Kuoluostieb 1:15 - Yiesu Lɑbɑmɑnn Muɑl Ni

¹⁵ Klistu e tie Yennu ninnɑɔnŋ. T sɑɑ fit lɑ’u nɑn t ninbinɑ, ŋɑɑn Yennu ŋɑnin, t kɑn fit lɑ’u. Klistu e tie Yennu Bijɑkpel.

Kuoluostieb 1:15 Iomraidhean Croise

Lɑbɑmɑnn nbɑ k Sɑn diɑn 1:1

Sintɑnsinm dinn, yuo nbɑ k Yennu din nɑn tingbounŋ nɑ, *Mɑɑn ponŋ din be. U din be nɑn Yennu e, k biɑ tie Yennu.

Lɑbɑmɑnn nbɑ k Sɑn diɑn 1:14

Mɑɑn mɑnŋ din tɑn kpɑnt nisɑɑlk, k tinm nɑn ŋuɑ din lɑkn kuɑ, k u gbie nɑn ninkpɑbɑɔnŋ nɑn bɑlmɔni. T din lɑ u *yudɑnt, k l yudɑnt tie lin nbɑ k Bijɑyenml lɑɑt u Bɑɑ buol ni.

Lɑbɑmɑnn nbɑ k Sɑn diɑn 1:18

Suɑ kɑɑ k mi lɑ Yennu. U mɔnŋ Bijɑyenml nbɑ set tie Yennu k biɑ kpiɑ’u nɑ, ŋuɑ e fiit’ɔ k wɑnn’t.

Lɑbɑmɑnn nbɑ k Sɑn diɑn 14:9

K Yiesu jiin ɑ: «Fiiliip, n ponŋ be nɑn’i k l wei wɑɑ, ŋɑɑn k ɑ dɑɑ k mi’n ii? Wun nbɑ lɑ’n, u set lɑ n Bɑɑ mɑnŋ e nɑ. K bee k ɑ yɑɑ ɑ n wɑnn’i n Bɑɑ mɑnŋ i?

Lɑbɑmɑnn nbɑ k Sɑn diɑn 15:24

Mi i bo kii tuun bɑktnɔunŋ tuonjɑɑnɑ nbɑ k suɑ dɑɑ k mi tun nɑ b buol ni, b biɑ bo kii mɔk biit, ŋɑɑn mɔtɑɑnɑ b lɑ bɑktnɔunŋ tuonjɑɑnɑ nɑ wɑɑ, ŋɑɑn nɑn min nɑn n Bɑɑ.

Lɑbɑmɑnn nbɑ k Sɑn diɑn 3:16

K mɑɑn Yennu mɑntk din luon tingbounŋ nɑ niib bonciɑnn. L pɑɑk, k u tul’b u Bijɑyenml, k wun nbɑ tien u Bijɑ mɑnŋ yɑdɑ u tɑn kɑn kpo, ŋɑɑn u sii mɔk mɑnfuol nbɑ kɑɑ gbennu,

Luonmtieb 8:29

U ponŋ din senn nɑn bin nbɑ k u lukt’b nɑ, ɑ bii tie nɑn u Bijɑ nɑ, k u Bijɑ nɑ n tien Bikpelk, wɑɑs bonciɑnn sinsuuk ni.

2 Kuolent-tieb 4:4

k te k b k tien *Klistu yɑdɑ, k yennu nbɑ tie yenbiiuk tingbounŋ nɑ ni nɑ, te k b subni nɑ k lɑɑt. Ŋɑnn e te k b k lɑɑt yentu nbɑ nyi Yiesu lɑbɑmɑnn nɑ ni nɑ. L yentu tie Klistu *yudɑnt yentu e, ŋuɑ nbɑ tie Yennu nɑɑɔnŋ nɑ.

2 Kuolent-tieb 4:6

Yennu nbɑ din yet ɑ: «Yentu n yent bunbɔnn ni,» ŋuɑ e te k u yentu nɑ yentl t pɑlɑ ni, ɑ tin bɑnn u yudɑnt nbɑ tie bɑnnu nbɑ, l yudɑnt e yien Yiesu Klistu nunpo nɑ.

Fiiliiptieb 2:6

Wɑɑ lek din tuu mɔk binbenŋ nbɑ tie Yennu tiɑɔnŋ yɑl nɑ, u din k mi dukn ɑ u sɑɑ jii u mɔnŋ k yekn nɑn Yennu,

Kuoluostieb 1:13

U fɑt’t bunbɔnn yiikuo ni, ŋɑɑn jii’t k kuɑn’t u Bilonkɑk nɑɑn ni.

1 Tiimuote 1:17

Tɔn, k mɔtɑɑnɑ Kpɑnbɑl nbɑ kɑɑ gbennu, k kɑn mi kpo, k suɑ k lɑɑt’ɔ, k u kuukuɑ tie Yennu, ŋuɑ e ŋɑn nɑn sɑnn nɑn dontl nɑn yuo nbɑ kɑɑ gbennu. * Amenn.

1 Tiimuote 6:16

Ŋuɑ kuukuɑ e kɑn kpo. U be yentciɑɔnŋ nbɑ k nilɔ kɑn fit nɑkn ni. Ŋuɑ e k nisuɑ dɑɑ k mi lɑ’u ɑmi k sɑɑ fit lɑ’u. Ŋuɑ e yen bɑɑkl nɑn yiikuo yuo nbɑ kɑɑ gbennu. * Amenn.

Hebluonbɑ 1:3

Bijɑ mɑnŋ ni e k t lɑ yentsɑɑkɑl nbɑ nyii Yennu *yudɑnt ni, k ŋuɑ mɑnŋ e tie Yennu mɔnŋ mɔnŋ ninnɑɔnŋ, k diɑ dulnyɑ kul nɑn u mɑɑn nbɑ mɔk yiikuo nɑ. Wɑɑ din tun lin nbɑ te k niib mɔk nyikcɑbu b biit pɑɑk nɑ puolpo, k u ji kɑl Yɑbnt Yennu niidiitu po *Yendɔunŋ ni.

Hebluonbɑ 1:6

K Yennu nbɑ din tɑn yɑɑ wun tun u Bijɑkpel tingbounŋ nɑ ni yuo nbɑ, k u yet ɑ: «L kpɑɑ tɑlɑs k Yennu mɑlɑkɑɑnbɑ kul ɑ n jiɑnt’ɔ.»

Hebluonbɑ 11:27

Ŋuɑ Muois yɑdɑ pɑɑk e din te k u nyii Ejipt, k k jie kpɑnbɑl nɑ wutuol jɑŋmɑɑni, ŋɑɑn lek sɑɑ tuɑnn k mɑɑn l nɑɑn nɑn u lɑɑt Yennu nbɑ k suɑ k lɑɑt’ɔ nɑn ninbinn nɑ.

Fiitu 3:14

«Diɑnt k tul Lɑodiise jɑɑnti mɑlɑkɑ ɑ: ‹Lɑbɑɑl nɑ nyii wun nbɑ sɑnn yi * Amenn nɑ buol e, k u tie bɑlmɔni siɑlɑɑdɑɑnɔ k ɑ fit tien u mɑɑn nɑ yɑdɑ. Ŋuɑ e tie Yennu nɑɑmi nɑ kul ɑ yudɑɑnɔ: