Kuoluostieb 1:16 - Yiesu Lɑbɑmɑnn Muɑl Ni

¹⁶ Ŋuɑ e mɔk yiikuo lin nbɑ kul k Yennu nɑn nɑ pɑɑk, lin nbɑ kul k u nɑn tinŋ nɑ pɑɑk, nɑn lin nbɑ kul k u nɑn sɑnpɑɑpo, lin nbɑ kul k t sɑɑ fit lɑ, nɑn lin nbɑ kul k t kɑn fit lɑ, nɑlnbiit yiikuonbɑ nbɑ be sɑnpɑɑpo, nɑlnbiit kpɑnbɑlɑ, nɑlnbiit bɑtnbɑ, nɑlnbiit kpɑɑkɑ, niib nbɑ mɔk nɑlnbiit pɑnŋ. Yennu din te k Klistu nɑn bont kul k bont kul tie u yɑl.

Kuoluostieb 1:16 Iomraidhean Croise

Lɑbɑmɑnn nbɑ k Sɑn diɑn 1:10

Mɑɑn din be tingbounŋ nɑ ni, k Yennu ponŋ din jii Mɑɑn mɑnŋ e k nɑn tingbounŋ nɑ kul, ŋɑɑn tingbounŋ nɑ ŋɑɑtieb lek tɑn k bɑnn Mɑɑn mɑnŋ.

Lɑbɑmɑnn nbɑ k Sɑn diɑn 1:3

Yennu din jii Mɑɑn mɑnŋ e nɑn bont kul, k siɑl din kɑɑ k Yennu nɑn k l k nyii u ni,

Luonmtieb 11:36

Yennu e din nɑn bonsiɑl kul, k u pɑɑk e k l kul be k tie u yɑl. Yudɑnt tie Yennu yɑl e nɑn yuo nbɑ kɑɑ gbennu. * Amenn.

Luonmtieb 8:38

K mɑɑn, n mi fɑnu nɑn siɑl kɑɑ k sɑɑ fit bɔkt tinm nɑn Klistu lonm, kuun ɑmi mɑnfuol ɑmi *mɑlɑkɑɑnbɑ ɑmi nɑlnbiit ɑmi lin nbɑ tie mɔtɑɑnɑ ɑmi lin nbɑ tɑn sɑɑ tien ɑmi

Luonmtieb 9:5

B yejɑnm din tie nijɑɑnɑ e k Klistu nbɑ din kpɑnt nisɑɑlk nɑ, u din tie b buolu ni yenɔ e. Ŋuɑ e tie Yennu nbɑ yen bont kul nɑ, u sɑɑ lɑ pɑku k l kii mɔk gbennu. * Amenn.

1 Kuolent-tieb 8:6

ŋɑɑn tinm yɑɑ buol ni ŋɑnin, Yen-yenɔ kuɑ e be, k ŋuɑ e tie Bɑɑ nbɑ din nɑn bonsiɑl kul, k u pɑɑk e k t fo, k Yomdɑɑn-yenɔ kuɑ e be, wun nbɑ tie Yiesu Klistu. Ŋuɑ e te k bonsiɑl kul be, k u pɑɑk e biɑk k t fo.

Efestieb 1:10

Yuo mɑnŋ i tɑnŋ i jɑnŋ cib, u sɑɑ tun gbenn u lolɑ mɑnŋ, ɑ u nɑɑmi kul nbɑ be sɑnpɑɑpo nɑn tinŋ ni ii mɔk yudɑɑnɔ yenɔ kuɑ k ŋuɑ e tie Klistu.

Efestieb 6:12

K mɑɑn t k kɔn nɑn wun nbɑ mɔk gbɑnɑnt nɑn sɔn kɑɑ, ŋɑɑn t kɔn nɑn nɑlnbiit e nɑn b yiikuo dɑnm, nɑn mɔtɑɑnɑ *dulnyɑ bunbɔnn ni yudɑnm, nɑn sɑnpɑɑpo nɑlnbiit.

Fiiliiptieb 2:10

ɑ k b i gbɑt Yiesu sɑnn yuo nbɑ nɑ, bin nbɑ kul nbɑ be sɑnpɑɑpo, nɑn tingbounŋ nɑ ni, nɑn tingbounŋ nɑ tinŋ po, n gbɑɑn b dunɑ pɑɑk,

Kuoluostieb 1:15

Klistu e tie Yennu ninnɑɔnŋ. T sɑɑ fit lɑ’u nɑn t ninbinɑ, ŋɑɑn Yennu ŋɑnin, t kɑn fit lɑ’u. Klistu e tie Yennu Bijɑkpel.

Kuoluostieb 1:20

Yennu jii ŋuɑ e k te k mɑnu bɑɑl ŋuɑ nɑn *dulnyɑ ŋɑɑtieb sinsuuk ni. U Bijɑ nbɑ din kpo dɑpunpunn pɑɑk nɑ, Yennu tien dulnyɑ ŋɑɑtieb mɑnu: bin nbɑ be tinŋ pɑɑk, nɑn bin nbɑ be sɑnpɑɑpo.

Kuoluostieb 2:10

k i mun gɑɑl u binbenŋ kul. Ŋuɑ e mɔk yiikuo nɑlnbiit kul nbɑ be, k mɔk yiikuo nɑn pɑnŋ, nɑ pɑɑk.

Kuoluostieb 2:15

Klistu din nyɑnn nɑlnbiit sɑɑkɑb nɑn nɑlnbiit bɑtnbɑ nbɑ mɔk yiikuo nɑn pɑnŋ nɑ. U din nyinn b kul pɑɑnu ni k te k b sonm ɑ niib n lɑ’b wɑɑ nyɑnn nyɑnnu dɑpunpunn pɑɑk nɑ pɑɑk.

Hebluonbɑ 1:2

ŋɑɑn mɔtɑɑnɑ u jii mɑɑn k tul u Bijɑ e k u pɑk nɑn tinm. Yennu din lukt’ɔ ɑ wuu yen bonsiɑl kul k biɑ din te k u nɑn *dulnyɑ kul.

Hebluonbɑ 2:10

K mɑɑn Yennu nbɑ din nɑn bonsiɑl kul k biɑ diɑ l kul nɑ, wɑɑ jii u wɑɑs bonciɑnn k kuɑn’m u nɑɑn ni nɑ, l din tokn u buol ni, ɑ wun te k b fielu dɑɑnɔ Yiesu n tien b Fietuɑ nɑn bɑlmɔni u fɑlɑ dinu ni.

1 Piɑl 3:22

U din sɑɑn *Yendɔunŋ ni e k be Yennu niidiitu po, k ji yen mɑlɑkɑɑnbɑ nɑn bin nbɑ kul mɔk yiikuo Yendɔunŋ ni nɑ.