Kuoluostieb 1:12 - Yiesu Lɑbɑmɑnn Muɑl Ni

¹² T biɑ mei Yennu ɑ yin fit k tul’ɔ niipuouk, k mɑɑn u te k i mun biɑ lɑ bonɑ nbɑ k ŋuɑ Yennu din senn mɔsonn, ɑ u sɑɑ tul u niib u yentu nɑɑn ni nɑ.

Kuoluostieb 1:12 Iomraidhean Croise

Mɑɑtieo 25:34

K Kpɑnbɑl nɑ sɑɑ yet bin nbɑ sie u niidiitu po nɑ ɑ: ‹Yinm nbɑ k n Bɑɑ yɑt yetŋɑnm i pɑɑk nɑ, ii sɑɑ nɑ mɑn k tɑn kuɑ nɑɑn nbɑ k n Bɑɑ din ŋɑnm k guun’i *dulnyɑ piinu ni wɑɑ nɑ,

Lɑbɑmɑnn nbɑ k Sɑn diɑn 14:6

K Yiesu jiin k yet’ɔ ɑ: «Min e tie sɔnu nɑ, k biɑ tie mɔmɔnm, k biɑ tie mɑnfuol. Suɑ kɑɑ k sɑɑ bɑɑl n Bɑɑ buol ni, k l k tie k u sint bɑɑl’n.

Lɑbɑmɑnn nbɑ k Sɑn diɑn 20:17

K Yiesu yet’ɔ: «Ji dɑɑ diɑ’n, k mɑɑn n dɑɑ k duo n Bɑɑ buol ni. Ŋɑɑn i sɑɑ n nɑɑ wɑɑs penŋ, k sɑɑ yet’b ɑ, n sɑɑ do wun nbɑ tie n Bɑɑ nɑn i Bɑɑ nɑ penŋ ɑ, wun nbɑ tie n Yennu nɑn i Yennu nɑ.»

Lɑbɑmɑnn nbɑ k Sɑn diɑn 4:23

Ŋɑɑn yuo bɑɑt, k l ponŋ set bɑɑl nɑ, k bin nbɑ jiɑntl Bɑɑ Yennu nɑn bɑlmɔni nɑ sii jiɑntl’ɔ b pɑlɑ ni nɑn mɔni, k mɑɑn l nibuolu e k Yennu luon bii jiɑntl’ɔ nnɑ.

Tuonɑ 20:32

«Mɔtɑɑnɑ, n jikt’i k tie’i Yennu nuu ni, k biɑ mi nɑn yɑɑ bɑnn u mɑɑn nbɑ wɑnt u ninkpɑbɑɔnŋ po, l mɑɑn mɑnŋ sɑɑ fit cie i pɑlɑ, k biɑ tul’i fɑɑl nbɑ tie bin nbɑ kul tie u yɑb nɑ yɑl.

Tuonɑ 26:18

Fin e tie wun nbɑ sɑɑ yent b nunm po, k bin nyi bunbɔnn ni k kuɑ yentu ni, k biɑ nyinn’b *Sɑɑtɑn yiikuo ni k bin kuɑ Yennu yiikuo ni, ɑ bin lɑ nyikcɑbu k biɑ lɑ yiɑl bin nbɑ tie Yennu niib b yɑdɑ pɑɑk nɑ sinsuuk ni.› »

Luonmtieb 11:17

Suifnbɑ nɑ tie nɑn ŋɑɑk ni tiik nbɑ k b yi oliifie nbɑ ŋɑn nɑ e, k b kɔnn tiik nɑ yiinsiɑ. Fin nbɑ k tie Suif nɑ, ɑ tie nɑn muuk ni oliifie yiinu nɑ e k b tukn’ɑ b yiɑl ni ŋɑɑk ni oliifie pɑɑk, k mɔtɑɑnɑ ɑ gɑɑn bonŋɑnn nbɑ nyi ŋɑɑk ni oliifie nɑ jiinɑ nɑ ni e.

Luonmtieb 15:27

L tie mɔni e nɑn b mɔnŋ lonm e k b tul’b piini nɑ. Setk nɑn mɔni, ŋɑnm nbɑ k tie Suifnbɑ ŋɑɑn din lɑ siek jiet Suifnbɑ buol ni nɑ, l ŋɑn k bin nbɑ k tie Suifnbɑ nɑ n sonm Suifnbɑ b gbɑnɑnt ni nɑn b piini ni mun.

Luonmtieb 8:17

Tɑɑ set tie u wɑɑs nɑ pɑɑk, t sɑɑ lɑ u bonŋɑnɑ nbɑ k u bil k guun u niib nɑ wɑɑ. T biɑ sɑɑ lɑkn nɑn Klistu k gɑɑl’l ɑ, k mɑɑn l i tie k tinm nɑn Klistu libn dii fɑlɑ, tinm nɑn ŋuɑ mun tɑn sɑɑ libn lɑ *yudɑnt ɑ.

