Kuoluostieb 1:23 - Yiesu Lɑbɑmɑnn Muɑl Ni

²³ L sii tie nnɑ e l i tie k i biɑl i yɑdɑ ni k sie cib, k k fɔli nyi dindɑnn nbɑ k i lɑ lɑbɑmɑnn nbɑ k i din gbɑt nɑ ni. B din muɑntl lɑbɑmɑnn mɑnŋ k tien niib kul nbɑ be tingbounŋ nɑ ni e. Min Pɔul, n tie l tuontunnɔ e.

Kuoluostieb 1:23 Iomraidhean Croise

Mɑɑlk 16:15

K u biɑ yet’b ɑ: «Ii sɑɑ kii muɑntl lɑbɑmɑnn nɑ k tul suɑ kul tingbounŋ nɑ kul sɑɑk ɑ po.

Lɑbɑmɑnn nbɑ k Luk diɑn 22:32

Ŋɑɑn fin Siimɔn, min e miɑl Yennu ɑ pɑɑk k ɑ yɑdɑ dɑɑ bɑɑ, k yuo nbɑ k ɑ ji jen n buol ni, ɑ tot ɑ nɑɑ wɑɑs.»

Lɑbɑmɑnn nbɑ k Luk diɑn 6:48

U nɑɑn nɑn juɑ nbɑ din mɑɑ u ŋɑɑk nɑ e. Sinsinn u din gbiil fiɑkl k l sunŋ, k sɑɑ tuu tɑnpiiuk, k ji fɔkn fiɑkl mɑnŋ l pɑɑk. L puolpo k sɑɑk tɑn bɑɑ bonciɑnn, k kpenu gbie nɑn nyunmɔnn k sɑɑ duo k liɑt ŋɑɑk mɑnŋ, ŋɑɑn k l k bɑɑ, k mɑɑn u din mɑɑ’l bonŋɑnn e.

Lɑbɑmɑnn nbɑ k Sɑn diɑn 15:6

Wun nbɑ k gɑɑ n pɑɑk, u nɑɑn nɑn tiik yiinu nbɑ k b cuɑ’l k lu k l kuol nɑ e. L tiik yiinbuolu e k b tuu tikl k juo muu nɑ.

Tuonɑ 1:17

Suudɑ din tie t ni yenɔ k biɑ tuun tuonn nbɑ k t tuun.»

Tuonɑ 1:25

k wun tien *tuomi k gɑɑl tuonn nɑ yiɑl nbɑ k Suudɑ nyik ŋɑɑn sɑɑn sɑɑ be *siɑn nbɑ ŋɑn nɑn’ɔ nɑ.»

Tuonɑ 1:8

Ŋɑɑn yuo nbɑ k Foŋɑnm sɑɑ sik i pɑɑk, i sɑɑ lɑ yiikuo, k tɑn sii tie n siɑlɑɑdɑnm Selusɑɑlenm, nɑn Suude tinŋ kul ni, nɑn *Sɑɑmɑɑli tinŋ ni, nɑn tingbounŋ nɑ lokl kul po.»

Tuonɑ 11:23

Wɑɑ din sɑɑ bɑɑl lenŋ yuo nbɑ k lɑ Yennu nbɑ tul’b yetŋɑnm biɑnŋ nbɑ, k u lɑ pɑlpienn bonciɑnn, k din cie b pɑlɑ, k kpɑɑn b kul kpɑɑni ɑ bin jii b mɔnŋ k tul Yonmdɑɑnɔ fɑnnu.

Tuonɑ 14:22

B cien Yiesuweilɑ pɑlɑ doi mɑnŋ ni, k yien’m ɑ bii kpɑnŋ i diɑ b yɑdɑ mɑnŋ nnɑ, k wɑnt’b ɑ: «Sie k t fɑbl k dii fɑlɑ bonciɑnn ɑ k tɑn kuɑ Yennu nɑɑn ni.»

Tuonɑ 2:5

K *Suifnbɑ nbɑ tie yentinnɑ mun din be Selusɑɑlenm l yuo, bin nbɑ nyii tini kul po tingbounŋ nɑ ni k bɑɑl lenŋ.

