Kuoluostieb 1:10 - Yiesu Lɑbɑmɑnn Muɑl Ni

¹⁰ Nnɑ e k i sɑɑ fit kii be binbenŋ nbɑ k Yonmdɑɑnɔ luon. Ii tuun mɑn yuo kul lin nbɑ ŋɑn u po, kii tuun tuonŋɑnɑ buolu buolu kul. I i tuun nnɑ i tɑn sɑɑ ŋɑnm bɑnn Yennu fɑnu wɑɑ.

Kuoluostieb 1:10 Iomraidhean Croise

Lɑbɑmɑnn nbɑ k Sɑn diɑn 15:16

Yinm kɑɑ gɑnn’n, ŋɑɑn min e gɑnn’i, k tul’i tuonɑ mɑɑ ii sɑɑ kii luon luɑnɑ bonciɑnn, luɑnɑ nbɑ sii be mɔkmɔk nɑn mɔkmɔk, ɑ n Bɑɑ Yennu n tul’i lin nbɑ k i miɑl’ɔ n sɑnn ni.

Lɑbɑmɑnn nbɑ k Sɑn diɑn 15:8

L i tie k i luon luɑnɑ bonciɑnn, ŋɑnn e sɑɑ wɑnn nɑn i set tie n *puolpoweitieb nɑn bɑlmɔni, k n Bɑɑ sɑɑ lɑ dontl.

Lɑbɑmɑnn nbɑ k Sɑn diɑn 17:3

K mɑnfuol mɑnŋ e tie lin nbɑ sɑɑ te k niib n bɑnn fin nbɑ tie Yennu nɑn bɑlmɔni, k suɑ kɑɑ, nɑn Yiesu *Klistu nbɑ k ɑ tun’ɔ nɑ.

Luonmtieb 1:13

N nɑɑ wɑɑs, n luon yin bɑnn nɑn n yɑbl nɑn tɑɑl munŋɑ nɑ wɑɑ, ɑ n bɑɑl k tɑn gɔn’i, ŋɑɑn k siɑl guɑl’n mɔkmɔk nɑn mɔtɑɑnɑ k n k fit gɔn’i ni. N luon k n tuonn n tun siɑl i sinsuuk ni nɑn lɑɑ din tun biɑnŋ nbɑ nilieb sinsuuk ni nɑ.

Luonmtieb 4:12

Ablɑɑhɑɑnm tie bin nbɑ pot nɑ mun yɑɑ bɑɑ e. L k tie ɑ bɑɑ pot nɑ pɑɑk kɑɑ, ŋɑɑn bɑɑ biɑ wɑɑ biɑnŋ nbɑ k t bɑɑ Ablɑɑhɑɑnm din tien Yennu yɑdɑ nɑ, l puolpo e wɑɑ k u din tɑn pot. B yɑdɑ pɑɑk e k Ablɑɑhɑɑnm tie b bɑɑ.

Luonmtieb 6:4

L pɑɑk, t din kpo e nɑn Klistu k b lɑkn pii’t nɑn’ɔ Yennu nyunwulu ni, k u Bɑɑ nbɑ din jii u bɑktnɔunŋ yiikuo k fiin’ɔ kuun ni nɑ, nnɑ e k t mun fiil ɑ tii be mɑnfopɑɑnn ni.

2 Kuolent-tieb 2:14

Ŋɑɑn Yennu yen niipuouk, k mɑɑn t tie Klistu dɑɑbɑ k wɑɑ u puolpo yuo kul, k u lin k wɑnt nɑn nyɑnnu tie u yɑl e. Yennu jii’t ɑ tin fiit Klistu k wɑnn suɑ kul mun, k u lɑbɑmɑnn tie nɑn tulɑɑli nbɑ nubl mɑn l kul po biɑnŋ nbɑ nɑ e.

2 Kuolent-tieb 4:6

Yennu nbɑ din yet ɑ: «Yentu n yent bunbɔnn ni,» ŋuɑ e te k u yentu nɑ yentl t pɑlɑ ni, ɑ tin bɑnn u yudɑnt nbɑ tie bɑnnu nbɑ, l yudɑnt e yien Yiesu Klistu nunpo nɑ.

2 Kuolent-tieb 5:9

L pɑɑk, tii biɑl gbɑnɑnt mɑnŋ ni, ɑmi tii nyik’l, t ninbinn mɔn ɑ t penn u pɑl ni e.

