Kuoluostieb 1:28 - Yiesu Lɑbɑmɑnn Muɑl Ni

²⁸ Klistu mɑnŋ po e k t muɑntl, k kpɑɑn suɑ kul ɑ, k wɑnt suɑ kul nɑn yɑn buolu kul, ɑ bii kpɑɑtl k cie Klistu ni k bɑɑl Yennu buol ni.

Kuoluostieb 1:28 Iomraidhean Croise

Mɑɑtieo 28:20

k wɑnn’b k bin sɑk lin nbɑ k n wɑnn’i nɑ kul. Ii tiɑn mɑn nɑn n be nɑn’i yuo kul ɑ, mɔkmɔk nɑn *dulnyɑ gbennu.»

Mɑɑtieo 3:7

Wɑɑ din tɑn lɑ k Fɑɑliisiɑnnbɑ nɑn *Sɑɑdiuseɑnbɑ bonciɑnn k b mun bɑɑt u buol ni ɑ wun wul’b Yennu nyunwulu nɑ, k u yet’b ɑ: «Yinm wɑɑlɑbli nɑ. Ŋmee kpɑɑn’i ɑ i tin k nyi Yennu wutuol nbɑ yɑɑ lin bɑɑl i pɑɑk nɑ ni?

Mɑɑtieo 5:48

L pɑɑk, ii tuun bonŋɑnɑ kii tien niib kul nɑn i Bɑɑ nbɑ be sɑnpɑɑpo k tuun k tien niib kul nɑ.»

Mɑɑlk 6:34

K Yiesu nbɑ tɑn nyii bulgbetl nɑ ni, k u lɑ k nigbɑnu nɑ ponŋ tikl k muk, k ninbɑɑɔk suol’ɔ bonciɑnn, k mɑɑn b nɑɑn nɑn pei nbɑ k mɔk pekpɑɑlk nɑ e. K u piin l yuo k wɑnt’b bonɑ bonciɑnn.

Lɑbɑmɑnn nbɑ k Luk diɑn 21:15

k mɑɑn l yuo nɑ, n tɑn sɑɑ tul’i yɑn nɑn mɔbonɑ nbɑ k i tɑn sɑɑ pɑk, k i dɑtɑi kɑn fit nyɑnn i mɔbonɑ ɑmi k noi’i ni.

Tuonɑ 10:36

I mi nɑn Yennu din tul Islɑɑeltieb u mɑɑn nbɑ wɑnt lɑbɑmɑnn nɑ po, ɑ Yiesu *Klistu ni e k tinm nɑn Yennu mɑnŋ nɑn lieb. Ŋuɑ Yiesu Klistu e tie t kul Yonmdɑɑnɔ.

Tuonɑ 11:20

Ŋɑɑn Yiesuweilɑ siɑb nbɑ din tie Siipltieb, nɑn Siilenntieb nɑ, sɑɑn Antiɑɔs, k sɑɑ muɑntl Yonmdɑɑnɔ Yiesu lɑbɑmɑnn k tien bin nbɑ k tie Suifnbɑ,

Tuonɑ 13:38

«L pɑɑk ɑmi, n nɑɑ wɑɑs, n luon k i bɑnn nɑn Yiesu nbɑ din tun lin nbɑ nɑ pɑɑk e k Yennu nyikt cɑbt i biit.

Tuonɑ 17:18

K sɑɑkɑyɑndɑɑnsiɑb nnɑ din be, k b yi b yenm Epiikuuliɑnbɑ, k lieb mun Stoisiɑnbɑ, k b mun tɑn bɑɑl k fɑɑ lɑbɑɑl nɑn Pɔul. K b siɑb tɑn pɑk nɑn b lieb ɑ: «Bɑlfuouk dɑɑnɔ nbɑ wɑnt u mɔnŋ nɑ mun yien bee nɑ?» K b yenm mun yɑɑ ɑ: «L tɑɑn tie nɑn u piɑk digbɑngɑnɑ yenni po e nɑ.» B din yet nnɑ mɑnŋ, k mɑɑn Pɔul muɑntl Yiesu po nɑn u kuun fiilu po.

Tuonɑ 17:3

k wɑnn’b ɑ Yennu mɑɑn nbɑ wɑnt bɑnnu nbɑ nɑ pɑɑk e nɑ, *Klistu din sɑɑ bɑɑl k di fɑlɑ, k kpo, k biɑ fiil kuun ni k jen u mɑnfuol ni. Pɔul din yet’b ɑ: «Yiesu nbɑ nɑ e k n piɑk’i u po, ŋuɑ e tie Klistu mɑnŋ.»

Tuonɑ 20:31

L pɑɑk, ii guu mɑn k dɑɑ tɑnmt mɑɑ din kpɑɑn i kul nɑn nyin-nyuut, k k nyik yennu nɑn nyiɑɔk, k tɑn jɑnŋ binɑ ŋɑntɑ nɑ ni.