Luonmtieb 9:23

Yennu din luon wun wɑnn’t u yudɑnt nbɑ yɑb bɑnnu nbɑ, tinm nbɑ k u tin’t ninbɑɑɔk nɑ, tinm nbɑ k u ponŋ din lukt’t ɑ tin gɑɑl u yudɑnt nɑ.

1 Kuolent-tieb 8:6

ŋɑɑn tinm yɑɑ buol ni ŋɑnin, Yen-yenɔ kuɑ e be, k ŋuɑ e tie Bɑɑ nbɑ din nɑn bonsiɑl kul, k u pɑɑk e k t fo, k Yomdɑɑn-yenɔ kuɑ e be, wun nbɑ tie Yiesu Klistu. Ŋuɑ e te k bonsiɑl kul be, k u pɑɑk e biɑk k t fo.

1 Kuolent-tieb 9:23

Lɑbɑmɑnn nɑ pɑɑk e k n tie lin nbɑ nɑ kul ɑ n tɑn lɑ nyuɑt.

2 Kuolent-tieb 11:14

L k tie lin nbɑ mɔk yɑɑl-lituk kɑɑ. Nnɑ e k *Sɑɑtɑn tiɑɔnŋ nɑnt u mɔnŋ nɑn yentu *mɑlɑkɑ nɑ.

2 Kuolent-tieb 5:5

Yennu e ŋɑnm’t k t tien siil lebtu nɑ po, k tul’t u Foŋɑnm, k l tie nyinn k wɑnt’t lin nbɑ k u tɑn sɑɑ tul’t nɑ.

Efestieb 1:11

Yennu tun siɑl kul u dudukt nɑn u lolɑ ni e. Nnɑ e mun k u din lukt tinm, wɑɑ ponŋ din senn lin nbɑ nɑ pɑɑk nɑ.

Efestieb 1:18

N biɑ mei’ɔ mɑɑ wun yent i pɑlɑ ni ɑ yin bɑnn dindɑnn nbɑ pɑɑk k u yiin’i nɑ, k biɑ bɑnn nɑn bonɑ nbɑ k u tɑn sɑɑ tul u niib nɑ nbɑ yɑb k biɑ ŋɑn bonciɑnn biɑnŋ nbɑ,

Efestieb 2:18

Klistu pɑɑk e k Suifnbɑ nɑn bin nbɑ k tie Suifnbɑ nɑ kul ɑ fit bɑɑl Bɑɑ buol ni, u Foŋɑn-yenɔ ni.

Efestieb 3:6

U wuol ni lɑbɑɑl tie nɑ e: lɑbɑmɑnn pɑɑk e k bin nbɑ k tie Suifnbɑ nɑn Suifnbɑ nɑ ji fit tɑɑn lɑ bonŋɑnɑ nbɑ k Yennu senn k tul u niib nɑ. B bɑnle ji tɑɑn tie gbɑnɑn-yent kuɑ k mɔsonn nbɑ k Yennu din senn Yiesu Klistu ni ji tie b yɑl.

Efestieb 4:6

Yen-yenɔ be k tie nisɑɑli kul ɑ Bɑɑ, k biɑ tie suɑ kul ɑ Yonmdɑɑnɔ nbɑ tuun suɑ kul ni, k biɑ be siɑl kul ni.

Efestieb 5:11

k dɑɑ toki bin nbɑ tuun bunbɔnn ni tuonɑ k nyuɑt kɑɑ l ni, ŋɑɑn te k b bunbɔnn ni tuonɑ mɑnŋ n nyi pɑɑnu.

Efestieb 5:20

Yuo kul ii tien Bɑɑ Yennu niipuouk bonsiɑl kul pɑɑk, t Yonmdɑɑnɔ Yiesu Klistu sɑnn ni.

Efestieb 5:4

L biɑ k ŋɑn k boncuncontuonɑ mɑɑn ɑmi jɑknt mɑɑn ɑmi bɑlyɑnɑ ii nyi i mɔi ni, ŋɑɑn ii tien Yennu niipuouk mɑn.

Efestieb 5:8

I din be bunbɔnn ni e, ŋɑɑn yɑɑ be Klistu ni mɔtɑɑnɑ nɑ, i ji be yentu ni e. L pɑɑk, i ji kii be kii nɑɑn bin nbɑ tie yentu yɑb nɑ,

Kuoluostieb 2:2

N yɑɑ i pɑlɑ n cie e, k yin lɑkn tɑɑn lieb nɑn lonm, kii mɔk dindɑnn kul nbɑ bɑɑt nɑn bɑlmɔni minu. Nnɑ e kii sii mi Yennu wuol ni lɑbɑɑl nbɑ tie *Klistu tiɑɔnŋ nɑ.