Tuonɑ 20:24

Ŋɑɑn n k yi n mɑnfuol k l tie siɑl, k mɑɑn min ŋɑnin luon k n tun tuonɑ nbɑ k Yonmdɑɑnɔ Yiesu tul’n nɑ e k gbenn k l tuonɑ tie k mii muɑntl lɑbɑmɑnn nbɑ wɑnt Yennu ninkpɑbɑɔnŋ po e.

Tuonɑ 26:16

Ŋɑɑn fiit k set. N nyinn fin e, ɑ ɑ tien n tuontunnɔ. L pɑɑk te k n dɔkt ɑ pɑɑk. Tient niib *siɑlɑ k wɑnn’b fɑɑ lɑ’n biɑnŋ nbɑ dinnɑ, nɑn lin nbɑ k n sii fiitl wɑnt’ɑ yuo nbɑ tɑn sɑɑ bɑɑl.

Tuonɑ 4:12

K suɑ sɑnn ji kɑɑ tingbounŋ nɑ ni k Yennu tul niib ɑ bin lɑ fielu, sie Yiesu kuukuɑ.»

Luonmtieb 10:18

Ŋɑɑn n boi k lɑɑn niib k gbɑt lɑbɑmɑnn mɑnŋ ɑmi? Mɔmɔnm, b gbɑt ɑ. L diɑn Yennu lolkpel kɑdɑɑɔk ni ɑ: «Niib gbɑt b kunkɔlɑ tingbounŋ lokl kul po, k b mɑɑn yɑt nɑn *dulnyɑ kul.»

Luonmtieb 15:16

k te k n tie Yiesu Klistu tuontunnɔ, k tul bin nbɑ k tie Suifnbɑ nɑ. Mɑɑ muɑntl Yennu lɑbɑmɑnn nɑ, n tuun Yennu tuonn e, ɑ bin nbɑ k tie Suif nbɑ i tie mɑnnu nbɑ pent Yennu pɑl, k Foŋɑnm ni b jɑnŋ nɑn bii tie Yennu tiɑɔnŋ niib.

Luonmtieb 2:7

Bin nbɑ ninbinɑ mɔn nɑn bii tuun tuonŋɑnɑ k lɑ pɑku nɑn bɑɑkl nɑn mɑnfuol nbɑ kɑɑ gbennu nɑ, ŋɑnm e k Yennu sɑɑ tul’b mɑnfuol nbɑ kɑɑ gbennu mɑnŋ.

Luonmtieb 5:5

k dindɑnn mɑnŋ ni t tɑn kɑn di fei, k mɑɑn Yennu jii lonm nbɑ k u mɔk nɑ k tien t pɑlɑ ni, Foŋɑnm nbɑ k u tul’t nɑ ni.

1 Kuolent-tieb 15:58

L pɑɑk, n nɑɑ wɑɑs, ii be mɑn nɑn pɑnŋ k dɑɑ bɑɑ i yɑdɑ ni. I jii i mɔnŋ kii tuun Yonmdɑɑnɔ tuonɑ nɑn ninmɔnn, k mɑɑn i mi nɑn tuonɑ nbɑ k i tuun k tien Yonmdɑɑnɔ nɑ, l tɑn kɑn bɑɑ yɑnn.

1 Kuolent-tieb 3:5

Setk nɑn mɔni, ŋmee tie Apuoluos k ŋmee mun tie Pɔul i? T kpɑn tie Yennu tuontunnɑ nbɑ din wɑnn’i bɑnnu nbɑ k i sɑɑ tɔkn k tien Yiesu yɑdɑ e. T kul nɑ tuun tuonɑ nbɑ k Yonmdɑɑnɔ tul’t ɑ tii tuun e.