2 Kuolent-tieb 9:8

Yennu mɔk yiikuo nbɑ sɑɑ tul’i bonsiɑl kul k l yɑb, k i sii mɔk lin nbɑ kul siɑn k l biɑ sɑɑ tenn k jɑnŋ nɑn yii tuun tuonŋɑnɑ kul ɑ,

Efestieb 1:17

k lek mei t Yonmdɑɑnɔ Yiesu Klistu Yennu, wun nbɑ tie Bɑɑ nbɑ ŋɑn nɑn dontl, ɑ wun tul’i Foŋɑnm nbɑ sɑɑ tul’i yɑn k fiit Yennu k tul’i, k yin bɑnn’ɔ fɑnu.

Efestieb 2:10

ŋɑɑn Yennu e tien’t nnɑ, k t tie u nɑɑmi Klistu ni ɑ tin tun tuonŋɑnɑ nbɑ k u din dɔnŋ tien l siil ɑ tii tuun nɑ.

Efestieb 4:1

Min nbɑ be dɑnsɑlk tuonɑ nbɑ k n tuun k tien Yonmdɑɑnɔ pɑɑk, n bɑln’mi e ɑ i ŋɑɑn k i binbenŋ i tie fɑnu nɑn Yennu nbɑ din luon k lii tie biɑnŋ nbɑ nɑ yuo nbɑ k u din yiin’i nɑ.

Efestieb 4:13

nɑn yuo nbɑ k t sɑɑ tɑɑn tien yonm t yɑdɑ ni nɑn tɑɑ bɑnn Yennu Bijɑ biɑnŋ nbɑ, k t sɑɑ nyik t bisn k tien nikpelɑ, k gɑɑl Klistu binbenŋ nbɑ tie dede.

Efestieb 5:10

I yɑbl i mɔnŋ k tumi lin nbɑ sɑɑ penn Yonmdɑɑnɔ pɑl ni,

Efestieb 5:15

Ii goli i binbenŋ mɑn. I dɑɑ be jɑtbenu, ŋɑɑn kii mɔk subndɑnm binbenŋ e.

Efestieb 5:2

k ŋɑɑn k lonm i diɑ’i nɑn *Klistu nbɑ din luon’t bonciɑnn k gɑɑl t pɑɑk k kpo k l nɑɑn nɑn mɑnnu nbɑ k l nublu mɑn k tul Yennu nɑ.

Fiiliiptieb 1:11

k i binbenŋ n gbie nɑn yentinu luɑnɑ nbɑ nyii Yiesu Klistu buol ni nɑ, ɑ Yennu n lɑ dontl nɑn pɑku.

Fiiliiptieb 1:27

Ŋɑɑn lin nbɑ yɑɑ kul ni, ŋɑɑnt k i binbenŋ sɔnu ii tie nɑn Klistu lɑbɑmɑnn nbɑ luon lii tie bɑnnu nbɑ nɑ. K mi i lek i fit sɑɑn lɑ’i ɑmi mi i kii fit lɑ’i ni, ŋɑɑn n sɑɑ gbɑt ɑ i sie fɑnu nɑn dudukyent kuɑ, k tɑɑn mɔtɑɑɔk k yɑbi i mɔnŋ k yɑdɑ nbɑ nyi lɑbɑmɑnn nɑ ni n sɑɑn tuɑnn.

Fiiliiptieb 4:18

N gɑɑl i piini nɑ munn ɑ k l cul ɑ. Epɑɑflodiit nbɑ tul’n i piini mɑnŋ nɑ, n ji mɔk lin nbɑ kul k n luon. I piini tie nɑn mɑnnu nbɑ k l nublu mɑn k tul Yennu k u gɑɑl’l nɑ e.

Kuoluostieb 2:19

L dɑnm k gɑɑl nɑn Klistu nbɑ tie yul nɑ kɑɑ. Ŋɑɑn Klistu mun e te k gbɑnɑnt lɑɑt jiet, k tɑɑnt jiinɑ nɑn tuktɑ k l kpɑɑtl nɑn Yennu nbɑ luon biɑnŋ nbɑ nɑ.

Kuoluostieb 2:6

Biɑnŋ nbɑ k i ponŋ din gɑɑl Yiesu Klistu nɑn u tie Yonmdɑɑnɔ nɑ, ii be u ni nnɑ mɑn,

Kuoluostieb 3:20

Wɑɑs, ii sɑɑk i dɑnm mɔi bonsiɑl kul ni, k mɑɑn ŋɑnn e pent Yennu pɑl ni.

Kuoluostieb 4:5

Ii mi mɑn i binbenŋ nbɑ tie biɑnŋ nbɑ k tul bin nbɑ k tie Klistu niib nɑ, k jii i yuo kii tuun fɑnu yuo kul nbɑ k Yennu luot sɔnu k tul’i.