Kuoluostieb 3:15

I ŋɑɑn k Klistu mɑnu ii diɑ i pɑlɑ kii ŋmɑktl’i. Yennu lɑkn yiin’i gbɑnɑn-yent kuɑ ni ɑ yii mɔk mɑnu mɑnŋ e. Ii tien Yennu niipuouk mɑn.

Kuoluostieb 3:17

Lin nbɑ kul k i tie, ii tie mɑn Yonmdɑɑnɔ Yiesu Klistu sɑnn ni. Lin nbɑ kul k i yien, ii yien mɑn Yonmdɑɑnɔ Yiesu Klistu sɑnn ni, kii tien Bɑɑ Yennu niipuouk Yiesu tuonɑ pɑɑk.

Tiit 2:14

Ŋuɑ e din gɑɑl t pɑɑk k kpo, ɑ wun fɑt’t biit kul dɑɑbs ni, k te k tii tie niib nbɑ be binbenŋ nbɑ gbuot Yennu nunm nɑ ni, k biɑ kii tie u tiɑɔnŋ yɑb, k biɑ kii tie niib nbɑ nunm mɔn nɑn tuonŋɑnɑ tumu.

Hebluonbɑ 12:23

I bɑɑl tintɑɑnu buol nbɑ k l mɔtɑɑɔk niib tie Yennu wɑɑkpeli e k b sɑnɑ diɑn Yendɔunŋ ni. I bɑɑl Yennu nbɑ tie nisɑɑlk kul bɑlbuulɔ nɑ buol ni, nɑn bin nbɑ tie niŋɑnm Yennu tuɑnn k u te k b be binbenŋ nbɑ gbuot u nunm nɑ sei buol ni e.

Hebluonbɑ 3:1

N nɑɑ wɑɑs nbɑ tie Yennu yɑb k biɑ be bin nbɑ k Yennu lukt’b nɑ ni, ii goli mɑn Yiesu, wun nbɑ k Yennu din tun’ɔ ɑ wun tɑn tien *mɑnntɔyudɑɑnɔ t Yenjiɑntu sɔnu ni nɑ.

Hebluonbɑ 3:14

K mɑɑn t tie Klistu tɔk-nɑn-lieb e, l i tie k t duu u pɑɑk nɑn tɑɑ din duu u pɑɑk sinsinn biɑnŋ nbɑ nɑ.

Sɑɑk 3:9

Jeln nbɑ k t diɑ k piɑk dont t Bɑɑ Yennu nbɑ tie Yonmdɑɑnɔ nɑ, l jeln e k t biɑ diɑ k puol nifosɑɑli mɔi, bin nbɑ k Yennu din nɑn’m u nɑɑɔnŋ ni.

1 Piɑl 5:1

*Sɑɑkɑb nbɑ be i sinsuuk ni, n kpɑɑn’i e, min nbɑ mun tie sɑɑkuɑ nɑ, k n ninbinn din lɑ *Klistu nbɑ din dii fɑlɑ biɑnŋ nbɑ, k biɑ tɑn sɑɑ lɑkn k lɑ *yudɑnt nɑn’ɔ yuo nbɑ k l tɑn sɑɑ nyi pɑɑnu nɑ.

1 Sɑn 1:3

Lin nbɑ k t lɑ k biɑ gbɑt nɑ, t mun muɑntl k tien’i, ɑ yin ji fit tɑɑn nɑn’t mɔtɑɑɔk ni. Bɑlmɔni e setk, t mɔtɑɑɔk ni, t tɑɑnt nɑn Bɑɑ Yennu nɑn u Bijɑ Yiesu *Klistu.

Fiitu 21:23

K duo mɑnŋ k luon yennu ɑmi ŋmɑɑlk yentu lenŋ, k mɑɑn Yennu *yudɑnt nɑ e tie l yentu, k Pebik nɑ mun tie l fitl.

Fiitu 22:14

Dɑnm nbɑ wuul b tiɑt nɑ, pɑlpienn tie b yɑl e, k l pɑɑk k b mɔk yiikuo nbɑ sɑɑ muɑ tiik nbɑ tien mɑnfuol nɑ luɑnɑ, k sɑɑ kuɑ tɑnmɔb nɑ ni k sɑɑn duo nɑ ni.

Fiitu 22:5

Nyiɑɔk ji tɑn sii kɑɑ, b tɑn ji kii luon fitl nɑn yennu yentu lenŋ, k mɑɑn Yonmdɑɑnɔ Yennu sii tie b yentu. K b sɑɑ di nɑɑn kii be nɑn yuo nbɑ kɑɑ gbennu.