2 Kuolent-tieb 10:1

Min Pɔul tiɑɔnŋ o tien’i mɔb nɑ, min nbɑ k b yien ɑ n mɔk sikn-n-mɔnŋ, l i tie k n be i buol ni, ŋɑɑn mɔk pɑnŋ yuo nbɑ k n fɔk nɑn’i nɑ. *Klistu nbɑ din mɑn k din k tie wutodɑɑnɔ nɑ pɑɑk, n bɑln’mi e,

2 Kuolent-tieb 11:23

B i tie Klistu tuontunnɑ i e, min e set tie Klistu tuontunnɔ k cie’b (n pɑk nɑn wɑɑtɔ nɑ e). N tuun tuonn k cie’b. B kuɑn’n dɑnsɑlk k cie’b. B buo’n gbɑnn k cie’b. N biɑ lɑ ninbɔnŋ bonciɑnn k k fɔk nɑn kuun k cie’b.

2 Kuolent-tieb 3:6

K mɑɑn ŋuɑ e te k t tie tuontunnɑ nbɑ fit muɑntl lolpɑɑnn nɑ, k lolpɑɑnn mɑnŋ k nyii *senni nbɑ diɑn kɑdɑɑɔk ni nɑ kɑɑ, ŋɑɑn l tie Foŋɑnm yɑl e. Senni nbɑ diɑn kɑdɑɑɔk ni bɑɑt nɑn kuun e, ŋɑɑn Foŋɑnm tien mɑnfuol e.

2 Kuolent-tieb 4:1

Yennu nbɑ tin’t ninbɑɑɔk nɑ, k u jii tuonɑ nɑ k tien t nii ni, l pɑɑk e te k t k mɔk kpinkpɑngbɑtuk.

2 Kuolent-tieb 6:1

Tinm nbɑ tuun Yennu tuonɑ u sonml pɑɑk nɑ, t bɑln’mi e, i dɑɑ te k u ninkpɑbɑɔnŋ nɑ tie yɑnn.

Gɑɑlɑɑt-tieb 4:11

N mɔk jijiet i pɑɑk. Mɑɑ tun tuonn nbɑ k tul’i nɑ tien yɑnn e nɑ ɑɑ?

Gɑɑlɑɑt-tieb 5:5

Ŋɑɑn tinm ŋɑnin i e, Foŋɑnm nbɑ be t ni tien tinm yɑdɑ. T mɔk dindɑnn k guu yuo nbɑ k Yennu tɑn sɑɑ yet, ɑ t tie niŋɑnm.

Gɑɑlɑɑt-tieb 5:7

Ŋɑɑn i din sɑɑ fɑnu nɑ, k ŋmee tɑn luon’i sɔnu k i nyik bɑlmɔni sɑku?

Gɑɑlɑɑt-tieb 6:9

T dɑɑ bɑkt nɑn tuonŋɑnɑ tumu mɑn, k mɑɑn t i kii nyik tuonŋɑnɑ, yuo nbɑ jɑnŋ nɑ, t tɑn sɑɑ gɑɑl nyuɑt.

Efestieb 1:18

N biɑ mei’ɔ mɑɑ wun yent i pɑlɑ ni ɑ yin bɑnn dindɑnn nbɑ pɑɑk k u yiin’i nɑ, k biɑ bɑnn nɑn bonɑ nbɑ k u tɑn sɑɑ tul u niib nɑ nbɑ yɑb k biɑ ŋɑn bonciɑnn biɑnŋ nbɑ,

Efestieb 2:21

Ŋuɑ e te k ŋɑɑk nɑ wɑki k kpɑɑtl tien Yennu jɑɑnti ŋɑsɑɑkɑk Yonmdɑɑnɔ ni.

Efestieb 3:17

ɑ k Klistu n jii i pɑlɑ k tien u binbebuol i yɑdɑ pɑɑk. N biɑ mei’ɔ ɑ wun te k i fit set cib, k bɑɑ jiinɑ k fɔkn fiɑkl, lonm ni,

Efestieb 4:16

Ŋuɑ e te k gbɑnɑnt bɔkɑ kul diɑ b lieb, k gbɑnɑnt mɑnŋ tuktɑ diɑ nɑn lieb. L kul ɑ i bo i tuun nɑn lieb cib cib, gbɑnɑnt mɑnŋ bo sii kpɑɑtl e nɑn lieb lonm ni.