1 Tesɑɑluoniiktieb 2:12

k cien k biɑ mɑɑnt i pɑlɑ, k tun kpɑɑn’i ɑ ii mɔk binbensiɑk nbɑ sɑɑ gbuo Yennu nunm, wun nbɑ yiin’i ɑ yin kuɑ u tiɑɔnŋ nɑɑn ni k gɑɑl u dontl.

1 Tesɑɑluoniiktieb 4:1

Tɔn, t nɑɑ wɑɑs, i din tumi t penŋ biɑnŋ nbɑ k i sii tuun k pent Yennu pɑl ni, k nnɑ e k i ji tuun. Mɔtɑɑnɑ, t bɑln’mi e k kpɑɑn’i Yonmdɑɑnɔ Yiesu sɑnn ni, ɑ ii ŋɑnmt kii tuun nnɑ mɑn,

2 Tiimuote 2:4

Seje nbɑ luon wun penn u sɑɑkuɑ pɑl tuonn ni, ji k ŋmɑt u binbenŋ nɑn lin nbɑ k tie sejenm tuonɑ ni.

Tiit 3:1

A tiɑl’b k bin tul b tinŋ yudɑnm nɑn yiikuo-dɑnm bɑɑkl, k sɑk b mɔi, k tien siil k tun tuonŋɑnɑ kul ɑ.

Tiit 3:14

L kpɑɑ tɑlɑs k t niib ii mi bɑɑ sii tuun tuonŋɑnɑ bonciɑnn bɑnnu nbɑ, kii sonmt niib b fɑlɑ ni, k dɑɑ be binbenŋ nbɑ kɑɑ nyuɑt.

Hebluonbɑ 11:5

Enɔk yɑdɑ pɑɑk e k u din tɑn k kpo, ŋɑɑn k Yennu din jii’u k duo nɑn’ɔ *Yendɔunŋ ni, k suɑ ji k lɑ’u, k mɑɑn Yennu e ponŋ din jii’u. K l diɑn Yennu lolkpel kɑdɑɑɔk ni, ɑ yuo nbɑ k Yennu dɑɑ din k jii’u nɑ, u din penn Yennu pɑl ni wɑɑ.

Hebluonbɑ 13:16

I dɑɑ nyikt tuonŋɑnɑ tumu, kii centl yɑɑ mɔk lin nbɑ nɑn i lieb, k mɑɑn l mɑnbuolu e pent Yennu pɑl ni.

Hebluonbɑ 13:21

Yennu nbɑ tien’t mɑnu nɑ n te k i fit kii tuun tuonŋɑnɑ kul, k fit tun lin nbɑ k u luon. K Yiesu Klistu pɑɑk, wun tun t ni lin nbɑ pent u pɑl. Ŋuɑ Yiesu e mɔk *yudɑnt nɑn yuo nbɑ kɑɑ gbennu. * Amenn.

2 Piɑl 1:8

Ŋɑnn tie lin nbɑ k i bo sii mɔk, k l i tie k i mɔk’l k l yɑbt, i sɑɑ fit tun Yennu tuonn fɑnu k biɑ bɑnn t Yonmdɑɑnɔ Yiesu Klistu k pukn.

2 Piɑl 3:18

I ŋɑɑn k t Yonmdɑɑnɔ Yiesu Klistu nbɑ tie t Fietuɑ nɑ, ninkpɑbɑɔnŋ ii be i binbenŋ ni kii puki, k yin mun ŋɑɑn k yɑɑ bɑnn’ɔ bɑnnu nbɑ nɑ n pukn. Ŋuɑ e yen dontl mɔtɑɑnɑ nɑn yuo nbɑ kɑɑ gbennu. * Amenn.

1 Sɑn 3:22

k t lɑɑt lin nbɑ kul k t mei’ɔ l po k mɑɑn t sɑɑk u senni k tuun lin nbɑ pent u pɑl.

1 Sɑn 5:20

T mi nɑn Yennu Bijɑ din bɑɑl tingbounŋ nɑ ni, k tɑn tul’t yɑn, ɑ tii bɑnt bɑlmɔni Yennu. T be u ni u Bijɑ Yiesu Klistu nɑ pɑɑk e, k ŋuɑ e tie bɑlmɔni Yennu k biɑ tie mɑnfuol nbɑ kɑɑ gbennu.

3 Sɑn 1:6

B dɑɑn pɑk ɑ bulcint mɑnŋ po *Klistu mɔtɑɑɔk niib sinsuuk ni. N bɑln’mɑ e, fii sonmt’b kii ŋɑnmt b sɔnu bɑnnu nbɑ sɑɑ penn Yennu pɑl.