Hebluonbɑ 1:3 - Yiesu Lɑbɑmɑnn Muɑl Ni

³ Bijɑ mɑnŋ ni e k t lɑ yentsɑɑkɑl nbɑ nyii Yennu *yudɑnt ni, k ŋuɑ mɑnŋ e tie Yennu mɔnŋ mɔnŋ ninnɑɔnŋ, k diɑ dulnyɑ kul nɑn u mɑɑn nbɑ mɔk yiikuo nɑ. Wɑɑ din tun lin nbɑ te k niib mɔk nyikcɑbu b biit pɑɑk nɑ puolpo, k u ji kɑl Yɑbnt Yennu niidiitu po *Yendɔunŋ ni.

Hebluonbɑ 1:3 Iomraidhean Croise

Mɑɑtieo 22:24

K b din yet Yiesu ɑ: «Wɑntuɑ, Muois din wɑnn nɑn l i tie k juɑ kuɑn u puo ŋɑɑn kpo k k mɑl bik, ɑ u bɑɑ bik n fɑɑl u pɑkuɑk mɑnŋ k mɑl wɑɑs tul kpiemɔ nɑ.

Mɑɑlk 16:19

Tɔn, Yonmdɑɑnɔ Yiesu nbɑ pɑk mɑɑn nɑ k gbenn yuo nbɑ, k Yennu te k u duo sɑnpɑɑpo k sɑɑ kɑl ŋuɑ Yennu niidiitu po.

Lɑbɑmɑnn nbɑ k Sɑn diɑn 1:14

Mɑɑn mɑnŋ din tɑn kpɑnt nisɑɑlk, k tinm nɑn ŋuɑ din lɑkn kuɑ, k u gbie nɑn ninkpɑbɑɔnŋ nɑn bɑlmɔni. T din lɑ u *yudɑnt, k l yudɑnt tie lin nbɑ k Bijɑyenml lɑɑt u Bɑɑ buol ni.

Lɑbɑmɑnn nbɑ k Sɑn diɑn 1:29

Lɑɑ yent sɑn-nyiɑɔk, k Sɑn mɑnŋ lɑ Yiesu k u bɑɑt, k u yet niib nɑ ɑ: «Gotl mɑn. *Yennu Pebik nbɑ nyint tingbounŋ nɑ biit e nɑ.

Lɑbɑmɑnn nbɑ k Sɑn diɑn 1:4

k u ni e biɑk k mɑnfuol be, k l mɑnfuol mɑnŋ e tie niib yentu,

Tuonɑ 2:33

K Yennu biɑ donn’ɔ ɑ wun kɑl u niidiitu po. Wɑɑ kɑl nɑ k u gɑɑl Foŋɑnm nbɑ k u Bɑɑ din senn mɔsonn ɑ u sɑɑ tul’ɔ nɑ, k mɔtɑɑnɑ k u yɑt Foŋɑnm mɑnŋ t pɑɑk k ŋɑnn e k i gbiɑ k biɑ lɑɑt lin nbɑ tuun t ni nɑ.

Tuonɑ 7:56

k u yet ɑ: «Gotl, n lɑ k sɑnpɑɑpo luot k *Nisɑɑlk Bijɑ sie Yennu niidiitu po.»

Luonmtieb 1:16

Fei k mɔk’n nɑn k n muɑnt lɑbɑmɑnn mɑnŋ, k mɑɑn l tie Yennu yiikuo nbɑ fiel wun nbɑ kul tien yɑdɑ nɑ e. Sinsinn l tie *Suifnbɑ yɑl e, k mun biɑ tie bin nbɑ k tie Suifnbɑ nɑ kul yɑl.

Luonmtieb 8:34

Ŋmee be k sɑɑ bu b buut k biil’b i? Suɑ kɑɑ, k mɑɑn Yiesu Klistu nbɑ din kpo k fiil kuun ni k biɑ be Yennu niidiitu po k tie t sindɑntinnɔ nɑ.