Tuonɑ 3:20

k u sɑɑ tul’i fuon k biɑ tɑn sɑɑ tun Yiesu Klistu i buol ni, wun nbɑ k u ponŋ lukt’ɔ k tul’i nɑ,

Tuonɑ 5:42

K dɑɑl kul k b sɑɑ Yennu jɑɑnti ŋɑsɑɑkɑk ni, ŋɑɑn biɑ lin niib ŋei ni, k wɑnt niib ɑ Yiesu tie *Klistu e k biɑ muɑntl u lɑbɑmɑnn nɑ, k k nyikt.

Tuonɑ 8:35

K Fiiliip piin siɑn nbɑ k kɑlɑcijɑɑnn mɑnŋ lii nɑ k sɑɑ, k piɑk Yiesu lɑbɑmɑnn.

Tuonɑ 8:5

k Fiiliip nyii k sik Sɑɑmɑɑli tinŋ digbɑnsɑɑkɑl ni, k sɑɑ muɑnt Klistu po k tul lenŋ niib.

Tuonɑ 9:20

k din sɑɑn yiɑn ɑ, Suifnbɑ jɑɑnti diet ni, k muɑntl Yiesu po, ɑ Yiesu kpɑn set tie Yennu Bijɑ e.

Luonmtieb 16:25

Ŋɑɑnt mɑn k tin dont Yennu sɑnn. Ŋuɑ e te k i set wɑɑ’u fɑnu nɑn mɑɑ muɑnt lɑbɑmɑnn k jiin Yiesu Klistu po nɑ pɑɑk. Ŋuɑ e fiit wuol ni mɑɑn nbɑ din bɔl binɑ binɑ nɑ.

1 Kuolent-tieb 1:23

ŋɑɑn tinm ŋɑnin muɑntl k wɑnt’b ɑ Klistu din kpo dɑpunpunn pɑɑk e, k mɑɑn mɑnŋ mɔk fei Suifnbɑ nunm ni, k biɑ tie jɑtmɑɑn k tien bin nbɑ k tie Suifnbɑ.

1 Kuolent-tieb 1:30

Ŋuɑ Yennu e tɑɑn’i nɑn Yiesu Klistu k Klistu mɑnŋ tien’t yɑn. U pɑɑk e k Yennu yet ɑ t tie niŋɑnm u buol k te k t tie u tiɑɔnŋ niib k biɑ nyinn’t t biit dɑɑbs ni.

1 Kuolent-tieb 12:8

Foŋɑnm tuu te k suɑ piɑk nɑn yɑn e, Foŋɑnm mɑnŋ e biɑ tuu te k nilɔ piɑk nɑn minu.

1 Kuolent-tieb 15:12

Ŋɑɑn, tii muɑntl mɑɑn nɑ k yɑɑ ɑ Klistu din fiil kuun ni, k nlee k i siɑb sii yien ɑ bin nbɑ kpo nɑ tɑn kɑn fiil i?

1 Kuolent-tieb 2:15

Wun nbɑ mɔk Yennu Siek nɑ sɑɑ fit bu bonn kul buut, ŋɑɑn ŋuɑ ŋɑnin suɑ kɑn fit bu u buut.

1 Kuolent-tieb 2:6

Mɔmɔnm, n muɑntl nɑn yɑn e k tien bin nbɑ k b yɑdɑ cie Klistuyɑb ni nɑ. Ŋɑɑn l k tie tingbounŋ nɑ niib yɑn ɑmi tingbounŋ nɑ pɑnŋ dɑnm nbɑ k b pɑni sɑɑ tien yɑnn nɑ kɑɑ.

1 Kuolent-tieb 4:14

N k dɑ nɑ k tien’i ɑ n dinn’i fei kɑɑ, ŋɑɑn n kpɑɑn’i e, nɑn yɑɑ tie n wɑlonkɑi nɑ,

2 Kuolent-tieb 10:14

T ii dinŋ ii kii bɑɑl i buol ni, t bo sɑɑ fit yet ɑ t gɑl t telk, k mɑɑn t set din bɑɑl i buol ni nɑn Klistu lɑbɑmɑnn nɑ wɑɑ.

2 Kuolent-tieb 11:2

N mɔk *funfunn i pɑɑk k funfunn mɑnŋ nyi Yennu buol ni. I tie nɑn sɑpɑɑmɔ nbɑ k mi juɑ k biɑ k mɔk bisiɑt, k n jii’u k tien’ɔ *Klistu kuukuɑ sɑlkpenŋ.

2 Kuolent-tieb 4:5

T k muɑntl t mɔnŋ mɔnŋ po kɑɑ, ŋɑɑn t muɑntl Yiesu Klistu po e, ɑ ŋuɑ e tie Yonmdɑɑnɔ nɑ, ŋɑɑn wɑnt nɑn tinm e tie u tuontunnɑ k tien’i Yiesu pɑɑk.

Efestieb 3:8

Yennu niib sinsuuk ni, min e tɑn juont wun nbɑ k be kɑnn ni, ŋɑɑn u ninkpɑbɑɔnŋ pɑɑk, k Yennu cɑb’n ɑ n muɑnt muɑnti k tul bin nbɑ k tie Suifnbɑ k wɑnn’b bɑnnu nbɑ k Klistu luon wun tul’t bonŋɑnɑ nbɑ kɑɑ pɑɑk,

Efestieb 5:27

k jii’b tien’m u mɔnŋ nuu ni nɑn fɑnt, ɑ b fɑnt nɑ dɑɑ mɔk dɑnsiɑk, k biɑ kii tie niŋɑnm k dɑɑ mɔk biit nɑn wɑɑnm-nnɑ wɑɑ.