Kuoluostieb 1:25

K Yennu nbɑ tul’n tuonn mɑnŋ ɑ n tun nɑ, ŋuɑ e tien’n Klistu gbɑnɑnt nbɑ tie u mɔtɑɑɔk niib nɑ tuontunnɔ, ɑ n muɑnt Yennu mɑɑn munn k tul’i.

Kuoluostieb 2:7

k sikn i yɑdɑ jiinɑ Yennu ni, k jii i binbenŋ kul k gɑɑn u pɑɑk, k i yɑdɑ ii be u ni, k i yɑdɑ ii mɔk pɑnŋ nɑn Epɑflɑɑs nbɑ din wɑnn’i biɑnŋ nbɑ nɑ, kii tien Yennu niipuouk yuo kul ɑ.

1 Tesɑɑluoniiktieb 3:3

k lin te k i suɑ dɑɑ ŋmɑt puol muksuk nɑ pɑɑk. I mɔnŋ mi nɑn Yennu e din te k l muksuk bɑɑl’t,

1 Tesɑɑluoniiktieb 3:5

L pɑɑk, lɑɑ dɑɑn tɑn pɑɑk n nii yuo nbɑ, k n dɑɑn tun Tiimuote, ɑ wun sɑɑ lɑ i yɑdɑ nbɑ tie bɑnnu nbɑ. N dɑɑn tiin nɑn pɑsiɑl *Sɑɑtɑn bikn’i k t tuonn nɑ n tien yɑnn e.

1 Tesɑɑluoniiktieb 5:8

Ŋɑɑn tinm nbɑ tie yennu ni yɑb nɑ, tii diɑ t mɔnŋ, k jii yɑdɑ nɑn lonm liɑ nɑn *nɑɑgbɑnkɔnŋl nɑ, k biɑ jii fielu dindɑnn k yi’l nɑn kut-foklk nɑ.

2 Tesɑɑluoniiktieb 2:16

T Yonmdɑɑnɔ Yiesu Klistu tiɑɔnŋ nɑn t Bɑɑ Yennu nbɑ luon’t, k tul’t pɑlcienn nbɑ kɑɑ gbennu nɑn dindɑnn nbɑ ŋɑn, u ninkpɑbɑɔnŋ nɑ pɑɑk nɑ,

1 Tiimuote 1:12

N tien t Yonmdɑɑnɔ Yiesu Klistu wun nbɑ tul’n pɑnŋ, ɑ mɑn tun u tuonɑ niipuouk, k mɑɑn ŋuɑ e yet ɑ n jɑnŋ nɑn u tuonɑ mɑnŋ, k te k n tuun tien’ɔ,

1 Tiimuote 2:7

L pɑɑk k Yennu lukt’n k n tien Klistu tiɑɔnŋ *tuomi k wɑnn bin nbɑ k tie *Suifnbɑ lin nbɑ tie yɑdɑ nɑn lin nbɑ tie bɑlmɔni. N k fɑ fɑɑk kɑɑ. L tie bɑlmɔni e.

1 Tiimuote 3:16

Nn, l tie mɔni e, bɑktnɔunŋ minu nbɑ k yɑdɑ tien tinm nɑ yɑb: Klistu din bɑɑl k tie nisɑɑlk e, k tie bɑlmɔndɑɑnɔ, Foŋɑnm e din wɑnn nnɑ. Mɑlɑkɑɑnbɑ din lɑ’u wɑɑ, k niib din muɑnt u lɑbɑɑl k tul nibuolu kul, k b tien’ɔ yɑdɑ tingbounŋ nɑ ni, k **Yendɔunŋ ni k Yennu tul’ɔ *yudɑnt.

Tiit 3:7

Yennu ninkpɑbɑɔnŋ pɑɑk k u din tun nnɑ ɑ wun tien’t niŋɑnm u buol, k biɑ tien’t u wɑɑs nbɑ mɔk dindɑnn k t sɑɑ lɑ mɑnfuol nbɑ kɑɑ gbennu.