2 Kuolent-tieb 4:4

k te k b k tien *Klistu yɑdɑ, k yennu nbɑ tie yenbiiuk tingbounŋ nɑ ni nɑ, te k b subni nɑ k lɑɑt. Ŋɑnn e te k b k lɑɑt yentu nbɑ nyi Yiesu lɑbɑmɑnn nɑ ni nɑ. L yentu tie Klistu *yudɑnt yentu e, ŋuɑ nbɑ tie Yennu nɑɑɔnŋ nɑ.

Kuoluostieb 3:1

I din fiil nɑn *Klistu kuun ni, l pɑɑk i jii i pɑlɑ k gɑɑn nɑn *Yendɔunŋ ni bonɑ, siɑn nbɑ k Klistu kɑl Yennu niidiitu po nɑ.

Tiit 2:14

Ŋuɑ e din gɑɑl t pɑɑk k kpo, ɑ wun fɑt’t biit kul dɑɑbs ni, k te k tii tie niib nbɑ be binbenŋ nbɑ gbuot Yennu nunm nɑ ni, k biɑ kii tie u tiɑɔnŋ yɑb, k biɑ kii tie niib nbɑ nunm mɔn nɑn tuonŋɑnɑ tumu.

Hebluonbɑ 1:13

Tɔn, Yennu dɑɑ k mi yet mɑlɑksuɑ ɑ: «Kɑln n niidiitu po nnɑ nɑ mɔkmɔk k mɑn tɑn jii ɑ dɑtɑi nɑ k tien’m ɑ tɑɑkpɑktɑ.»

Hebluonbɑ 10:12

Ŋɑɑn Klistu ŋɑnin din mɑnn mɑlunŋ yonm kuɑ e, lin nbɑ mɔk yiikuo yuo kul biit pɑɑk, ŋɑɑn ŋmɑt duo *Yendɔunŋ ni k kɑl Yennu niidiitu po.

Hebluonbɑ 12:2

Ŋɑɑnt k tin kpɑn kpɑɑ t ninbinɑ Yiesu pɑɑk. Ŋuɑ e k t yɑdɑ gɑɑ u pɑɑk l pinpiik ni wɑɑ nɑn l juontu ni nɑ. U din dii fɑlɑ dɑpunpunn pɑɑk nɑn suklu k k tin fei, k mɑɑn u din mi pɑlpienn nbɑ guu’u nɑ po, k mɔtɑɑnɑ u ji kɑl Yennu nɑɑngbounŋ nɑ niidiitu po. Nɑ din k te k u nyik u yɑblu, k mɑɑn pɑlpienn nbɑ din bɑɑt u pɑɑk nɑ pɑɑk, u din k dukn k l mɔk’ɔ fei nɑn wun kpo l dɑpunpunn pɑɑk, ŋɑnn e te k u ji kɑl Yennu nɑɑngbounŋ pɑɑk u niidiitu po mɔtɑɑnɑ.

Hebluonbɑ 4:14

L pɑɑk, ŋɑɑnt mɑn k tii diɑ t yɑdɑ nbɑ k t fiit wɑnn nɑ kenken, k mɑɑn t mɔk mɑnntɔ-yudɑɑn-jɑɑnn, k ŋuɑ e tie Yennu Bijɑ Yiesu, wun nbɑ ponŋ gɑl sɑɑn Yennu tiɑɔnŋ buol ni nɑ.

Hebluonbɑ 7:27

*Mɑnntɔyudɑnlieb nɑ din tuu mɑnn *mɑlunŋ dɑɑl n tuu dɑɑl b tiɑɔnŋ biit pɑɑk sinsinn, k biɑ mɑnn *mɑlunŋ niib biit pɑɑk. Ŋuɑ Yiesu k tie nnɑ kɑɑ. U din jii u mɔnŋ k mɑnn mɑlunŋ yonm kuɑ e, k l jɑnŋ nɑn niib kul ɑ.

Hebluonbɑ 8:1

Bɑli nɑ bɑlnuɑk wɑnt nɑn t mɔk *mɑnntɔyudɑɑnɔ nbɑ tie nnɑ mun, k kɑl Yennu nbɑ mɔk pɑnŋ kul nɑ nɑɑngbounŋ niidiitu po *Yendɔunŋ ni,

Hebluonbɑ 9:16

Tɔn, nilɔ ii diɑn u fɑdinu kɑdɑɑɔk l kpɑɑ tɑlɑs k bin wɑnn nɑn wun nbɑ diɑn fɑdinu kɑdɑɑɔk nɑ kpo wɑɑ.

