Kuoluostieb 1:22 - Yiesu Lɑbɑmɑnn Muɑl Ni

²² Ŋɑɑn mɔtɑɑnɑ, u Bijɑ nbɑ din kpɑnt nilɔ k tɑn kpo nɑ pɑɑk, u ji te k l mɑn yinm nɑn ŋuɑ sinsuuk ni ɑ wun jii’i k yii tie niŋɑnm, k dɑɑ mɔk jɑknt nɑn biit u buol ni.

Kuoluostieb 1:22 Iomraidhean Croise

Lɑbɑmɑnn nbɑ k Luk diɑn 1:75

k t sii tie niŋɑnm nɑn niŋɑnm u buol ni nɑn t mɑnfuol gbennu.

Luonmtieb 7:4

N nɑɑ wɑɑs, l mun tie nnɑ e k tul’i. I kpo e k senni ji k mɔk i yiikuo, k yɑɑ tie *Klistu gbɑnɑnt bɔkl nɑ, i tie suɑ yɑb e. Mɔtɑɑnɑ, i gɑɑ nɑn nisuɑ e, wun nbɑ fiil kuun ni nɑ, ɑ yii tuun lin nbɑ mɔk nyuɑt k tul Yennu.

2 Kuolent-tieb 11:2

N mɔk *funfunn i pɑɑk k funfunn mɑnŋ nyi Yennu buol ni. I tie nɑn sɑpɑɑmɔ nbɑ k mi juɑ k biɑ k mɔk bisiɑt, k n jii’u k tien’ɔ *Klistu kuukuɑ sɑlkpenŋ.

2 Kuolent-tieb 4:14

K mɑɑn t mi nɑn Yennu nbɑ din fiin Yonmdɑɑnɔ Yiesu kuun ni nɑ, ŋuɑ e tɑn sɑɑ fiin tinm nɑn yinm nbɑ wɑɑ Yiesu mun kuun ni, k sɑɑ bɑɑl nɑn’t u mɔnŋ buol ni.

2 Kuolent-tieb 5:18

Lin nbɑ nɑ kul nyi Yennu buol e. Ŋuɑ e ŋɑnm tinm nɑn ŋuɑ sinsuuk ni Klistu pɑɑk, k yɑɑ tin te k lin ŋɑnm lieb nɑn ŋuɑ sinsuuk ni.

Efestieb 1:4

Yennu nbɑ ponŋ dɑɑ din k nɑn tingbounŋ yuo nbɑ nɑ wɑɑ k u din gɑnn’t ɑ tii tie u yɑb Yiesu Klistu pɑɑk, kii tie niŋɑnm k dɑɑ mɔk biit u buol ni. Yennu nbɑ din luon’t nɑ pɑɑk,

Efestieb 5:27

k jii’b tien’m u mɔnŋ nuu ni nɑn fɑnt, ɑ b fɑnt nɑ dɑɑ mɔk dɑnsiɑk, k biɑ kii tie niŋɑnm k dɑɑ mɔk biit nɑn wɑɑnm-nnɑ wɑɑ.

Kuoluostieb 1:28

Klistu mɑnŋ po e k t muɑntl, k kpɑɑn suɑ kul ɑ, k wɑnt suɑ kul nɑn yɑn buolu kul, ɑ bii kpɑɑtl k cie Klistu ni k bɑɑl Yennu buol ni.

1 Tesɑɑluoniiktieb 4:7

Yennu k yiin’t ɑ tii tie biitdɑnm kɑɑ, ŋɑɑn u yɑɑ tii be bɑnnu nbɑ k u tiɑɔnŋ yɑb be nɑ e.

Tiit 2:14

Ŋuɑ e din gɑɑl t pɑɑk k kpo, ɑ wun fɑt’t biit kul dɑɑbs ni, k te k tii tie niib nbɑ be binbenŋ nbɑ gbuot Yennu nunm nɑ ni, k biɑ kii tie u tiɑɔnŋ yɑb, k biɑ kii tie niib nbɑ nunm mɔn nɑn tuonŋɑnɑ tumu.

Hebluonbɑ 10:10

Yiesu Klistu din tun lin nbɑ k Yennu luon wun tun nɑ, k jii u gbɑnɑnt k mɑnn mɑlunŋ yonm kuɑ k l jɑnŋ nɑn niib kul ɑ, k fɑt’t biit ni.

Hebluonbɑ 10:20

Yiesu e luot mɑnfuol sɔnpɑɑnu jɑɑnti dieok cincenn ni k tul’t, k ŋɑnn e tie u gbɑnɑnt.

Hebluonbɑ 13:21

Yennu nbɑ tien’t mɑnu nɑ n te k i fit kii tuun tuonŋɑnɑ kul, k fit tun lin nbɑ k u luon. K Yiesu Klistu pɑɑk, wun tun t ni lin nbɑ pent u pɑl. Ŋuɑ Yiesu e mɔk *yudɑnt nɑn yuo nbɑ kɑɑ gbennu. * Amenn.

1 Piɑl 3:18

K mɑɑn Klistu din gɑɑl biitdɑnm kul pɑɑk k kpo yonm kuɑ e, k ŋuɑ nbɑ din tie niŋɑnɔ nɑ e din gɑɑl biitdɑnm pɑɑk k kpo, ɑ wun te yin sɑɑn Yennu buol. B din kpi’u, ŋɑɑn Foŋɑnm din te k u fiil kuun ni.

2 Piɑl 3:14

N yuɑsnbɑ, yɑɑ guu bonɑ mɑnŋ nɑ pɑɑk, i yɑbl i mɔnŋ pɑɑk kii be binbenŋ nbɑ k Yennu luon, k dɑɑ mɔk biit u buol, k mɑnu i be yinm nɑn ŋuɑ sinsuuk ni.

Suud 1:24

Yennu ii guu’i k i dɑɑ bɑɑ, k bɑɑl nɑn’i u tuɑnn yentsɑɑkɑl ni, k i dɑɑ mɔk biit, ŋɑɑn kii mɔk pɑlpienn bonciɑnn.