑ be mɔtɑɑnɑ, ŋɑɑn lonm e gɑl l kul.

1 Kuolent-tieb 15:19

Tɑɑ mɔk dindɑnn nɑn Klistu nɑ, l i tie k l mɔk nyuɑt tingbounŋ nɑ benu ni kuukuɑ i e, ŋɑnn ŋɑnin t bo sii mɔk ninbɑɑɔk k gɑl suɑ kul ɑ.

2 Kuolent-tieb 5:19

K mɑɑn Klistu ni e k Yennu tun k ŋɑnm ŋuɑ nɑn tingbounŋ niib sinsuuk ni, k k goli b biit, k yɑɑ tin muɑnt lin nbɑ k u tun k ŋɑnm ŋuɑ nɑn niib sinsuuk ni nɑ.

2 Kuolent-tieb 6:7

T yien niib Yennu mɑɑn nbɑ tie bɑlmɔni nɑ, k mɔk ŋuɑ Yennu pɑnŋ, k biɑ mɔk yentinu binbenŋ nbɑ tie jɑtiɑt nbɑ be t niidiitu ni nɑn niigɑnŋ ni nɑ.

Gɑɑlɑɑt-tieb 2:14

Mɑɑ lɑ k b k tɔkn lɑbɑmɑnn sɔnu nɑn bɑlmɔni yuo nbɑ, k n yet Piɑl, b kul nunm ni, mɑɑ: «Fɑɑ bɑɑl nnɑ, ɑ binbenŋ tie nɑn wun nbɑ k tie Suif nilɔ nɑ e. Ŋɑɑn mɔtɑɑnɑ, bee k ɑ muks bin nbɑ k tie Suifnbɑ, ɑ bii be nɑn Suifnbɑ nɑ?»

Gɑɑlɑɑt-tieb 2:5

Ŋɑɑn tɑɑ mun luon tin diɑ lɑbɑmɑnn nɑn l bɑlmɔni sɔnu k tul’i nɑ pɑɑk, t k sɑk tul’b nɑn wɑɑnm-nnɑ wɑɑ.

Gɑɑlɑɑt-tieb 5:5

Ŋɑɑn tinm ŋɑnin i e, Foŋɑnm nbɑ be t ni tien tinm yɑdɑ. T mɔk dindɑnn k guu yuo nbɑ k Yennu tɑn sɑɑ yet, ɑ t tie niŋɑnm.

Efestieb 1:13

I mun din kpɑnt tien Klistuyɑb yuo nbɑ k i din gbɑt lɑbɑmɑnn nbɑ tie bɑlmɔni k biɑ tien’i fielu nɑ. Yɑɑ din tien Klistu yɑdɑ nɑ, k Yennu din tul’i dɔuk nbɑ tie Foŋɑnm nɑn wɑɑ din senn mɔsonn biɑnŋ nbɑ nɑ.

Efestieb 4:21

I set din gbɑt u po wɑɑ, k yɑɑ tie u weilɑ nɑ, b din wɑnn’i bɑlmɔni nbɑ be u ni wɑɑ.

Kuoluostieb 1:23

L sii tie nnɑ e l i tie k i biɑl i yɑdɑ ni k sie cib, k k fɔli nyi dindɑnn nbɑ k i lɑ lɑbɑmɑnn nbɑ k i din gbɑt nɑ ni. B din muɑntl lɑbɑmɑnn mɑnŋ k tien niib kul nbɑ be tingbounŋ nɑ ni e. Min Pɔul, n tie l tuontunnɔ e.

Kuoluostieb 1:27

Yennu din tun nnɑ, k mɑɑn u lol, ɑ wun wɑnn u niib nɑ, bɑnnu nbɑ k l wuol ni mɑɑn nɑ mɔktuk nbɑ yɑb bonciɑnn k tul niib kul ɑ. L wuol ni mɑɑn tie ɑ Klistu be i ni k i mun mɔk dindɑnn nɑn i sɑɑ lɑ Yennu *yudɑnt nɑ.