Hebluonbɑ 9:26

L ii dinŋ ii bo i tie nnɑ i e, ŋɑnn lɑɑ din nyii *dulnyɑ nɑmu pinpiik ni wɑɑ, u din bo sɑɑ di fɑlɑ tɑɑl bonciɑnn. Ŋɑɑn mɔtɑɑnɑ, yuo nbɑ ji tɑn pel juontu nɑ k u din dɔkt ɑ wun jii u mɔnŋ k mɑnn mɑlunŋ k kpien biit.

1 Piɑl 1:21

Klistu ni e k i tien Yennu yɑdɑ, k Yennu tie wun nbɑ din fiin’ɔ kuun ni k tul’ɔ yudɑnt. L pɑɑk, k i yɑdɑ nɑn i dindɑnn be Yennu ni.

1 Piɑl 3:22

U din sɑɑn *Yendɔunŋ ni e k be Yennu niidiitu po, k ji yen mɑlɑkɑɑnbɑ nɑn bin nbɑ kul mɔk yiikuo Yendɔunŋ ni nɑ.

2 Piɑl 1:16

Setk nɑn mɔni, t din k jii fɑɑk sɔnu ɑmi nisɑɑlk tiɑɔnŋ yɑn ni lɑbɑɑl kɑɑ, k wɑnn’i bɑnnu nbɑ k t Yonmdɑɑnɔ tɑn sɑɑ jen nɑn yiikuo nɑ, ŋɑɑn t din lɑ u yɑbnt nɑn t ninbinɑ e.

2 Piɑl 1:17

T din be nɑn’ɔ e, yuo nbɑ k Bɑɑ Yennu din tul’ɔ sɑnn nɑn dontl. L yuo mɑnŋ e k kunkɔl nyii Yennu nɑ yentsɑɑkɑl nbɑ gɑl yentsɑɑkɑlɑ kul nɑ buol ni k yet ɑ: «N Bilonkɑk e nɑ, wun nbɑ k n nunm gbuo’u nɑ e nɑ.»

1 Sɑn 1:7

Ŋɑɑn l i tie k t wɑɑ yentu sɔnu yuo kul, nɑn Yennu nbɑ be yentu ni biɑnŋ nbɑ nɑ, ŋɑnn t mɔk mɔtɑɑɔk nɑn t lieb, k u Bijɑ Yiesu sɔn e wu t pɑlɑ ni k t ji k mɔk biit.

1 Sɑn 3:5

I mi nɑn Yiesu Klistu din bɑɑl tingbounŋ nɑ ni, ɑ wun nyinn t biit e, k biit kɑɑ u ni.

Suud 1:25

Ŋuɑ nbɑ tie Yen-yenɔ kuɑ k fiel’t t Yonmdɑɑnɔ Yiesu Klistu pɑɑk nɑ, u yen dontl nɑn yɑbnt nɑn yiikuo nɑn *yudɑnt, yuo nbɑ din gɑl nɑ, nɑn mɔtɑɑnɑ, nɑn yuo nbɑ kɑɑ gbennu. * Amenn.

Fiitu 3:21

Wun nbɑ nyɑnn nyɑnnu nɑ, n sɑɑ tul’ɔ yiikuo k wun tɑn lɑkn kɑl nɑn’n n nɑɑngbounŋ nɑ pɑɑk nɑn mɑɑ nyɑnn nyɑnnu kul k lɑkn kɑl nɑn n Bɑɑ u nɑɑngbounŋ nɑ pɑɑk biɑnŋ nbɑ nɑ.’»

Fiitu 4:11

«T Yonmdɑɑnɔ Yennu, l jɑnŋ nɑn tin tul’ɑ *yudɑnt, k tul’ɑ bɑɑkl nɑn yiikuo wɑɑ, k mɑɑn fin e din nɑn bont kul ɑ. A nɑɑɔnŋ mɑnŋ kul be k mɔk mɑnfuol, k mɑɑn ɑ din luon nnɑ.»