Kuoluostieb 1:22

Ŋɑɑn mɔtɑɑnɑ, u Bijɑ nbɑ din kpɑnt nilɔ k tɑn kpo nɑ pɑɑk, u ji te k l mɑn yinm nɑn ŋuɑ sinsuuk ni ɑ wun jii’i k yii tie niŋɑnm, k dɑɑ mɔk jɑknt nɑn biit u buol ni.

Kuoluostieb 2:10

k i mun gɑɑl u binbenŋ kul. Ŋuɑ e mɔk yiikuo nɑlnbiit kul nbɑ be, k mɔk yiikuo nɑn pɑnŋ, nɑ pɑɑk.

Kuoluostieb 2:3

Klistu ni e k Yennu din bɔl yɑn nɑn minu mɔktuk nbɑ nyii Yennu mɑnŋ buol ni nɑ.

Kuoluostieb 3:16

I ŋɑɑn k Klistu mɑɑn nɑn l mɔktuk kul ii be i pɑlɑ ni, k yii wɑnt i lieb, kii biɑ kii kpɑɑn i lieb nɑn i yɑn kul. I jii *yɑni nbɑ tie Yennu mɑɑn ni *yɑni, yɑni nbɑ piɑk Klistu po, nɑn yɑni nbɑ k Foŋɑnm tien’i ɑ yin tumi i mɔnŋ k biɑ kpɑɑn lieb nɑ. Ii yiin l yɑni kii tien Yennu nipuouk nɑn i pɑlɑ kul ɑ.

Kuoluostieb 4:12

Epɑɑflɑɑs, wun nbɑ mun biɑ tie i duo ni nilɔ k biɑ tie Yiesu Klistu tuontunnɔ nɑ, fuont’i. U mei Yennu nɑn ninmɔnn yuo kul k tien’i, ɑ Yennu n te k yin set kenken, kii tie nisubltieb nbɑ tuun Yennu lonm nɑ.

1 Tesɑɑluoniiktieb 4:6

Suɑ dɑɑ tuun biil u luɑ nbɑ wɑɑ *Klistu nɑn l biit buolu ni, ɑmi kii ŋmɑb u luɑ. T ponŋ din yet’i l po wɑɑ, ŋɑɑn biɑ kpɑɑn’i nɑn ninmɔnn ɑ Yennu tɑn sɑɑ dɑt bin nbɑ tuun l biit buolu nɑ tubɑ.

1 Tiimuote 3:16

Nn, l tie mɔni e, bɑktnɔunŋ minu nbɑ k yɑdɑ tien tinm nɑ yɑb: Klistu din bɑɑl k tie nisɑɑlk e, k tie bɑlmɔndɑɑnɔ, Foŋɑnm e din wɑnn nnɑ. Mɑlɑkɑɑnbɑ din lɑ’u wɑɑ, k niib din muɑnt u lɑbɑɑl k tul nibuolu kul, k b tien’ɔ yɑdɑ tingbounŋ nɑ ni, k **Yendɔunŋ ni k Yennu tul’ɔ *yudɑnt.

1 Tiimuote 3:2

L k ŋɑn k yudɑɑnɔ mɑnŋ ii tuun lin nbɑ k niib sɑɑ fit tɑɑl’ɔ l pɑɑk. L kpɑɑ tɑlɑs e k wuu mɔk puo yenɔ kuɑ, kii tie wun nbɑ fit diɑ u mɔnŋ, kii tie wun nbɑ k niib tien’ɔ nibɑɑkl, kii gɑɑn sɑɑnm u ŋɑɑk ni kii cɑntl’b, kii tie wun nbɑ sɑɑ fit tumi niib fɑnu,

Hebluonbɑ 10:14

Nnɑ e k ŋuɑ din mɑnn mɑln-yenml k te k bin nbɑ tie Yennu yɑb nɑ tien niŋɑnm Yennu buol ni nɑn yuo nbɑ kɑɑ gbennu.

Hebluonbɑ 13:21

Yennu nbɑ tien’t mɑnu nɑ n te k i fit kii tuun tuonŋɑnɑ kul, k fit tun lin nbɑ k u luon. K Yiesu Klistu pɑɑk, wun tun t ni lin nbɑ pent u pɑl. Ŋuɑ Yiesu e mɔk *yudɑnt nɑn yuo nbɑ kɑɑ gbennu. * Amenn.

2 Piɑl 3:15

T Yonmdɑɑnɔ nbɑ di suklu nɑ, u tien niib e yɑɑk, ɑ bin lɑ fielu, nɑn t nɑɑ bilonkɑk Pɔul nbɑ mun dɑɑn diɑn kɑdɑsiɑɔk k tul’i k yet’i nɑn Yennu nbɑ tul’ɔ yɑn biɑnŋ nbɑ.