Kuoluostieb 3:16

I ŋɑɑn k Klistu mɑɑn nɑn l mɔktuk kul ii be i pɑlɑ ni, k yii wɑnt i lieb, kii biɑ kii kpɑɑn i lieb nɑn i yɑn kul. I jii *yɑni nbɑ tie Yennu mɑɑn ni *yɑni, yɑni nbɑ piɑk Klistu po, nɑn yɑni nbɑ k Foŋɑnm tien’i ɑ yin tumi i mɔnŋ k biɑ kpɑɑn lieb nɑ. Ii yiin l yɑni kii tien Yennu nipuouk nɑn i pɑlɑ kul ɑ.

1 Tesɑɑluoniiktieb 2:13

T biɑ tien Yennu niipuouk yuo kul ɑ, k mɑɑn tɑɑ din bɑɑl nɑn Yennu mɑɑn i buol ni, i din k gbɑt’l k gɑɑl’l nɑn nisɑɑlk yɑl nɑ kɑɑ, ŋɑɑn i din gɑɑl’l nɑn l tie Yennu yɑl nɑ e. K l set tie ŋɑnn e nɑn bɑlmɔni, k tuun yinm nbɑ tie Klistuweilɑ nɑ pɑlɑ ni.

2 Tesɑɑluoniiktieb 2:16

T Yonmdɑɑnɔ Yiesu Klistu tiɑɔnŋ nɑn t Bɑɑ Yennu nbɑ luon’t, k tul’t pɑlcienn nbɑ kɑɑ gbennu nɑn dindɑnn nbɑ ŋɑn, u ninkpɑbɑɔnŋ nɑ pɑɑk nɑ,

1 Tiimuote 1:15

Gotl mɑn, lɑbɑɑl nbɑ tie bɑlmɔni k ŋɑn nɑn niib kul n gɑɑl’l e nɑ: Yiesu Klistu din bɑɑl tingbounŋ nɑ ni, ɑ wun tɑn fiel biitdɑnm e, k min e bi k gɑl b kul ɑ.

2 Tiimuote 4:8

Yuo nbɑ bɑɑt, n tɑn sɑɑ gɑɑl nyɑnnu nyuɑt ɑ. L nyuɑt tie fielu nɑɑn foklk nbɑ k Yonmdɑɑnɔ nbɑ tie bɑlbuŋɑnɔ nɑ tɑn sɑɑ tul’n bɑlbudɑɑl, k u kɑn tul min kuukuɑ, ŋɑɑn u tɑn sɑɑ tul bin nbɑ kul nbɑ luon bin lɑ u jennu nɑ.

Tiit 1:2

Lin nbɑ nɑ nyii dindɑnn nbɑ k t mɔk nɑn t sii mɔk mɑnfuol nbɑ kɑɑ gbennu nɑ ni e. Yuo nbɑ k u dɑɑ din k nɑn dulnyɑ nɑ, Yennu nbɑ k fɑɑ fɑɑk nɑ din senn mɔsonn ɑ u sɑɑ tul’t mɑnfuol mɑnŋ.

Hebluonbɑ 7:19

k mɑɑn Muois senni mɑnŋ din k fit te k siɑl ŋɑn. Ŋɑɑn mɔtɑɑnɑ t ji mɔk lin nbɑ tul’t dindɑnn nbɑ cie nɑ, k l ni e k t cɑt nɑkn Yennu buol ni.

1 Piɑl 2:2

Ii tie nɑn sɑnpɑnti nɑ mɑn, kii tun kii luon mɑnfuol biin nbɑ be Foŋɑnm buol ni nɑ, k l i tie k i nyu’l yii kpɑɑtl k tɑn lɑ fielu.

1 Piɑl 3:15

Ii cɔln Yonmdɑɑnɔ Klistu i pɑlɑ ni. Yuo kul, ii tien siil k jiin wun nbɑ boi’i lin nbɑ te k i mɔk dindɑnn nɑ po.

2 Piɑl 1:12

L pɑɑk, n sii tun k tiɑn’i lɑbɑɑl nɑ po e yuo kul, mɑɑ lek mi nɑn i ponŋ gbɑt’l ɑ, k mi’l fɑnu, k diɑ’l cinm nɑ.

1 Sɑn 3:3

Nilɔ kul nbɑ mɔk dindɑnn nɑn u jenu nɑ, k mɔk biit nɑn Yiesu nbɑ k mɔk biit biɑnŋ nbɑ nɑ.