Hebluonbɑ 10:38

Ŋɑɑn wun nbɑ tie niŋɑnɔ n buol ni nɑ sɑɑ lɑ mɑnfuol u yɑdɑ nɑ pɑɑk, ŋɑɑn l i tie k u ŋmɑt puol, n tɑn kii mɔk pɑlpienn nɑn’ɔ.»

Hebluonbɑ 3:14

K mɑɑn t tie Klistu tɔk-nɑn-lieb e, l i tie k t duu u pɑɑk nɑn tɑɑ din duu u pɑɑk sinsinn biɑnŋ nbɑ nɑ.

Hebluonbɑ 3:6

*Klistu nbɑ tie Yennu Bijɑ nɑ, u tie wun nbɑ kɑn ŋmɑt puol e k yen Yennu ŋɑɑtieb. L i tie k t mɔk pɑlcienn nɑn yugontl t dindɑnn pɑɑk, l wɑnn nɑn tinm e tie Yennu ŋɑɑtieb mɑnŋ.

Hebluonbɑ 4:14

L pɑɑk, ŋɑɑnt mɑn k tii diɑ t yɑdɑ nbɑ k t fiit wɑnn nɑ kenken, k mɑɑn t mɔk mɑnntɔ-yudɑɑn-jɑɑnn, k ŋuɑ e tie Yennu Bijɑ Yiesu, wun nbɑ ponŋ gɑl sɑɑn Yennu tiɑɔnŋ buol ni nɑ.

Hebluonbɑ 6:19

Dindɑnn nbɑ k t mɔk nɑ tie nɑn mɑnfuol jɑɑntɑlk nbɑ diɑ t mɑnfuol fɑnu. L tie dindɑnn nbɑ gɑl Yendɔunŋ ni Yennu jɑɑnti ŋɑsɑɑkɑk cincenn nbɑ tuu juɑn k puun nɑ e, k kuɑ dieok mɑnŋ linn po.

1 Piɑl 1:3

Pɑkn mɑn Yennu nbɑ tie t Yonmdɑɑnɔ Yiesu Klistu Bɑɑ nɑ, k mɑɑn u tin’t ninbɑɑɔk bonciɑnn k tul’t mɑnfopɑɑnn Yiesu Klistu kuun fiilu pɑɑk. Lin nbɑ nɑ e te k t mɔk dindɑnn nɑn t tɑn sii mɔk mɑnfuol,

1 Piɑl 1:5

k guu yinm nbɑ k Yennu yiikuo diɑ’i i yɑdɑ pɑɑk, ɑ yin lɑ i fielu nbɑ tien siil k sɑɑ nyi pɑɑnu dɑɑjuonti nɑ.

1 Sɑn 2:27

Ŋɑɑn yinm ŋɑnin, Yiesu sikn Foŋɑnm mɑnŋ i pɑɑk ɑ. Foŋɑnm mɑnŋ nbɑ biɑl be i ni nɑ, i ji kii luon k suɑ n wɑnn’i. K mɑɑn Foŋɑnm mɑnŋ mɔnŋ e wɑnt’i bont kul ɑ, k u wɑnnu mɑnŋ e tie bɑlmɔni wɑnnu, k fɑɑk kɑɑ lenŋ. L pɑɑk, ii sɑɑk Foŋɑnm wɑnnu nɑ kii be Klistu ni.

Fiitu 2:10

A dɑɑ tiin jɑŋmɑɑni nɑn fɑlɑ nbɑ bɑɑt ɑ pɑɑk nɑ. Sɑɑtɑn sɑɑ kuɑn i siɑb dɑnsɑlk ni k bikn’m. I tɑn sɑɑ lɑ muksuk fɑlɑ k sɑɑ diɑn dɑɑ piik. Ii wɑɑ n mɔb, k l i lek i tie kuun i e, k n tɑn sɑɑ pi’ɑ mɑnfuol foklk.›